- Аман къатын алгъан, арыр, иги къатын алгъан джарыр.
- Хар сёзню орну барды.
- Элни кючю – эмеген.
- Кёзден кетген, кёлден да кетеди.
- Аманнга да, игиге да оноусуз къатышма.
- Ашда – бёрю, ишде – ёлю.
- Кёл ашады да, кеси ашады.
- Олтуруб кёрюнмей эди да, ёрге туруб кёрюне эди.
- Джумушакъ сёз къаты таякъны сындырыр.
- Тёзген – тёш ашар!
- Тамчы таш тешер.
- Атынг аманнга чыкъгъандан эсе, джанынг тамагъынгдан чыкъсын.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адам къаллай бир ишленмесе, аллай бир кесин уллу кёреди.
- Адамны аманы адамны бети бла ойнар.
- Адебсиз адам – джюгенсиз ат.
- Гыдай эчки суугъа къараб, мюйюзле кёрмесе, джашма алкъын, дегенди.
- Къарны аманнга къазан такъдырма, къолу аманнга от джакъдырма.
- Къонакъ кёб келюучю юйню, къазаны отдан тюшмез.
- Керек ташны ауурлугъу джокъ.
- Джаханимни кёрмей, джандетге кёл салмазса.
- Эр сокъур болсун, къатын тилсиз болсун.
- Акъылсызны джууукъгъа алма, акъыллыны кенгнге салма.
- Ётюрюк хапар аякъ тюбю бла джюрюйдю.
- Ашхылыкъ джерде джатмайды, аманлыкъ суугъа батмайды.
- Ишлегенде эринме, ишде чолакъ кёрюнме.
- Айныгъанлы алты кюн, тогъайгъанлы тогъуз кюн.
- Агъач – джерни чырайы, кийим – эрни чырайы.
- Бермеген къол, алмайды.
- Кечеси – аяз, кюню – къыш, джарлы къаргъагъа бир аш тюш!
- Окъугъан озар, окъумагъан тозар.
- Къарыусузгъа кюлме, онгсузгъа тийме.
- Аджашханны ызындагъы кёреди, джангылгъанны джанындагъы биледи.
- Къуллукъчума, деб махтанма, къуллукъ – хаух джамчыды!
- Иесиз малны бёрю ашар.
- Босагъа таш юйге кирмей эди, тыбыр таш эшикге чыкъмай эди.
- Бир абыннган – минг сюрюнюр.
- Юре билмеген ит, къонакъ келтирир.
- Бет бетге къараса, бет да джерге къарар.
- Соргъан айыб тюлдю, билмеген айыбды.
- Уясында не кёрсе, учханында аны этер.
- Ауругъаннга – кийик саулукъ, джетген къызгъа – чилле джаулукъ.
- Ач – эснер, ат – кишнер.
- Байны оноуу, джарлыгъа джарамаз.
- Керилген да, ургъан кибикди.
- Ёлген аслан – сау чычхан.
- Къая джолда джортма, ачыкъ сёзден къоркъма.
- Дуния мал дунияда къалады.
- Джангызны оту джарыкъ джанмаз!
- Иги бла джюрюсенг, джетерсе муратынга, аман бла джюрюсенг, къалырса уятха.
Профиль
|
Абу Амин
 Эльбрусоид
Cообщений: 271
Баллов: 216
Регистрация: 10.12.2011
Последний визит: 14.11.2019 01:57:19
|
|
||||||||
|
|
|
||||||||