Эльбрусоид :: Форум

Мураты болгъанны джюрек тебюую башхады.
Джюрекден джюрекге джол барды.
Бет бетге къараса, бет да джерге къарар.
Таугъа чыгъаллыкъ эсенг, тюзде къалма.
Къарын къуру болса, джюрек уру болур.
Орундукъ тюбюнде атылсам да, орта джиликме, де да айлан.
Терек ауса, отунчу – кёб.
Эл бла кёргенинг эрелей.
Агъач халкъгъа алтынды, иссиликге салкъынды.
Халкъны джырын джырласанг, халкъ санга эжиу этер.
Эски джаугъа ышанма.
Хар сёзню орну барды.
Акъыл бла адеб эгизледиле.
Элде адам къалмаса, ит тахтагъа минер.
Экеулен сёлеше тура эселе, орталарына барыб кирме.
Тойгъанлыкъ къойгъа джарашады.
Иги адамны бир сёзю эки болмаз.
Эринчекге кюн узун.
Байлыкъдан саулукъ ашхыды.
Джарлы эскисин джамаса, къууаныр.
Иесиз малны бёрю ашар.
Тешигини къатында, чычхан да батыр болур.
Дуния аламаты сен эсенг да, игиме деб айтма.
Ишленмеген джаш – джюгенсиз ат, ишленмеген къыз – тузсуз хант.
Ургъан суудан башынгы сакъла.
Ауурну тюбю бла, дженгилни башы бла джюрюген.
Биреуню тёрюнден, кесинги эшик артынг игиди.
Сакъалы текени да бар, мыйыгъы киштикни да бар.
Джырчы джырчыгъа – къарнаш.
Джаханимни кёрмей, джандетге кёл салмазса.
Ётюрюк хапар аякъ тюбю бла джюрюйдю.
Эртде тургъан бла эртде юйленнген сокъуранмаз.
Этни да ашады, бетни да ашады.
Aдам боллукъ, сыфатындан белгили.
Таукел тауну аудурур.
Сёз къанатсыз учар.
Биреу къой излей, биреу той излей.
Рысхы джалгъанды: келген да этер, кетген да этер.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Айран тёгюлсе, джугъусу къалыр.
Таукел къуру къалмаз.
Тил – кесген бычакъ, сёз – атылгъан окъ.
Байлыкъ адамны сокъур этер.
Ёлген аслан – сау чычхан.
Ичимден чыкъды хата, къайры барайым сата?
Кюн – узун, ёмюр – къысха.
Арыгъан къош чамчы болур.
Тилсиз миллет джокъ болур.
Кёпюр салгъан кеси ётер, уру къазгъан кеси кетер.
Таукелге нюр джауар.

Логин:
Пароль:
	Запомнить меня на этом компьютере

Забыли свой пароль?
Регистрация