- Хунаны тюбюн къазсанг, юсюнге ауар.
- Дууулдаса – бал чибин, къонса – къара чибин.
- Бет бетге къараса, бет да джерге къарар.
- Адам къаллай бир ишленмесе, аллай бир кесин уллу кёреди.
- Эллинг бла джау болсанг да, юйюнг бла джау болма.
- Болджал ишни бёрю ашар.
- Ётюрюкню къуйругъу – бир тутум.
- Ашхылыкъ джерде джатмайды, аманлыкъ суугъа батмайды.
- Мухарны эси – ашарыкъда.
- Айранны сюйген, ийнек тутар.
- Акъыллы эркиши атын махтар, акъылсыз эркиши къатынын махтар.
- Кенгеш болса, уруш болмаз.
- Ойнай-ойнай кёз чыгъар.
- Гырджын – тепсини тамадасы.
- Ач келгенни – тойдур, кеч келгенни – къондур.
- Байдан умут эте, джарлыдан ёгюз багъасы къорады.
- Тойгъан антын унутур.
- Джырына кёре эжиую.
- Бети – къучакълар, джюреги – бычакълар.
- Таш бла ургъанны, аш бла ур.
- Абынмазлыкъ аякъ джокъ, джангылмазлыкъ джаякъ джокъ.
- Къобан да къуру да къобханлай турмайды, адам да къуру да патчахлай турмайды.
- Хансыз джомакъ болмаз.
- Харам къарнашдан, халал тенг ашхы.
- Билим ат болуб да чабар, къуш болуб да учар.
- Ач отунчуну ачыуу – бурнунда.
- Ачлыкъ отха секиртир.
- Чомарт бергенин айтмаз.
- Эки къатын алгъан – эки ташны ортасына башын салгъан.
- Ашхы атаны – джашы ашхы, ашхы ананы – къызы ашхы.
- Эринчекге кюн узун.
- Чабакъсыз кёлге къармакъ салгъанлыкъгъа, чабакъ тутмазса.
- Аякъларынгы джууургъанынга кёре узат.
- Чомарт джарлы болмаз.
- Аз сёлешген, къайгъысыз турур.
- Джарлыны эшигин махтагъан джабар.
- Адамны аманы адамны бети бла ойнар.
- Бойнуму джети джерден кессенг да, мен ол ишни этеллик тюлме.
- Билим къая тешер.
- Таукел адам тау тешер.
- Адам сёзге тынгыла, акъыл сёзню ангыла.
- Терек ауса, отунчу – кёб.
- Байма, деб да, къууанма, джарлыма, деб да, джылама.
- Урама да – ёледи, сатама да – келеди.
- Садакъачыны джаны – къапчыгъында.
- Ашына кёре табагъы, балына кёре къалагъы.
- Кёлю джокъну – джолу джокъ.
- Эл элде бирер малынг болгъандан эсе, бирер тенгинг болсун.
- Эр сокъур болсун, къатын тилсиз болсун.
- Эркиши – от, тиширыу – суу.
Профиль
|
|
|
|||