- Билим къая тешер.
- Чомарт къолда мал къалмаз.
- Окъугъанны бети джарыкъ.
- Айранны сюйген, ийнек тутар.
- Шекер бла туз – бир болмаз, ушамагъан – юй болмаз.
- Намысы джокъну – дуниясы джокъ.
- Душманны тышы – акъ, ичи – къара.
- Ата Джуртун танымагъан, атасын да танымаз.
- Адамны джюреги нени кёрюрге сюйсе, кёзю да аны кёрюрге ёч болады.
- Рысхысына кёре, джаш ёсер, къышлыгъына кёре, мал ёсер.
- Акъыл къартда, джашда тюйюлдю – башдады.
- Тил джюрекге джол ишлейди.
- Атлыны ашхысы, ат тизгининден билинир
- От этилмеген джерден тютюн чыкъмайды.
- Джюрекден джюрекге джол барды.
- Ашхы адам – халкъ байлыгъы, ашхы джер – джашау байлыгъы.
- Тик ёргени, тик энгишгеси да болады.
- Къатыны харакетли болса, эри къымсыз болур.
- Сууда джау джокъ, кёб сёзде магъана джокъ.
- Аууздан келген, къолдан келсе, ким да патчах болур эди.
- Тенгни тенглиги джашай барсанг билинир.
- Бети бедерден, намыс сакълама.
- Ауругъан – джашаудан умутчу.
- Къарын къуру болса, джюрек уру болур.
- Гугурук къычырмаса да, тангны атары къалмаз.
- Билимли ёлмез, билимсиз кёрмез.
- Ашына кёре табагъы, балына кёре къалагъы.
- Бир онгсуз адам адет чыгъарды, деб эштирик тюлсе.
- Битмегеннге сакъал – танг.
- Къонакъ хазыр болгъанлыкъгъа, къонакъбай хазыр тюлдю.
- Нафысынгы айтханын этме, намысынгы айтханын эт.
- Хансыз джомакъ болмаз.
- Адебсиз адам – джюгенсиз ат.
- Джюз элде джюз ёгюзюм болгъандан эсе, джюз джууугъум болсун.
- Сютню башын джалагъан къутулур, тюбюн ичген тутулур.
- Тай асырагъан, атха минер.
- Этек чакъмакълары баш джаргъан, сёлешген сёзлери таш джаргъан.
- Бёрю да ач къалмасын, эчки да ашалмасын.
- Тойгъан джерден туугъан джер игиди.
- Кенгеш болса, уруш болмаз.
- Къулакъдан эсе, кёзге ышан.
- Къарт айтханны этмеген, къартаймаз.
- Чакъырылмагъан къонакъ – орунсуз.
- Шайтан алдады, тюзлюк къаргъады.
- Ариу сёз джыланны орнундан чыгъарыр.
- Джаш болсун, къыз болсун, акъылы, саны тюз болсун.
- Агъач – джерни чырайы, кийим – эрни чырайы.
- Сютден ауузу кюйген, суугъа юфгюре эди.
- Эл элде бирер малынг болгъандан эсе, бирер тенгинг болсун.
- Чёбню кёлтюрсенг, тюбюнден сёз чыгъар.
Профиль
|
|
|
|||