Эльбрусоид :: Форум

Эки ойлашыб, бир сёлешген.
Зар адамны насыбы болмаз.
Джылар джаш, атасыны сакъалы бла ойнар.
Тойгъа алгъа да барма, тойда артха да къалма.
Эл бла кёргенинг эрелей.
Аман къатын сабий табса, бий болур…
Къолунгдан къуймакъ ашатсанг да, атаны борчундан къутулмазса.
Ач отунчуну ачыуу – бурнунда.
Билими азны – ауузунда кирит.
Ишлегенден, къарагъан уста.
Адамгъа аман кюн соруб келмейди.
Эллинг бла джау болсанг да, юйюнг бла джау болма.
Къулакъдан эсе, кёзге ышан.
Иги – алгъыш этер, аман – къаргъыш этер.
Кесине гебен этелмеген, биреуге черен эте эди.
Чакъырылмай келген къонакъ сыйланмай кетер.
Арба аугъандан сора, джол кёргюзтюучю кёб болур.
Тыш элде солтан болгъандан эсе, кесинги элде олтан болгъан игиди!
Тели турса – той бузар.
Ёлмесенг да, къарт дамы болмазса?
Къызын тута билмеген, тул этер, джашын тута билмеген, къул этер.
Ётюрюкден тюбю джокъ, кёлтюрюрге джиби джокъ.
Сескекли кесин билдирир.
Элде адам къалмаса, ит тахтагъа минер.
Намыс болмагъан джерде, насыб болмаз.
Къуллукъчума, деб махтанма, къуллукъ – хаух джамчыды!
Биреуге аманлыкъны тилеме да, кесинге ашхылыкъны тиле.
Аджал соруб келмез, келсе, къайтыб кетмез.
Эринчекге кюн узун.
Аман хансны – урлугъу кёб.
Джырчы джырчыгъа – къарнаш.
Аурууну келиую тынч, кетиую – къыйын.
Таугъа чыгъаллыкъ эсенг, тюзде къалма.
Къарнынг къанлынга кийирир.
Тил – кесген бычакъ, сёз – атылгъан окъ.
Джарашыу сюйген – джалынчакъ.
Къайтырыкъ эшигинги, къаты уруб чыкъма.
Байлыкъ болгъан джерде, тынчлыкъ джокъду.
Джыгъылгъанны сырты джерден тоймаз.
Адамны адамлыгъы къыйынлыкъда айгъакъланады.
Итли къонакъ джарашмаз.
Сабий болмагъан джерде, мёлек болмаз.
Олтуруб кёрюнмей эди да, ёрге туруб кёрюне эди.
Бозанг болмагъан джерге, къалагъынгы сукъма.
Берекет берсин деген джерде, берекет болур.
Кёзден кетген, кёлден да кетеди.
Тойгъандан сора, ашны сёкме.
Уллу къашыкъ эрин джыртар.
Акъыллы – эл иеси, тели – эл баласы.
Арбаз сайлама да, хоншу сайла.

Логин:
Пароль:
	Запомнить меня на этом компьютере

Забыли свой пароль?
Регистрация