Эльбрусоид :: Форум

Бичгенде ашыкъма, тикгенде ашыкъ.
Келинни – келгинчи, бёркню кийгинчи кёр.
Арыгъан къош чамчы болур.
Тау башында, тау болмаз, джангыз терек, бау болмаз.
Элни кючю – эмеген.
Юй ишлеген балта эшикде къалыр.
Туз, гырджын аша, тюзлюк бла джаша.
Чомарт къонакъ юй иесин сыйлар.
Суу да къайтады чыкъгъан джерине.
Сакъалы текени да бар, мыйыгъы киштикни да бар.
Акъдан къара болмаз.
Ишлерге уял да, ашаргъа табма.
Джылкъыдан – ат чыгъар, тукъумдан – джаш чыгъар.
Айтхан – тынч, этген – къыйын.
Къан бла кирген, джан бла чыгъар.
Таш ата билмеген, башына урур.
Халкъны юйю – туугъан джери.
Сагъышы джокъ – джукъучу, акъылы джокъ – къаугъачы.
Хантына кёре тузу, юйюне кёре къызы.
Джарлы эскисин джамаса, къууаныр.
Джыгъылгъанны сырты джерден тоймаз.
Аз сёлешген, къайгъысыз турур.
Бир онгсуз адам адет чыгъарды, деб эштирик тюлсе.
Тойгъан джерге джети къайт.
Къонакъ аз олтурур, кёб сынар.
Кеси юйюмде мен да ханма.
Онгсузну – джакъла, тенгликни – сакъла.
Джюрекден джюрекге джол барды.
Узун джолну барсанг, бюгюн келирсе, къысха джолну барсанг, тамбла келирсе.
Аманны къуугъан, аманлыкъ табар.
Уллу атлама – абынырса, уллу къабма – къарылырса.
Адамны бетине къарама, адетине къара.
Биреуню эскиси биреуге джангы болмайды.
Кёбню кёрген – кёб билир.
Игилик игилик бла сингдирилиучю затды.
Бойнуму джети джерден кессенг да, мен ол ишни этеллик тюлме.
Ашаса, ашамаса да, бёрюню ауузу – къан.
Къолунгдан къуймакъ ашатсанг да, атаны борчундан къутулмазса.
Аллахдан тилесенг, кёб тиле.
Адамны адамлыгъы къыйынлыкъда айгъакъланады.
Кийимни бир кюнню аясанг, минг кюннге джарар.
Келинин тута билмеген, къул этер, къызын тута билмеген, тул этер.
Аджашхан тёгерек айланыр.
Башы джабылгъан челекге, кир тюшмез.
Тюзню ётмеги тюзде къалса да, тас болмаз.
Ауузу бла къуш тута айланады.
Эки итни арасына сюек атма, эки адамны арасында сёз чыгъарма.
Джаханимни кёрмей, джандетге кёл салмазса.
Асхат ашлыкъ сата, юйдегиси ачдан къата.
Адебни адебсизден юрен.

Логин:
Пароль:
	Запомнить меня на этом компьютере

Забыли свой пароль?
Регистрация