- Джахил болса анасы, не билликди баласы?
- Тай асырагъан, атха минер.
- Ашаса, ашамаса да, бёрюню ауузу – къан.
- «Ёгюз, джаргъа джууукъ барма, меннге джюк боллукъса», - дегенди эшек.
- Нёгер болсанг, тенг бол, тенг болмасанг, кенг бол.
- Ач къарным, тынч къулагъым.
- Къартны сыйын кёрмеген, къартлыгъында сыйлы болмаз.
- Сагъышы джокъ – джукъучу, акъылы джокъ – къаугъачы.
- Джыланны къуйругъундан басарынг келсе, аны башы болгъанын унутма.
- Керилген да, ургъан кибикди.
- Ишге юренсин къоллары, халкъ бла болсун джоллары.
- Ышармагъан – кюлмез, кюлмеген – къууанчны билмез.
- Киштикге къанат битсе, чыпчыкъ къалмаз эди.
- Тёрде – темир таякълы, къаяда – чыпчыкъ аякълы.
- Билим – акъылны чырагъы.
- Билмейме деген – бир сёз
- Азыкълы ат арымаз, къатыны аман джарымаз.
- Джумушакъ терекни къурт ашар.
- Джерни букъусу кёкге къонмаз.
- Намысы болмагъанны, сыйы болмаз.
- Махтаннган къыз, тойда джукълар.
- Ашыкъгъан cуу, тенгизге джетмез.
- Джырчы ёлсе, джыры къалыр.
- Харам къарнашдан, халал тенг ашхы.
- Джашны джигитлиги сорулур, къызны джигерлиги сорулур.
- Таш ата билмеген, башына урур.
- Иги адам абынса да, джангылмаз.
- Ойнаб айтсанг да, эслеб айт.
- Аманнга игилик этсенг, юйюнге сау бармазса.
- Кёлю джокъну – джолу джокъ.
- Бойнуму джети джерден кессенг да, мен ол ишни этеллик тюлме.
- Иги джашны ышаны – аз сёлешиб, кёб тынгылар.
- Эки къатын алгъанны къулагъы тынгнгаймаз.
- Тил – кесген бычакъ, сёз – атылгъан окъ.
- Сагъыш – къартлыкъгъа сюйюмчю.
- Джылкъыдан – ат чыгъар, тукъумдан – джаш чыгъар.
- Юре билмеген ит, къонакъ келтирир.
- Татлы тилде – сёз ариу, чемер къолда – иш ариу.
- Адеб джокъда, намыс джокъ.
- Эшекни не къадар тюйсенг да, ат болмаз.
- Ашхы тенг джолгъа салыр, аман тенг джолдан тайдырыр.
- Кечеси – аяз, кюню – къыш, джарлы къаргъагъа бир аш тюш!
- Кийиминг бла танылма, адамлыкъ бла таныл.
- Аманны тукъумуна къарама, игини тукъумун сорма.
- Тиширыусуз юй – отсуз от джагъа.
- Биреу къой излей, биреу той излей.
- Малны кют, джерни тюрт.
- Адамны джюреги нени кёрюрге сюйсе, кёзю да аны кёрюрге ёч болады.
- Чомартха Тейри да борчлуду.
- Джюрек кёзден алгъа кёрюр.
Профиль
|
Сэстренка
 Администратор
Cообщений: 10020
Баллов: 8016
Регистрация: 12.12.2011
Последний визит: 05.06.2026 11:06:34
|
|
||||||
|
|
|
||||||