Эльбрусоид :: Форум

Дуния малгъа сатылма, кесингден телиге къатылма.
Урама да – ёледи, сатама да – келеди.
Къызгъанчдан ычхыныр, мухардан ычхынмаз.
Кесине оноу эте билмеген, халкъына да эте билмез.
Азыкъ аз болса, эртде орун сал.
Юйюнгден чыкъдынг – кюнюнгден чыкъдынг.
Эрни эр этерик да, къара джер этерик да, тиширыуду.
Аз айтсам, кёб ангылагъыз.
Окъуу – билимни ачхычы, окъуу – дунияны бачхычы.
Джан саулукъ бермей, сан саулукъ бермезсе.
Хатерли къул болур.
Юй кюйдю да, кюйюз чыкъды, ортасындан тюйюш чыкъды.
Къарын къуру болса, джюрек уру болур.
Къартны сыйын кёрмеген, къартлыгъында сыйлы болмаз.
Уллу сёзде уят джокъ.
Келгинчи, къонакъ уялыр, келгенден сора, къонакъбай уялыр.
Ауузу аманнга «иги», деме.
Бал чибинни ургъаны – ачы, балы – татлы.
Ишин билген, аны сыйын чыгъарады.
Ётюрюкню башын керти кесер.
Терек ауса, отунчу – кёб.
Кютгени беш эчки, сызгъыргъаны уа, джерни джарады.
Оюмсуз атлагъан, аджалсыз ёлюр.
Тюкюрюк баш джармаз, налат кёз чыгъармаз!
Къайгъы тюбю – тенгиз.
Мухар, кеси тойса да, кёзю тоймаз.
Ичимден чыкъды хата, къайры барайым сата?
Гугурук къычырмаса да, тангны атары къалмаз.
Байны оноуу, джарлыгъа джарамаз.
Ашхы сёз таш тешер.
Рысхысына кёре, джаш ёсер, къышлыгъына кёре, мал ёсер.
Аз сёлеш, кёб ишле.
Акъыллы башны – тили къысха.
Ата – билек, ана – джюрек!
Иги сёз – джаннга азыкъ, аман сёз башха – къазыкъ.
Ёксюзню тилеги къабыл болур.
Ёгюзню мюйюзюнден тутадыла, адамны сёзюнден тутадыла.
Сакъалы текени да бар, мыйыгъы киштикни да бар.
Сёлеш деб шай берген, тохта деб, сом берген.
Сескекли кесин билдирир.
Зар адам ашынгы ашар, кесинги сатар.
Тёрени джагъы джокъ.
Керилген да, ургъан кибикди.
Джарлыны эшигин махтагъан джабар.
Эл ауузу – элек, анга ийнаннган – халек.
Мен да «сен», дейме, сен да «кесим», дейсе.
Къууут – джелге, берне – бошха.
Ётюрюкню къуйругъу – бир тутум.
Чабакъгъа акъыл, табагъа тюшсе келеди.
Чомарт джарлы болмаз.

Логин:
Пароль:
	Запомнить меня на этом компьютере

Забыли свой пароль?
Регистрация