- Ётген ёмюр – акъгъан суу.
- Эртде тургъан джылкъычыны эркек аты тай табар.
- Къонакъны къачан кетерин сорма, къачан келлигин сор.
- Чабакъ башындан чирийди.
- Сабий кёргенин унутмаз.
- Кёб джашагъан – кёб билир.
- Aдам боллукъ, сыфатындан белгили.
- Узун джолну барсанг, бюгюн келирсе, къысха джолну барсанг, тамбла келирсе.
- Окъдан джара эртде-кеч болса да бителир, сёз джара, ёмюрге къалыр.
- Юре билмеген ит, къонакъ келтирир.
- Иги адамны бир сёзю эки болмаз.
- Баргъанынга кёре болур келгенинг.
- Айтхан сёзюне табылгъан.
- Акъыл неден да кючлюдю.
- Тойгъа алгъа да барма, тойда артха да къалма.
- Ашатыргъа иш – ашхы, ишлетирге аш – ашхы.
- Юй кюйдю да, кюйюз чыкъды, ортасындан тюйюш чыкъды.
- Ёзденликни кёбю ётюрюк.
- Джыгъылгъанны сырты джерден тоймаз.
- Накъырда – кертини келечиси.
- Душманны тышы – акъ, ичи – къара.
- Халкъны джырын джырласанг, халкъ санга эжиу этер.
- Таукел тауну аудурур.
- Ишлемеген – тишлемез.
- Биреуню эскиси биреуге джангы болмайды.
- Адамны сабийин сюйген джюреги, бычакъча, джитиди.
- Тиширыусуз юй – отсуз от джагъа.
- Таугъа чыгъаллыкъ эсенг, тюзде къалма.
- Кюлме джашха – келир башха.
- Къыз келсе, джумуш эте келеди, къатын келсе, ушакъ эте келеди.
- Аман киши кеси юйюнде – къонакъ.
- Кесинг сынамагъан затны, адамгъа буюрма.
- Ёзденликни джайгъан – джокълукъ.
- Абынмазлыкъ аякъ джокъ, джангылмазлыкъ джаякъ джокъ.
- Ауругъаннга – кийик саулукъ, джетген къызгъа – чилле джаулукъ.
- Адебсиз адам – джюгенсиз ат.
- Ашхылыкъ джерде джатмайды, аманлыкъ суугъа батмайды.
- Джюрек кёзден алгъа кёрюр.
- Уллу суу бла уллу ауруудан башынгы сакъла.
- Зар адам ашынгы ашар, кесинги сатар.
- Къарт айтханны этмеген, къартаймаз.
- Алим болгъандан эсе, адам болгъан къыйынды.
- Къарын къуру болса, джюрек уру болур.
- Хата – гитчеден.
- Адамны артындан къара сабан сюрме.
- Чалманны аллы къалай башланса, арты да алай барады.
- Нёгерсизни джолу узун.
- Аманнга да, игиге да оноусуз къатышма.
- Ата – билек, ана – джюрек!
- Тёрде – темир таякълы, къаяда – чыпчыкъ аякълы.
Профиль
|
|
|
|||