- Арыгъан къош чамчы болур.
- Чёбню кёлтюрсенг, тюбюнден сёз чыгъар.
- Аман адамны тепсинге олтуртсанг, къызынгы тилер.
- Адамны аты башхача, акъылы да башхады.
- Урама да – ёледи, сатама да – келеди.
- Билим ат болуб да чабар, къуш болуб да учар.
- Оюмсуз атлагъан, аджалсыз ёлюр.
- Къыз тиширыу кеси юйюнде да къонакъды.
- Ушамагъан – джукъмаз.
- Кёрмегеннге кебек – танг, битмегеннге сакъал – танг.
- Эркиши – от, тиширыу – суу.
- Адеб этмеген, адеб кёрмез.
- Кёб къычыргъандан – къоркъма, тынч олтургъандан – къоркъ.
- Кёб ант этген, кёб ётюрюк айтыр.
- Айтханы чапыракъдан ётмеген.
- Окъуусуз билим – джокъ, билимсиз кюнюнг – джокъ.
- Тойгъан джерге джети къайт.
- Чабакъсыз кёлге къармакъ салгъанлыкъгъа, чабакъ тутмазса.
- Тили узунну, намысы – къысха.
- Азыгъы аз, алгъа къабар, аты аман, алгъа чабар.
- Сагъыш – къартлыкъгъа сюйюмчю.
- Иги болса, тамадама – махтау, аман болса, меннге – айыб.
- Ашарыкъда сайлагъаннга – чий гырджын.
- Битмегеннге сакъал – танг.
- Ачлыкъда тары гырджын халыуадан татлы.
- Гитче джилтин уллу элни джандырыр.
- Билим насыб берир, билим джолну керир.
- Джуртун къоругъан озар.
- Уллу къашыкъ эрин джыртар.
- Кёбню кёрген – кёб билир.
- Байлыкъ келсе, акъыл кетер.
- Акъыллы эркиши атын махтар, акъылсыз эркиши къатынын махтар.
- Кюн кёрмеген, кюн кёрсе, кюндюз чыракъ джандырыр.
- Эл ауузу – элек, анга ийнаннган – халек.
- Сёз къанатсыз учар.
- Эли джокъну – кёлю джокъ.
- Бет бетге къараса, бет да джерге къарар.
- Къонакъ кёб келюучю юйню, къазаны отдан тюшмез.
- Эки къатын алгъанны къулагъы тынгнгаймаз.
- Чакъырылмагъан къонакъ къачан кетерин сормаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Тик ёргени, тик энгишгеси да болады.
- Ариу сёз – джаннга азыкъ, аман сёз – башха къазыкъ.
- Мени джылытмагъан кюн, меннге тиймесин!
- Босагъа таш юйге кирмей эди, тыбыр таш эшикге чыкъмай эди.
- Гугурук къычырмаса да, тангны атары къалмаз.
- Кёлю джокъну – джолу джокъ.
- Акъыл къартда, джашда тюйюлдю – башдады.
- Тилчи тилден къаныкъмаз.
- Тилчи бир сагъатха айлыкъ хата этер.
Профиль
|
|
|
|||