Эльбрусоид :: Форум :: Неуловимая

Къазанчы аман болса, къазаны къайнамаз.
Джарашыу сюйген – джалынчакъ.
Аман къатын сабий табса, бий болур…
Кёб къычыргъандан – къоркъма, тынч олтургъандан – къоркъ.
Тёзгеннге, джабылгъан эшик ачылыр.
Аз сёлешген, къайгъысыз турур.
Мураты болгъанны джюрек тебюую башхады.
Бети бедерден, намыс сакълама.
Юйюнгден чыкъдынг – кюнюнгден чыкъдынг.
Джахил болса анасы, не билликди баласы?
Кийимни бир кюнню аясанг, минг кюннге джарар.
Джырчы джырчыгъа – къарнаш.
Рысхы – насыбха къор.
Аджашханны ызындагъы кёреди, джангылгъанны джанындагъы биледи.
Рысхы джалгъанды: келген да этер, кетген да этер.
Иги сеники эсе да, сюйген кесимикин этеме.
Оюмсуз атлагъан, аджалсыз ёлюр.
Чомарт къонакъ юй иесин сыйлар.
Аллахха ийнаннган кишини, Аллах онгдурур ишин.
Джаш къарыу бла кючлю, къарт акъыл бла кючлю.
Эртде тургъан джылкъычыны эркек аты тай табар.
Сагъышы джокъ – джукъучу, акъылы джокъ – къаугъачы.
Ишлегенден, къарагъан уста.
Къайгъыны сюйген, къайгъы табар.
Терек ауса, отунчу – кёб.
Гугурук къычырмаса да, тангны атары къалмаз.
Рысхы – сют юсюнде кёмюк кибикди.
Халкъны юйю – туугъан джери.
Кёкдеги болмаса, джердегин кёрмейди.
Ишлегенде эринме, ишде чолакъ кёрюнме.
Къан бла кирген, джан бла чыгъар.
Дженгил джетерикме деб, узун джолну къоюб, къысхасын барма.
Таукелге нюр джауар.
Джангызны оту джарыкъ джанмаз!
Игилик игилик бла сингдирилиучю затды.
Къолу уллу – асыу, аягъы уллу – джарсыу.
Ишлемеген – тишлемез.
Аш хазыр болса, иш харам болур.
Сакъ юйюне сау барыр.
Биреу къой излей, биреу той излей.
Джангыз терек къынгыр ёсер.
Кюн кёрмеген, кюн кёрсе, кюндюз чыракъ джандырыр.
Бёрю да ач къалмасын, эчки да ашалмасын.
Ауузу аманнга «иги», деме.
Аман хансны – урлугъу кёб.
Таш бла ургъанны, аш бла ур.
Аманнга алтын чыдамаз.
Чакъырылмай келген къонакъ сыйланмай кетер.
Ишин билген, аны сыйын чыгъарады.
Аджал соруб келмез, келсе, къайтыб кетмез.

Логин:
Пароль:
	Запомнить меня на этом компьютере

Забыли свой пароль?
Регистрация