- Нафысынгы айтханын этме, намысынгы айтханын эт.
- Айран ичген – къутулду, джугъусун джалагъан – тутулду.
- Хаухну атма, ёнгкючню сатма.
- Кёл – къызбай, къол – батыр.
- Суу кетер, таш къалыр.
- Къыйынлы джети элге оноу этер.
- Элни кючю – эмеген.
- Эллинг бла джау болсанг да, юйюнг бла джау болма.
- Башы ишлегенни, ауузу да ишлер.
- Гугурук къычырмаса да, тангны атары къалмаз.
- Ашха уста, юйюнде болсун
- Дуния малгъа сатылма, кесингден телиге къатылма.
- Керилген да, ургъан кибикди.
- Айырылгъанланы айю ашар, бёлюннгенлени бёрю ашар.
- Джарлы тюеге минсе да, ит къабар.
- Ёгюзню мюйюзлери ауурлукъ этмейдиле.
- Тюзлюк тас болмайды.
- Эм ашхы къайын ана мамукъ бла башынгы тешер.
- Сютню башын джалагъан къутулур, тюбюн ичген тутулур.
- Уясында не кёрсе, учханында аны этер.
- Адебни адебсизден юрен.
- Джаш къарыу бла кючлю, къарт акъыл бла кючлю.
- Тилчиден кери бол.
- Къартха ушагъан джаш – акъыллы, джашха ушагъан къарт – тели.
- Къонакъ аман болса, къонакъбай джунчур
- Танг атмайма десе да, кюн къоярыкъ тюйюлдю.
- Азыгъы аз, алгъа къабар, аты аман, алгъа чабар.
- Ойнай билмеген, уруб къачар.
- Къонакъ кёб келюучю юйню, къазаны отдан тюшмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Башсыз урчукъ тюзюне айланмаз.
- Окъумагъан сокъурду, сокъур ташха абыныр!
- Асхат ашлыкъ сата, юйдегиси ачдан къата.
- Джогъун бар этген, барын бал этген.
- Зар адам ашынгы ашар, кесинги сатар.
- Айтхан – тынч, этген – къыйын.
- Кёрмегеннге кебек – танг, битмегеннге сакъал – танг.
- Ашхылыкъ джерде джатмайды, аманлыкъ суугъа батмайды.
- Адеб базарда сатылмаз.
- Акъыллы башны – тили къысха.
- Къатыны харакетли болса, эри къымсыз болур.
- Окъуусуз билим – джокъ, билимсиз кюнюнг – джокъ.
- Билмезни кёзю кёрмез, этмезни къулагъы эшитмез.
- Чомарт къолда мал къалмаз.
- Атынг аманнга чыкъгъандан эсе, джанынг тамагъынгдан чыкъсын.
- Джыйырма къойну юч джыйырма эбзе кюте эди.
- Эм уллу байлыкъ – джан саулукъ.
- Гитче джилтин уллу элни джандырыр.
- Къартны сыйын кёрмеген, къартлыгъында сыйлы болмаз.
- Кюл тюбюндеги от кёрюнмейди.
Профиль
|
Неуловимая
 Эльбрусоид
Cообщений: 2567
Баллов: 2053
Регистрация: 12.12.2011
Последний визит: 03.07.2020 18:07:46
|
|
||||||||||||
|
|
|
||||||||||||