- Джарлыны тону джаз битер.
- Ишлегенде эринме, ишде чолакъ кёрюнме.
- Джолунга кёре – джюрюшюнг, джагъанга кёре – юлюшюнг.
- Мал тутхан – май джалар.
- Кийим тукъум сордурур.
- Джети тилни билген джети кишиди.
- Ачлыкъда тары гырджын халыуадан татлы.
- Уллу сёзде уят джокъ.
- Адеб джокъда, намыс джокъ.
- Халкъны юйю – туугъан джери.
- Айран тёгюлсе, джугъусу къалыр.
- Билимден уллу байлыкъ джокъду.
- Ойнаб айтсанг да, эслеб айт.
- Къатыны харакетли болса, эри къымсыз болур.
- Джигер – джаннга къыйынлыкъ.
- Джыланны къуйругъундан басарынг келсе, аны башы болгъанын унутма.
- Джаз бир кюнню джатсанг, къыш талай кюнню абынырса.
- Джангыз торгъай джырламаз.
- Накъырда – кертини келечиси.
- Тенгни тенглиги джашай барсанг билинир.
- Тенги кёбню джау алмаз, акъылы кёбню дау алмаз.
- Къулакъдан эсе, кёзге ышан.
- Билмейме деген – бир сёз
- Босагъа таш юйге кирмей эди, тыбыр таш эшикге чыкъмай эди.
- Ариу сёз джыланны орнундан чыгъарыр.
- Джукъу тёшек сайламайды.
- Тилчи тилден къаныкъмаз.
- Къууут – джелге, берне – бошха.
- Адам къаллай бир ишленмесе, аллай бир кесин уллу кёреди.
- Ата Джуртуму башы болмасам да, босагъасында ташы болайым.
- Ач бёрюге мекям джокъ.
- Тойгъан джерге джети къайт.
- Ишни ахырын ойламай, аллын башлама.
- Азыкълы ат арымаз, къатыны аман джарымаз.
- Биреу къой излей, биреу той излей.
- Ашын ашагъанынгы, башын да сыйла.
- Акъыллы айтыр эди, акъылсыз къоймайды.
- Окъугъанны бети джарыкъ.
- Хансыз джомакъ болмаз.
- Къарны аманнга къазан такъдырма, къолу аманнга от джакъдырма.
- Аууздан келген, къолдан келсе, ким да патчах болур эди.
- Ким бла джюрюсенг, аны кёзю бла кёрюнюрсе.
- Эл элде бирер малынг болгъандан эсе, бирер тенгинг болсун.
- Къая джолда джортма, ачыкъ сёзден къоркъма.
- Ёзденликни джайгъан – джокълукъ.
- Тойгъа алгъа да барма, тойда артха да къалма.
- Къоркъакъны кёзю экили кёрюр.
- Баш болса, бёрк табылыр.
- Тилчиден кери бол.
- Аджалсыз ёлюм болмаз.
Профиль
|
|
|
|||