Эльбрусоид :: Форум

Ач да бол, токъ да бол – намысынга бек бол.
Аш берме да, къаш бер.
Иги адамны бир сёзю эки болмаз.
Акъыллы – эл иеси, тели – эл баласы.
Айтханы чапыракъдан ётмеген.
Адам бла мюлк юлешмеген эсенг, ол адамны билиб бошагъанма, деб кесинги алдама.
Сагъыш – къартлыкъгъа сюйюмчю.
Тынгылагъан тынгы бузар.
Билими азны – ауузунда кирит.
Тыш элде солтан болгъандан эсе, кесинги элде олтан болгъан игиди!
Ёксюзню къалачы уллу кёрюнюр.
Хата – гитчеден.
Тура эдим джата, къайдан чыкъды хата?
Халкъгъа джарагъан, джарлы къалмаз.
Джигер – джаннга къыйынлыкъ.
Къалгъан ишге къар джауар.
Мухарны эси – ашарыкъда.
Ауузу аманнга «иги», деме.
Суу ичген шауданынга тюкюрме.
Къонакъ кёб келюучю юйню, къазаны отдан тюшмез.
Харам къарнашдан, халал тенг ашхы.
Тюз сёз баргъан сууну тыяр.
Бетинги сатма, малынгы сат.
Эринчекни эр алмаз, эр алса да, кёл салмаз, кёл салса да, кёб бармаз!
Ишлегенден, къарагъан уста.
Чабар ат – джетген къыз.
Кюлме джашха – келир башха.
Эшекни не къадар тюйсенг да, ат болмаз.
Хантына кёре тузу, юйюне кёре къызы.
Адамны джюреги нени кёрюрге сюйсе, кёзю да аны кёрюрге ёч болады.
Ач отунчуну ачыуу – бурнунда.
Джырына кёре эжиую.
Накъырданы арты керти болур.
Джашынгы кесинг юретмесенг, джашау юретир.
Къарны аманнга къазан такъдырма, къолу аманнга от джакъдырма.
Джыланны къуйругъундан басарынг келсе, аны башы болгъанын унутма.
От кюйдюрген, сау болса да, тот кюйдюрген, сау болмаз.
Бир онгсуз адам адет чыгъарды, деб эштирик тюлсе.
Къарт бла баш аша, джаш бла аякъ аша.
Хунаны тюбюн къазсанг, юсюнге ауар.
Келлик заман – къартлыкъ келтирир, кетген заман – джашлыкъ ёлтюрюр.
Ана къойну – балагъа джандет.
Къарнынг ауруса, ауузунгу тый
Джылыгъа джылан илешир.
Иги – алгъыш этер, аман – къаргъыш этер.
Кёпюр салгъан кеси ётер, уру къазгъан кеси кетер.
Атадан ёксюз – бир ёксюз, анадан ёксюз – эки ёксюз.
Тил джюрекге джол ишлейди.
Этим кетсе да, сюегим къалыр.
Суу да къайтады чыкъгъан джерине.

Логин:
Пароль:
	Запомнить меня на этом компьютере

Забыли свой пароль?
Регистрация