- Артына баргъанны, къатына барма.
- Сёз къанатсыз учар.
- Къумурсхала джыйылсала, пилни да джыгъадыла.
- Адеб джокъда, намыс джокъ.
- Чомарт джарлы болмаз.
- Биреу ашаб къутулур, биреу джалаб тутулур.
- Хантына кёре тузу, юйюне кёре къызы.
- Борчунг бар эсе, хурджунунга ойлаб узал.
- Чомартха Тейри да борчлуду.
- Намысы джокъну – дуниясы джокъ.
- Сибиртки да сыйлы болду, кюрек да кюнлю болду.
- Айтхан – тынч, этген – къыйын.
- Джарлыны эшигин махтагъан джабар.
- Байны къызы баймакъ болса да, юйде къалмаз!
- Кечеси – аяз, кюню – къыш, джарлы къаргъагъа бир аш тюш!
- Итли къонакъ джарашмаз.
- Башы ишлегенни, ауузу да ишлер.
- Тешик этген тынчды, аны джамагъан къыйынды.
- Эринчекни аурууу – кёб.
- Кирсизни – саны таза, халалны – къаны таза.
- Билимли ёлмез, билимсиз кёрмез.
- Битмегеннге сакъал – танг.
- Гитче джилтин уллу элни джандырыр.
- Джашда акъыл джокъ, къартда къарыу джокъ.
- Къуру гыбыт бек дыгъырдар.
- Биреуню къыйынлыгъы бла кесинге джол ишлеме.
- Ата Джуртча джер болмаз, туугъан элча эл болмаз.
- Ишин билген, аны сыйын чыгъарады.
- Азыкъ аз болса, эртде орун сал.
- Бир абыннган – минг сюрюнюр.
- Чакъырылгъанны аты, чакъырылмагъанны багъасы болур.
- Хар адамгъа кеси миннген тау кибик.
- Эл бла кёргенинг эрелей.
- Эртде тургъан бла эртде юйленнген сокъуранмаз.
- Болджал ишни бёрю ашар.
- Атадан ёксюз – бир ёксюз, анадан ёксюз – эки ёксюз.
- Джюрекден джюрекге джол барды.
- Къонакъ кёб келюучю юйню, къазаны отдан тюшмез.
- Суу кетер, таш къалыр.
- Этни бети бла шорпасы.
- Билими азны – ауузунда кирит.
- Ач уят къоймаз.
- Кёбню кёрген – кёб билир.
- Ана къолу ачытмаз.
- Джаш къарыу бла кючлю, къарт акъыл бла кючлю.
- Башы джабылгъан челекге, кир тюшмез.
- Кюлме джашха – келир башха.
- Джюрек кёзден алгъа кёрюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адамны артындан къара сабан сюрме.
Профиль
|
mur
 Эльбрусоид
Cообщений: 615
Баллов: 492
Регистрация: 12.12.2011
Последний визит: 02.09.2019 12:51:31
|
|
||||||
|
|
|
||||||