- Джан саулукъ бермей, сан саулукъ бермезсе.
- Хата – гитчеден.
- Айныгъанлы алты кюн, тогъайгъанлы тогъуз кюн.
- Ана – юйню кюн джарыгъы.
- Джогъун бар этген, барын бал этген.
- Гитче джилтин уллу элни джандырыр.
- Аурууну келиую тынч, кетиую – къыйын.
- Джылар джаш, атасыны сакъалы бла ойнар.
- Ачлыкъда тары гырджын халыуадан татлы.
- Этек чакъмакълары баш джаргъан, сёлешген сёзлери таш джаргъан.
- Ёксюзню тилеги къабыл болур.
- Джаралыны джастыгъында сау ёлюр.
- Ат басханны джер билед.
- Келинни – келгинчи, бёркню кийгинчи кёр.
- Айтхан – тынч, этген – къыйын.
- Мал тутхан – май джалар.
- Джаханимни кёрмей, джандетге кёл салмазса.
- Къазанны башы ачыкъ болса, итге уят керекди.
- Чомарт къонакъ юй иесин сыйлар.
- Джеринден айырылгъан – джети джылар, джуртундан айырылгъан – ёлгюнчю джылар.
- Болджал ишни бёрю ашар.
- Къралынгы – душмандан, башынгы от бла суудан сакъла.
- Айран тёгюлсе, джугъусу къалыр.
- Джуртун къоругъан озар.
- Мураты болгъанны джюрек тебюую башхады.
- Джырчы джырчыгъа – къарнаш.
- Ишлегенде эринме, ишде чолакъ кёрюнме.
- Эски джаугъа ышанма.
- Бал – татлы, балдан да бала – татлы.
- Тойчу джашха къарама, къойчу джашха къара.
- Ёлген эшек бёрюден къоркъмайды.
- Бет бетге къараса, бет да джерге къарар.
- Агъач – джерни чырайы, кийим – эрни чырайы.
- Тойгъандан сора, ашны сёкме.
- Берекет берсин деген джерде, берекет болур.
- Сакъламагъан затынга джолукъсанг, не бек къууанаса, не бек ачыйса.
- Адамны джюреги нени кёрюрге сюйсе, кёзю да аны кёрюрге ёч болады.
- Иги – алгъыш этер, аман – къаргъыш этер.
- Сёз – кюмюш, джыр – алтын.
- Ариу сёз джыланны орнундан чыгъарыр.
- Эрни эр этерик да, къара джер этерик да, тиширыуду.
- Ашлыкъ – бюртюкден, джюн – тюкден.
- Айырылгъанланы айю ашар, бёлюннгенлени бёрю ашар.
- Олтуруб кёрюнмей эди да, ёрге туруб кёрюне эди.
- Экиндини кеч къылсанг, чабыб джетер ашхам.
- Ариу сёзде ауруу джокъ.
- Малны кют, джерни тюрт.
- Иги сёз – джаннга азыкъ, аман сёз башха – къазыкъ.
- Адамны артындан къара сабан сюрме.
- Сыфатында болмагъаны, суратында болмаз.
Профиль
|
|
|
|||