- Иги джашны ышаны – аз сёлешиб, кёб тынгылар.
- Чабакъсыз кёлге къармакъ салгъанлыкъгъа, чабакъ тутмазса.
- Алим болгъандан эсе, адам болгъан къыйынды.
- Ата Джуртуму башы болмасам да, босагъасында ташы болайым.
- Ишлерге уял да, ашаргъа табма.
- Джылар джаш, атасыны сакъалы бла ойнар.
- Айыбны суу бла джууалмазса.
- Чакъырылмагъан къонакъ къачан кетерин сормаз.
- Кийимни бичсенг, кенг бич, тар этген къыйын тюлдю.
- Билим – акъылны чырагъы.
- Биреуню тёрюнден, кесинги эшик артынг игиди.
- Ашхы болсанг, атынг чыгъар, аман болсанг, джанынг чыгъар.
- Нарт сёз – тилни бети.
- Азыгъы аз, алгъа къабар, аты аман, алгъа чабар.
- Ёлген эшек бёрюден къоркъмайды.
- Орундукъ тюбюнде атылсам да, орта джиликме, де да айлан.
- Рысхы – насыбха къор.
- Соргъан айыб тюлдю, билмеген айыбды.
- Атлыны кёрсе, джаяуну буту талыр.
- Тилчи тилден къаныкъмаз.
- Адеби болмагъан къыз – тузсуз хант.
- Ёпкелегенни ашы татлы болады.
- Кенгеш болса, уруш болмаз.
- Ач бёрюге мекям джокъ.
- Джырчы джырчыгъа – къарнаш.
- Эки къатын алгъанны къулагъы тынгнгаймаз.
- Эллинг бла джау болсанг да, юйюнг бла джау болма.
- Тели турса – той бузар.
- Накъырда – кертини келечиси.
- Уруну арты – къуру.
- Мал кёб болса, джууукъ кёб болур.
- Ойнай билмеген, уруб къачар.
- Ким бла джюрюсенг, аны кёзю бла кёрюнюрсе.
- Иги – алгъыш этер, аман – къаргъыш этер.
- Аллахха ийнаннган кишини, Аллах онгдурур ишин.
- Гыдай эчки суугъа къараб, мюйюзле кёрмесе, джашма алкъын, дегенди.
- Сакъ юйюне сау барыр.
- Ёксюзню тилеги къабыл болур.
- Тойгъан антын унутур.
- Арбаз къынгырды да, ийнек сауалмайма.
- Иги сеники эсе да, сюйген кесимикин этеме.
- Къарнынг ауруса, ауузунгу тый
- Окъуусуз билим – джокъ, билимсиз кюнюнг – джокъ.
- Тешик этген тынчды, аны джамагъан къыйынды.
- Этни бети бла шорпасы.
- Сакъламагъан затынга джолукъсанг, не бек къууанаса, не бек ачыйса.
- Чомарт джарлы болмаз.
- Ачлыкъ отха секиртир.
- Игини сыйлагъан адетди.
- Бек анасы джыламаз.
Профиль
|
|
|
|||