- Ишге юренсин къоллары, халкъ бла болсун джоллары.
- Билмезни кёзю кёрмез, этмезни къулагъы эшитмез.
- Айраннга суу къош, телиге джол бош.
- Къууут – джелге, берне – бошха.
- Кенгеш болса, уруш болмаз.
- Къайгъыны сюйген, къайгъы табар.
- Къызын тута билмеген, тул этер, джашын тута билмеген, къул этер.
- Къолунгдан къуймакъ ашатсанг да, атаны борчундан къутулмазса.
- Джарлы джети элни сёзюн этер.
- Хар сёзню орну барды.
- Акъыл неден да кючлюдю.
- Ётген ёмюр – акъгъан суу.
- Эрине къаргъыш этген къатын, эрнин къабар.
- Ана къолу ачытмаз.
- Юй кюйдю да, кюйюз чыкъды, ортасындан тюйюш чыкъды.
- Орундукъ тюбюнде атылсам да, орта джиликме, де да айлан.
- Кечеси – аяз, кюню – къыш, джарлы къаргъагъа бир аш тюш!
- Тыш элде солтан болгъандан эсе, кесинги элде олтан болгъан игиди!
- Иги – алгъыш этер, аман – къаргъыш этер.
- Сабий болмагъан джерде, мёлек болмаз.
- Чакъырылмагъан къонакъ – орунсуз.
- Хазыр ашха – терен къашыкъ.
- Къарт болгъан джерде, берекет болур, сабий болгъан джерде, оюн болур.
- Акъыл аздырмаз, билим тоздурмаз.
- Къолу уллу – асыу, аягъы уллу – джарсыу.
- Кимни – тили, тиши онглу, кимни – къолу, иши онглу.
- Адамны артындан къара сабан сюрме.
- Ашыкъгъанны этеги бутуна чырмалыр.
- Тулпарлыкъ, билекден тюл – джюрекден.
- Битмегеннге сакъал – танг.
- Билимсиз иш бармаз.
- Тилсиз миллет джокъ болур.
- Аууз сакълагъан – джан сакълар.
- Джарлыны эшигин махтагъан джабар.
- Сёз сёзню айтдырыр.
- Джюрек кёзден алгъа кёрюр.
- Байлыкъдан саулукъ ашхыды.
- Къалгъан ишге къар джауар.
- Босагъа таш юйге кирмей эди, тыбыр таш эшикге чыкъмай эди.
- Къайгъы тюбю – тенгиз.
- Къартны сыйын кёрмеген, къартлыгъында сыйлы болмаз.
- Аман эсирсе, юйюн ояр.
- Ёзденликни джайгъан – джокълукъ.
- Къонакъ аз олтурур, кёб сынар.
- Онгсузну – джакъла, тенгликни – сакъла.
- Хансыз джомакъ болмаз.
- Таукел къуру къалмаз.
- Ашлыкъны арба юйге келтирир, чана базаргъа элтир.
- Адебсиз адам – джюгенсиз ат.
- Ойнай билмеген, уруб къачар.
Профиль
|
Azamat
 Эльбрусоид
Cообщений: 2700
Баллов: 2160
Регистрация: 12.12.2011
Последний визит: 18.08.2018 04:37:14
|
||||
|
|
|
|||