- Тил бла келеди джыр да.
- Билимли ёлмез, билимсиз кёрмез.
- Ёлюк кебинсиз къалмаз.
- Эр абынмай, эл танымаз.
- Ачылгъан эт джабылыр, кёрген кёз унутмаз.
- Джукъу тёшек сайламайды.
- Ёлген аслан – сау чычхан.
- Билимсиз иш бармаз.
- Киштикге къанат битсе, чыпчыкъ къалмаз эди.
- Дуния мал дунияда къалады.
- Чакъырылмагъан къонакъ тёрге атламаз.
- Къозулугъунда тоймагъан, къойлугъунда тоймаз.
- Кёз – сюйген джерде, къол – ауругъан джерде.
- Иесиз малны бёрю ашар.
- Ат басханны джер билед.
- Къолу уллу – асыу, аягъы уллу – джарсыу.
- Эли джокъну – кёлю джокъ.
- Акъыл неден да кючлюдю.
- Рысхы – насыбха къор.
- Элни кючю – эмеген.
- Дууулдаса – бал чибин, къонса – къара чибин.
- Сагъышы джокъ – джукъучу, акъылы джокъ – къаугъачы.
- Къыз тиширыу кеси юйюнде да къонакъды.
- Сыфатында болмагъаны, суратында болмаз.
- Экеу тутушса, биреу джыгъылыр.
- Азыкъ аз болса, эртде орун сал.
- Тили узунну, намысы – къысха.
- Байлыкъ болгъан джерде, тынчлыкъ джокъду.
- Дженгил джетерикме деб, узун джолну къоюб, къысхасын барма.
- Ана къойну – балагъа джандет.
- Къалгъан ишге къар джауар.
- Айныгъанлы алты кюн, тогъайгъанлы тогъуз кюн.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ач, тоймам, дейди, тойгъан, ач болмам, дейди.
- Миллетни бойну – базыкъ, аны бла кюрешген – джазыкъ.
- Бозанг болмагъан джерге, къалагъынгы сукъма.
- Къумурсхала джыйылсала, пилни да джыгъадыла.
- Ётген ёмюр – акъгъан суу.
- Аман хансны – урлугъу кёб.
- Чомарт къонакъ юй иесин сыйлар.
- Адеб джокъда, намыс джокъ.
- Къартха ушагъан джаш – акъыллы, джашха ушагъан къарт – тели.
- Джашлыкъ этмеген, башлыкъ этмез.
- Аман адам этегингден тутса, кес да къач.
- Ётюрюкден тюбю джокъ, кёлтюрюрге джиби джокъ.
- Аллахха ийнаннган кишини, Аллах онгдурур ишин.
- Тик ёргени, тик энгишгеси да болады.
- Таукелге нюр джауар.
- Хар ишни да аллы къыйынды.
- Окъдан джара эртде-кеч болса да бителир, сёз джара, ёмюрге къалыр.
Профиль
|
Azamat
 Эльбрусоид
Cообщений: 2700
Баллов: 2160
Регистрация: 12.12.2011
Последний визит: 18.08.2018 04:37:14
|
||||
|
|
|
|||