Эльбрусоид :: Форум

Тин – байлыгъынг, терен саулугъунг.
Ата – баланы уясы.
Джеринден айырылгъан – джети джылар, джуртундан айырылгъан – ёлгюнчю джылар.
Мен да «сен», дейме, сен да «кесим», дейсе.
Душманны тышы – акъ, ичи – къара.
Эринчекни аурууу – кёб.
Тойгъа барсанг, тоюб бар, эски тонунгу къоюб бар.
Тёрени джагъы джокъ.
Кёкдеги болмаса, джердегин кёрмейди.
Чоюнну башы ачыкъ болса, итге уят керекди.
Шапа кёб болса, аш татымсыз болур.
Акъдан къара болмаз.
Ишин билген, аны сыйын чыгъарады.
Джылар джаш, атасыны сакъалы бла ойнар.
Аз сёлешген, къайгъысыз турур.
Аман къатын алгъан, арыр, иги къатын алгъан джарыр.
Экиндини кеч къылсанг, чабыб джетер ашхам.
Ичимден чыкъды хата, къайры барайым сата?
Кюн – узун, ёмюр – къысха.
Ханнга да келеди хариблик.
Элде адам къалмаса, ит тахтагъа минер.
Хазыр ашха – терен къашыкъ.
Мал ёлсе, сюек къалыр, адам ёлсе, иши къалыр.
Къарнынг бла ёч алма.
Чарсда алчыны эл кёреди.
Ат да турмайды бир териде.
Джерни букъусу кёкге къонмаз.
Хоншуну тауугъу къаз кёрюнюр, келини къыз кёрюнюр.
Къыз чыгъаргъан – къызыл къымжа.
Махтаннган къыз, тойда джукълар.
Къайгъы тюбю – тенгиз.
Кимни – тили, тиши онглу, кимни – къолу, иши онглу.
Бозанг болмагъан джерге, къалагъынгы сукъма.
Джылыгъа джылан илешир.
Рысхы – сют юсюнде кёмюк кибикди.
Кесине гебен этелмеген, биреуге черен эте эди.
Кёзюнде тереги болгъан, чёбю болгъаннга кюле эди.
«Ёгюз, джаргъа джууукъ барма, меннге джюк боллукъса», - дегенди эшек.
Къайгъыны сюйген, къайгъы табар.
Этни бети бла шорпасы.
Окъумагъан сокъурду, сокъур ташха абыныр!
Эр абынмай, эл танымаз.
Халкъны юйю – туугъан джери.
Келинни – келгинчи, бёркню кийгинчи кёр.
Ургъан суудан башынгы сакъла.
Тура эдим джата, къайдан чыкъды хата?
Кёпюр салгъан кеси ётер, уру къазгъан кеси кетер.
Гитче джилтин уллу элни джандырыр.
Биреуге аманлыкъ этиб, кесинге игилик табмазса.
Ашын ашагъанынгы, башын да сыйла.

Логин:
Пароль:
	Запомнить меня на этом компьютере

Забыли свой пароль?
Регистрация