Эльбрусоид :: Форум

Къобан да къуру да къобханлай турмайды, адам да къуру да патчахлай турмайды.
Алгъанда – джууукъ, бергенде – джау.
Джарлы эскисин джамаса, къууаныр.
Хар адамгъа кеси миннген тау кибик.
Эки къатын алгъанны къулагъы тынгнгаймаз.
Артына баргъанны, къатына барма.
Къууут – джелге, берне – бошха.
Тойну къарнашы – харс, джырны къарнашы – эжиу.
Огъурлуну сёзю – суу, огъурсузну сёзю – уу.
Мураты болгъанны джюрек тебюую башхады.
Къыз чыгъаргъан – къызыл къымжа.
Кюлме джашха – келир башха.
Билеги кючлю, бирни джыгъар, билими кючлю, мингни джыгъар.
Айтханы чапыракъдан ётмеген.
Чакъырылмай келген къонакъ сыйланмай кетер.
Сабийликде юретмесенг, уллу болса – тюзелмез.
Джиби бир къат джетмей эди да, эки къат тарта эди.
Ачылгъан эт джабылыр, кёрген кёз унутмаз.
Эски джаугъа ышанма.
Булут кёкге джарашыу, уят бетге джарашыу.
Кеси юйюмде мен да ханма.
Къайгъы тюбю – тенгиз.
Къонакъ хазыр болгъанлыкъгъа, къонакъбай хазыр тюлдю.
Тиширыусуз юй – отсуз от джагъа.
Къарны аманнга къазан такъдырма, къолу аманнга от джакъдырма.
Билим – акъылны чырагъы.
Кёб ант этген, кёб ётюрюк айтыр.
Арыгъан къош чамчы болур.
Къайтырыкъ эшигинги, къаты уруб чыкъма.
Ёнгкюч къууана барыр, джылай келир.
Шайтан алдады, тюзлюк къаргъады.
Таукелге нюр джауар.
Тюзлюк шохлукъну бегитир.
Экиндини кеч къылсанг, чабыб джетер ашхам.
Эки къатын алгъан – эки ташны ортасына башын салгъан.
Ишге юренсин къоллары, халкъ бла болсун джоллары.
Джети тилни билген джети кишиди.
Тил джюрекге джол ишлейди.
Джюрекден джюрекге джол барды.
Джарлыны тону джаз битер.
Башда акъыл болмаса, эки аякъгъа кюч джетер.
Намыс болмагъан джерде, насыб болмаз.
Келинни – келгинчи, бёркню кийгинчи кёр.
Кёб къычыргъандан – къоркъма, тынч олтургъандан – къоркъ.
Хар сёзню орну барды.
Айран тёгюлсе, джугъусу къалыр.
Сакъ юйюне сау барыр.
Джетген къыз джерли эшекни танымаз.
Гугурук къычырмаса да, тангны атары къалмаз.
Ашхы тенг джолгъа салыр, аман тенг джолдан тайдырыр.

Логин:
Пароль:
	Запомнить меня на этом компьютере

Забыли свой пароль?
Регистрация