Эльбрусоид :: Форум

Ашхы атаны – джашы ашхы, ашхы ананы – къызы ашхы.
Къыз келсе, джумуш эте келеди, къатын келсе, ушакъ эте келеди.
Айтханы чапыракъдан ётмеген.
Къатын къылыкъсыз, эр тынчлыкъсыз.
Байлыкъ болгъан джерде, тынчлыкъ джокъду.
Байлыкъ тауусулур, билим тауусулмаз.
Сагъышы джокъ – джукъучу, акъылы джокъ – къаугъачы.
Къуллукъчума, деб махтанма, къуллукъ – хаух джамчыды!
Керек ташны ауурлугъу джокъ.
Къонакъ аман болса, къонакъбай джунчур
Джукъу тёшек сайламайды.
Чёбню кёлтюрсенг, тюбюнден сёз чыгъар.
Эшекге миннген – биринчи айыб, андан джыгъылгъан – экинчи айыб.
Эр сокъур болсун, къатын тилсиз болсун.
Аманнга алтын чыдамаз.
Чомартха хар кюн да байрамды.
Адеб базарда сатылмаз.
Тил – кесген бычакъ, сёз – атылгъан окъ.
Ач отунчуну ачыуу – бурнунда.
Таукел адам тау тешер.
Къумурсхала джыйылсала, пилни да джыгъадыла.
Джахил болса анасы, не билликди баласы?
Алгъанда – джууукъ, бергенде – джау.
Артына баргъанны, къатына барма.
Чомартны къолун джокълукъ байлар.
Акъыл къартда, джашда тюйюлдю – башдады.
Ариу сёз – къылычдан джити.
Тик ёргени, тик энгишгеси да болады.
Игини сыйлагъан адетди.
Кюн кёрмеген, кюн кёрсе, кюндюз чыракъ джандырыр.
Сабыр джетер муратха, сабырсыз къалыр уятха.
Джарашыу сюйген – джалынчакъ.
Джангыз торгъай джырламаз.
Аш иеси бла татлыды.
Айранны сюйген, ийнек тутар.
Уллу атлама – абынырса, уллу къабма – къарылырса.
Кюл тюбюндеги от кёрюнмейди.
Эллинг бла джау болсанг да, юйюнг бла джау болма.
Татлы тилде – сёз ариу, чемер къолда – иш ариу.
Кёзюнде тереги болгъан, чёбю болгъаннга кюле эди.
Тенги кёбню джау алмаз, акъылы кёбню дау алмаз.
Мал ёлсе, сюек къалыр, адам ёлсе, иши къалыр.
Къазанны башы ачыкъ болса, итге уят керекди.
Олтуруб кёрюнмей эди да, ёрге туруб кёрюне эди.
Кёрмегеннге кебек – танг, битмегеннге сакъал – танг.
Хар ишни да аллы къыйынды.
Этни да ашады, бетни да ашады.
Чомарт къонакъ юй иесин сыйлар.
Хар сёзню орну барды.
Башда акъыл болмаса, эки аякъгъа кюч джетер.

Логин:
Пароль:
	Запомнить меня на этом компьютере

Забыли свой пароль?
Регистрация