- Акъыл сабырлыкъ берир.
- Адамны сыфатына къарама, сёзюне къара.
- Кийим тукъум сордурур.
- Келинин тута билмеген, къул этер, къызын тута билмеген, тул этер.
- От этилмеген джерден тютюн чыкъмайды.
- Мадар болса, къадар болур.
- Уллу сёзде уят джокъ.
- Тамырсыз терекге таянма – джыгъылырса.
- Харам къарнашдан, халал тенг ашхы.
- Элге къуллукъ этмеген, элге ие болмаз.
- Чомарт джарлы болмаз.
- Ишни ахырын ойламай, аллын башлама.
- Акъыллы – эл иеси, тели – эл баласы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адам боллукъ, атламындан белгили болур.
- Билеги кючлю, бирни джыгъар, билими кючлю, мингни джыгъар.
- Ашхы болсанг, атынг чыгъар, аман болсанг, джанынг чыгъар.
- Дуния мал дунияда къалады.
- Ашаса, ашамаса да, бёрюню ауузу – къан.
- Айтхан – тынч, этген – къыйын.
- Нафысынгы айтханын этме, намысынгы айтханын эт.
- Тау башында, тау болмаз, джангыз терек, бау болмаз.
- Джумушакъ сёз къаты таякъны сындырыр.
- Юйлю уругъа ит чабмаз.
- Босагъа таш юйге кирмей эди, тыбыр таш эшикге чыкъмай эди.
- Тойгъан антын унутур.
- Сакъалы текени да бар, мыйыгъы киштикни да бар.
- Ёзденликни джайгъан – джокълукъ.
- Эте билген, этген этеди, эте билмеген, юретген этеди!
- Эл ауузу – элия.
- Ата – баланы уясы.
- Тели турса – той бузар.
- Аш иеси бла татлыды.
- Насыб бютеу халкъны юлюшюдю.
- Джылыгъа джылан илешир.
- Итли къонакъ джарашмаз.
- Бермеген къол, алмайды.
- Байлыкъдан саулукъ ашхыды.
- Джигер – джаннга къыйынлыкъ.
- Тай асырагъан, атха минер.
- Къарын къуру болса, джюрек уру болур.
- Джюрек кёзден алгъа кёрюр.
- Ким бла джюрюсенг, аны кёзю бла кёрюнюрсе.
- Адамны адамлыгъы къыйынлыкъда айгъакъланады.
- Джаш болсун, къыз болсун, акъылы, саны тюз болсун.
- Тин – байлыгъынг, терен саулугъунг.
- Аджалсыз ёлюм болмаз.
- Билим – акъылны чырагъы.
- Терслик кетер, тюзлюк джетер.
- Аман къатын алгъан, арыр, иги къатын алгъан джарыр.
Профиль
|
prosto podrugomu
 Эльбрусоид
Cообщений: 316
Баллов: 252
Регистрация: 12.12.2011
Последний визит: 14.02.2014 22:02:02
|
|
||||||
|
|
|
||||||