Эльбрусоид :: Форум

Тюз сёз баргъан сууну тыяр.
Акъыл къартда, джашда тюйюлдю – башдады.
Нёгерсизни джолу узун.
Къызын тута билмеген, тул этер, джашын тута билмеген, къул этер.
Кенгеш болса, уруш болмаз.
Ачлыкъда тары гырджын халыуадан татлы.
Эринчекни эр алмаз, эр алса да, кёл салмаз, кёл салса да, кёб бармаз!
Арыгъан къош чамчы болур.
Уллу суу бла уллу ауруудан башынгы сакъла.
Бети бедерден, намыс сакълама.
Ариу джол аджал келтирмез.
Тулпарлыкъ, билекден тюл – джюрекден.
Чомарт къонакъ юй иесин сыйлар.
Кимни – тили, тиши онглу, кимни – къолу, иши онглу.
Эркишини аманы тиширыуну джылатыр.
Акъыллы – эл иеси, тели – эл баласы.
Къайгъыны сюйген, къайгъы табар.
Эл ауузу – элек, анга ийнаннган – халек.
Адамны сабийин сюйген джюреги, бычакъча, джитиди.
Тас болгъан бычакъны сабы – алтын.
Къарнынг ауруса, ауузунгу тый
Кийиминг бла танылма, адамлыкъ бла таныл.
Бёрю да ач къалмасын, эчки да ашалмасын.
Чомарт къолда мал къалмаз.
Ариу сёз аурууунгу алыр.
Эл тойса, тоймагъан, эл къойса, къоймагъан.
Адеб джокъда, намыс джокъ.
Насыблы элин сюер, насыбсыз кесин сюер.
Чабакъсыз кёлге къармакъ салгъанлыкъгъа, чабакъ тутмазса.
Гыдай эчки суугъа къараб, мюйюзле кёрмесе, джашма алкъын, дегенди.
Эм ашхы къайын ана мамукъ бла башынгы тешер.
Иги болса, тамадама – махтау, аман болса, меннге – айыб.
Кёбге таш атма.
Огъурлуну сёзю – суу, огъурсузну сёзю – уу.
Чёбню кёлтюрсенг, тюбюнден сёз чыгъар.
Туз, гырджын аша, тюзлюк бла джаша.
Адеби болмагъан къыз – тузсуз хант.
Ачыу алгъа келсе, акъыл артха къалады.
Эртде тургъан бла эртде юйленнген сокъуранмаз.
Кёл ашады да, кеси ашады.
Чабакъ башындан чирийди.
Ашлыкъны арба юйге келтирир, чана базаргъа элтир.
Башы ишлегенни, ауузу да ишлер.
Къошда джокъгъа – юлюш джокъ.
Кесинг сынамагъан затны, адамгъа буюрма.
Эл элде бирер малынг болгъандан эсе, бирер тенгинг болсун.
Ашын ашагъанынгы, башын да сыйла.
Адамны сыфатына къарама, сёзюне къара.
Аджал соруб келмез, келсе, къайтыб кетмез.
Элни кючю – эмеген.

Логин:
Пароль:
	Запомнить меня на этом компьютере

Забыли свой пароль?
Регистрация