- Юй кюйдю да, кюйюз чыкъды, ортасындан тюйюш чыкъды.
- Сабий кёргенин унутмаз.
- Аманны къуугъан, аманлыкъ табар.
- Къууут – джелге, берне – бошха.
- Билмезни кёзю кёрмез, этмезни къулагъы эшитмез.
- Къулакъдан эсе, кёзге ышан.
- Тёгюлген тюгел джыйылмайды.
- Чомарт бергенин айтмаз.
- Тилчи тилден къаныкъмаз.
- Джюрекге ариу – кёзге да ариу.
- Тил – миллетни джаны.
- Билимден уллу байлыкъ джокъду.
- Джумушакъ терекни къурт ашар.
- Байны къызы баймакъ болса да, юйде къалмаз!
- Суу да къайтады чыкъгъан джерине.
- Адамны артындан къара сабан сюрме.
- Чабакъ башындан чирийди.
- Душманны тышы – акъ, ичи – къара.
- Ётюрюкню къуйругъу – бир тутум.
- Иги болса, тамадама – махтау, аман болса, меннге – айыб.
- Кийимни бир кюнню аясанг, минг кюннге джарар.
- Аджал соруб келмез, келсе, къайтыб кетмез.
- Кёз – сюйген джерде, къол – ауругъан джерде.
- Арбаз къынгырды да, ийнек сауалмайма.
- Сабийни джумушха джибер да, ызындан бар.
- Аман къатын сабий табса, бий болур…
- Таш бла ургъанны, аш бла ур.
- Кёб ант этген, кёб ётюрюк айтыр.
- Суугъа – чабакъ, къаягъа – ыргъакъ.
- Термилгенинги табмазса, кюлгенинге тюберсе.
- Хатерли къул болур.
- Эм уллу байлыкъ – джан саулукъ.
- Чабакъгъа акъыл, табагъа тюшсе келеди.
- Тойгъан джерден туугъан джер игиди.
- Акъылсызны джууукъгъа алма, акъыллыны кенгнге салма.
- Чыбыкълыкъда бюгюлмеген, къазыкълыкъда бюгюлмей эди.
- Соргъан айыб тюлдю, билмеген айыбды.
- Къызын тута билмеген, тул этер, джашын тута билмеген, къул этер.
- Джаралыны джастыгъында сау ёлюр.
- Окъумагъан сокъурду, сокъур ташха абыныр!
- Тил – кесген бычакъ, сёз – атылгъан окъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёзденликни джайгъан – джокълукъ.
- Сыфатында болмагъаны, суратында болмаз.
- Эл элде бирер малынг болгъандан эсе, бирер тенгинг болсун.
- Агъач халкъгъа алтынды, иссиликге салкъынды.
- «Ма», - дегенни билмесенг, «бер», - дегенни билмезсе.
- Ишни аллы бла къууанма да, арты бла къууан.
- Къобан да къуру да къобханлай турмайды, адам да къуру да патчахлай турмайды.
- Битмегеннге сакъал – танг.
Профиль
|
KavkazM
 Эльбрусоид
Cообщений: 2916
Баллов: 2332
Регистрация: 12.12.2011
Последний визит: 08.12.2019 01:46:57
|
|
||||||
|
|
|
||||||