- Эки итни арасына сюек атма, эки адамны арасында сёз чыгъарма.
- Мал кёб болса, джууукъ кёб болур.
- Хар зат кесини орнуна иги.
- Намысы болмагъанны, сыйы болмаз.
- Бир абыннган – минг сюрюнюр.
- Аджашханны ызындагъы кёреди, джангылгъанны джанындагъы биледи.
- Тенгни тенглиги джашай барсанг билинир.
- Къобан да къуру да къобханлай турмайды, адам да къуру да патчахлай турмайды.
- Атадан ёксюз – бир ёксюз, анадан ёксюз – эки ёксюз.
- Ауурну тюбю бла, дженгилни башы бла джюрюген.
- Узун джолну барсанг, бюгюн келирсе, къысха джолну барсанг, тамбла келирсе.
- Ата – баланы уясы.
- Уллу суу бла уллу ауруудан башынгы сакъла.
- Айранын берсенг, челегин да къызгъанма.
- Чыкълы кюнде чыкъмагъан, чыкъса къуру кирмеген.
- Байны оноуу, джарлыгъа джарамаз.
- Сютден ауузу кюйген, суугъа юфгюре эди.
- Хантына кёре тузу, юйюне кёре къызы.
- Кёлсюзден сёзсюз тууар.
- Адамны джюреги нени кёрюрге сюйсе, кёзю да аны кёрюрге ёч болады.
- Ариу сёз аурууунгу алыр.
- Чарсда алчыны эл кёреди.
- Душманны тышы – акъ, ичи – къара.
- Бети къызарыучу адамны, джюреги харам болмаз.
- Тёрдеги кюлсе, эшикдеги ышарыр.
- Насыблы элин сюер, насыбсыз кесин сюер.
- Сакъалы текени да бар, мыйыгъы киштикни да бар.
- Тешигини къатында, чычхан да батыр болур.
- Огъурлуну сёзю – суу, огъурсузну сёзю – уу.
- Ишлерге уял да, ашаргъа табма.
- Тойгъан антын унутур.
- Ашхы сёз таш тешер.
- Тойгъан джерге джети къайт.
- Харам къарнашдан, халал тенг ашхы.
- Байлыкъдан саулукъ ашхыды.
- Бетинги сатма, малынгы сат.
- Джырчы джырчыгъа – къарнаш.
- Къуллукъчума, деб махтанма, къуллукъ – хаух джамчыды!
- Хансыз джомакъ болмаз.
- Биреу къой излей, биреу той излей.
- Эки къатын алгъан – эки ташны ортасына башын салгъан.
- Иги адам абынса да, джангылмаз.
- Тойгъа барсанг, тоюб бар, эски тонунгу къоюб бар.
- Джумушакъ терекни къурт ашар.
- Этни бети бла шорпасы.
- Суу кетер, таш къалыр.
- Джигер – джаннга къыйынлыкъ.
- Тау башында, тау болмаз, джангыз терек, бау болмаз.
- Бастасын ашагъан, хантусун да ичер.
- Кийимни бичсенг, кенг бич, тар этген къыйын тюлдю.
Профиль
|
|
|
|||