- Тёрде – темир таякълы, къаяда – чыпчыкъ аякълы.
- Кийиминг бла танылма, адамлыкъ бла таныл.
- Аман адамны тепсинге олтуртсанг, къызынгы тилер.
- Акъыллы эркиши атын махтар, акъылсыз эркиши къатынын махтар.
- Къалгъан ишге къар джауар.
- Мухар, кеси тойса да, кёзю тоймаз.
- Хунаны тюбюн къазсанг, юсюнге ауар.
- Кеси юйюмде мен да ханма.
- Намысы болмагъанны, сыйы болмаз.
- Дуния мал дунияда къалады.
- Иши джокъну, сыйы джокъ.
- Алма терегинден кери кетмез.
- Ата – билек, ана – джюрек!
- Адам боллукъ, атламындан белгили болур.
- Керек ташны ауурлугъу джокъ.
- Ашын ашагъанынгы, башын да сыйла.
- Башсыз урчукъ тюзюне айланмаз.
- Башынга джетмегенни сорма.
- Ёзденликни кёбю ётюрюк.
- Ёлюк кебинсиз къалмаз.
- Ётюрюкню къуйругъу – бир тутум.
- Ариу сёз – джаннга азыкъ, аман сёз – башха къазыкъ.
- Аш берме да, къаш бер.
- Ат басханны джер билед.
- Билмегенинги, билгеннге сор.
- Ишни аллы бла къууанма да, арты бла къууан.
- Джюрек кёзден алгъа кёрюр.
- Джашлыкъ этмеген, башлыкъ этмез.
- Аман адам этегингден тутса, кес да къач.
- Айырылгъанланы айю ашар, бёлюннгенлени бёрю ашар.
- Джахил болса анасы, не билликди баласы?
- Тамбла алтындан бюгюн багъыр ашхы.
- Къарнынг ауруса, ауузунгу тый
- Кютгени беш эчки, сызгъыргъаны уа, джерни джарады.
- Къолу уллу – асыу, аягъы уллу – джарсыу.
- Чарсда алчыны эл кёреди.
- Бети – къучакълар, джюреги – бычакълар.
- Ариу сёз – къылычдан джити.
- Джукъу тёшек сайламайды.
- Тойчу джашха къарама, къойчу джашха къара.
- Ойнай билмеген, оюн бузар.
- Тилчи бир сагъатха айлыкъ хата этер.
- Адам къыйынлыгъын кёлтюрюр, зауукълугъун кёлтюрмез.
- Чакъырылгъанны аты, чакъырылмагъанны багъасы болур.
- Акъыллы айтыр эди, акъылсыз къоймайды.
- Таула не мийик болсала да, аууш табылыр.
- Къарыусузгъа кюлме, онгсузгъа тийме.
- Абынмазлыкъ аякъ джокъ, джангылмазлыкъ джаякъ джокъ.
- Ёлген ийнек сютлю болур.
- Ишлегенде эринме, ишде чолакъ кёрюнме.
Профиль
|
Зукку Пристоп
 Эльбрусоид
Cообщений: 1481
Баллов: 1184
Регистрация: 13.12.2011
Последний визит: 12.05.2017 15:05:05
|
|
||||||
|
|
|
||||||