Эльбрусоид :: Форум :: Зукку Пристоп

«Ма», - дегенни билмесенг, «бер», - дегенни билмезсе.
Олтуруб кёрюнмей эди да, ёрге туруб кёрюне эди.
Бети бедерден, намыс сакълама.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Джашлыкъ этмеген, башлыкъ этмез.
Минг тенг да азды, бир джау да кёбдю.
Ёзденликни джайгъан – джокълукъ.
Мухар, кеси тойса да, кёзю тоймаз.
Нёгер болсанг, тенг бол, тенг болмасанг, кенг бол.
Мал кёб болса, джууукъ кёб болур.
Сабийликде юретмесенг, уллу болса – тюзелмез.
Уруну арты – къуру.
Битмегеннге сакъал – танг.
Агъач – джерни чырайы, кийим – эрни чырайы.
Келинни – келгинчи, бёркню кийгинчи кёр.
Аман къатын сабий табса, бий болур…
Ишни ахырын ойламай, аллын башлама.
Ашхы – джыяр, аман – джояр.
Джолунга кёре – джюрюшюнг, джагъанга кёре – юлюшюнг.
Ариу – кёзге, акъыл – джюрекге.
Аш хазыр болса, иш харам болур.
Джиби бир къат джетмей эди да, эки къат тарта эди.
Бойнуму джети джерден кессенг да, мен ол ишни этеллик тюлме.
Айтылгъан сёз ызына къайтмаз.
Чоюнну башы ачыкъ болса, итге уят керекди.
Ушамагъан – джукъмаз.
Ёлюр джаннга, ёкюл джокъ.
Ана къойну – балагъа джандет.
Эллинг бла джау болсанг да, юйюнг бла джау болма.
Атлыны ашхысы, ат тизгининден билинир
Къатыны харакетли болса, эри къымсыз болур.
Адеб базарда сатылмаз.
Ашхы адам – халкъ байлыгъы, ашхы джер – джашау байлыгъы.
Келлик заман – къартлыкъ келтирир, кетген заман – джашлыкъ ёлтюрюр.
Кесинг сынамагъан затны, адамгъа буюрма.
Бек анасы джыламаз.
Сакъламагъан затынга джолукъсанг, не бек къууанаса, не бек ачыйса.
Къыйынлы джети элге оноу этер.
Билимли ёлмез, билимсиз кёрмез.
Адамны аманы адамны бети бла ойнар.
Эли джокъну – кёлю джокъ.
Тойгъандан сора, ашны сёкме.
Алим болгъандан эсе, адам болгъан къыйынды.
Ач отунчуну ачыуу – бурнунда.
Бир абыннган – минг сюрюнюр.
Ичимден чыкъды хата, къайры барайым сата?
Адебни адебсизден юрен.
Тамбла алтындан бюгюн багъыр ашхы.
Акъдан къара болмаз.
Байлыкъ болгъан джерде, тынчлыкъ джокъду.

Логин:
Пароль:
	Запомнить меня на этом компьютере

Забыли свой пароль?
Регистрация