Эльбрусоид :: Форум :: Фортуна Фиделя

Сагъышы джокъ – джукъучу, акъылы джокъ – къаугъачы.
Адамны аты башхача, акъылы да башхады.
Джюрекге ариу – кёзге да ариу.
Халкъны юйю – туугъан джери.
Сакъ юйюне сау барыр.
Бети бедерден, намыс сакълама.
Сёз – кюмюш, джыр – алтын.
Ашлыкъны арба юйге келтирир, чана базаргъа элтир.
Аманны къуугъан, аманлыкъ табар.
Адеби болмагъан къыз – тузсуз хант.
Аллахдан тилесенг, кёб тиле.
Юйюнгден чыкъдынг – кюнюнгден чыкъдынг.
Эркишиге тары кебек танг кёрюнюр.
Асхат ашлыкъ сата, юйдегиси ачдан къата.
Байлыкъ болгъан джерде, тынчлыкъ джокъду.
Келгинчи, къонакъ уялыр, келгенден сора, къонакъбай уялыр.
Адамны бетине къарама, адетине къара.
Тай асырагъан, атха минер.
Иги джашны ышаны – аз сёлешиб, кёб тынгылар.
Аман адам этегингден тутса, кес да къач.
Халкъгъа джарагъан, джарлы къалмаз.
Ётюрюкчюню шагъаты – къатында.
Эркиши – от, тиширыу – суу.
Билмейме деген – бир сёз
Уллу сёлешме да, уллу къаб.
Билеги кючлю, бирни джыгъар, билими кючлю, мингни джыгъар.
Ашхы тенг джолгъа салыр, аман тенг джолдан тайдырыр.
Рысхы джалгъанды: келген да этер, кетген да этер.
Иги адам абынса да, джангылмаз.
Уллу атлама – абынырса, уллу къабма – къарылырса.
Эм уллу байлыкъ – джан саулукъ.
Накъырданы арты керти болур.
Ишленмеклик адамлыкъды.
Ким бла джюрюсенг, аны кёзю бла кёрюнюрсе.
Къонакъ кёб келюучю юйню, къазаны отдан тюшмез.
Тин – байлыгъынг, терен саулугъунг.
Иши джокъну, сыйы джокъ.
Джан саулукъ бермей, сан саулукъ бермезсе.
Баш болса, бёрк табылыр.
Эртде тургъан бла эртде юйленнген сокъуранмаз.
Нёгер болсанг, тенг бол, тенг болмасанг, кенг бол.
Гугук кесини атын айтыб къычыргъанча, мен, мен деб нек тураса?
Кёзден кетген, кёлден да кетеди.
Эринчекни эр алмаз, эр алса да, кёл салмаз, кёл салса да, кёб бармаз!
Акъыл аздырмаз, билим тоздурмаз.
Мал ёлсе, сюек къалыр, адам ёлсе, иши къалыр.
Къызын тута билмеген, тул этер, джашын тута билмеген, къул этер.
Аллахха ийнаннган кишини, Аллах онгдурур ишин.
Нарт сёз къарт болмаз.
Къралынгы – душмандан, башынгы от бла суудан сакъла.

Логин:
Пароль:
	Запомнить меня на этом компьютере

Забыли свой пароль?
Регистрация