- Эл ауузу – элек, анга ийнаннган – халек.
- Джол бла сёзню къыйыры джокъ.
- Кюлме джашха – келир башха.
- Билмезни кёзю кёрмез, этмезни къулагъы эшитмез.
- Малны кют, джерни тюрт.
- Адамны адамлыгъы къыйынлыкъда айгъакъланады.
- Кёб джашагъан – кёб билир.
- Аджалсыз ёлюм болмаз.
- Кёлсюзден сёзсюз тууар.
- Ачлыкъ отха секиртир.
- Ётюрюкден тюбю джокъ, кёлтюрюрге джиби джокъ.
- Садакъачыны джаны – къапчыгъында.
- Эшекге миннген – биринчи айыб, андан джыгъылгъан – экинчи айыб.
- Джыланны къуйругъундан басарынг келсе, аны башы болгъанын унутма.
- Къуру гыбыт бек дыгъырдар.
- Ушамагъан – джукъмаз.
- Джырына кёре эжиую.
- Джашны джигитлиги сорулур, къызны джигерлиги сорулур.
- Эшекни не къадар тюйсенг да, ат болмаз.
- Асхат ашлыкъ сата, юйдегиси ачдан къата.
- Кийиминг бла танылма, адамлыкъ бла таныл.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сабыр джетер муратха, сабырсыз къалыр уятха.
- Ёзденликни джайгъан – джокълукъ.
- Агъач халкъгъа алтынды, иссиликге салкъынды.
- Джети тилни билген джети кишиди.
- Чакъырылмагъан къонакъ тёрге атламаз.
- Окъуу – билимни ачхычы, окъуу – дунияны бачхычы.
- Эринчекни эр алмаз, эр алса да, кёл салмаз, кёл салса да, кёб бармаз!
- Къралынгы – душмандан, башынгы от бла суудан сакъла.
- Тил бла келеди джыр да.
- Эл бла кёргенинг эрелей.
- Тик ёргени, тик энгишгеси да болады.
- Къатын къылыкъсыз, эр тынчлыкъсыз.
- «Ёгюз, джаргъа джууукъ барма, меннге джюк боллукъса», - дегенди эшек.
- Байлыкъ келсе, акъыл кетер.
- Къонакъ болсанг, ийнакъ бол.
- Джангыз терек къынгыр ёсер.
- Айырылмаз джууугъунга, унутмаз сёзню айтма.
- Айырылгъанланы айю ашар, бёлюннгенлени бёрю ашар.
- Келинни – келгинчи, бёркню кийгинчи кёр.
- Эрине къаргъыш этген къатын, эрнин къабар.
- Бети къызарыучу адамны, джюреги харам болмаз.
- Уллу къазанда бишген эт, чий къалмаз.
- Бет бетге къараса, бет да джерге къарар.
- Биреуге кёлтюрген таягъынг, кесинги башынга урур.
- Биреу къой излей, биреу той излей.
- Джарлы тюеге минсе да, ит къабар.
- Ачны эсинде – аш.
- Ойнай билмеген, уруб къачар.
Профиль
|
|
|
|||