Эльбрусоид :: Форум

Кёб джашагъан – кёб билир.
Тешик этген тынчды, аны джамагъан къыйынды.
Къартха ушагъан джаш – акъыллы, джашха ушагъан къарт – тели.
Сормай – алма, чакъырылмай – барма.
Адамны аты башхача, акъылы да башхады.
Къарнынг тойгъунчу аша да, белинг талгъынчы ишле.
Экеу тутушса, биреу джыгъылыр.
Къолунгдан къуймакъ ашатсанг да, атаны борчундан къутулмазса.
Бермеген къол, алмайды.
Аман адам этегингден тутса, кес да къач.
Ишлегенде эринме, ишде чолакъ кёрюнме.
Арба аугъандан сора, джол кёргюзтюучю кёб болур.
Баланы адам этген анады.
Джаз бир кюнню джатсанг, къыш талай кюнню абынырса.
Шапа кёб болса, аш татымсыз болур.
Адебни адебсизден юрен.
Накъырданы арты керти болур.
Ач къарным, тынч къулагъым.
Кёб ант этген, кёб ётюрюк айтыр.
Къарын къуру болса, джюрек уру болур.
Мухардан ач ычхынмаз.
Иги сёз – джаннга азыкъ, аман сёз башха – къазыкъ.
Кесине гебен этелмеген, биреуге черен эте эди.
Джюрек кёзден алгъа кёрюр.
Къарнынг ауруса, ауузунгу тый
Бозаны арты дауур болур.
Къобан да къуру да къобханлай турмайды, адам да къуру да патчахлай турмайды.
Ойнай-ойнай кёз чыгъар.
Джылар джаш, атасыны сакъалы бла ойнар.
Билеги кючлю, бирни джыгъар, билими кючлю, мингни джыгъар.
Джаханимни кёрмей, джандетге кёл салмазса.
Окъуу – билимни ачхычы, окъуу – дунияны бачхычы.
Ханы къызы буюгъа-буюгъа киштик болду.
Къызгъанчдан ычхыныр, мухардан ычхынмаз.
Малны кют, джерни тюрт.
Окъугъанны бети джарыкъ.
Ашда – бёрю, ишде – ёлю.
Керек ташны ауурлугъу джокъ.
Джырчы ёлсе, джыры къалыр.
Ёгюзню мюйюзюнден тутадыла, адамны сёзюнден тутадыла.
Тенгни тенглиги джашай барсанг билинир.
Ушамагъан – джукъмаз.
Алгъанда – джууукъ, бергенде – джау.
Дууулдаса – бал чибин, къонса – къара чибин.
Акъыллы эркиши атын махтар, акъылсыз эркиши къатынын махтар.
Ашхы адам – халкъ байлыгъы, ашхы джер – джашау байлыгъы.
Юре билмеген ит, къонакъ келтирир.
Ата – баланы уясы.
Эркишиге тары кебек танг кёрюнюр.
Эки элинги тыйсанг, джети элде махталырса.

Логин:
Пароль:
	Запомнить меня на этом компьютере

Забыли свой пароль?
Регистрация