- Чомарт джарлы болмаз.
- Ашда уялгъан – мухар, ишде уялгъан – хомух.
- Эки итни арасына сюек атма, эки адамны арасында сёз чыгъарма.
- Арбаз къынгырды да, ийнек сауалмайма.
- Тамырсыз терекге таянма – джыгъылырса.
- Ойнаб айтсанг да, эслеб айт.
- Байны къызы баймакъ болса да, юйде къалмаз!
- Танг атмайма десе да, кюн къоярыкъ тюйюлдю.
- Джарлыны эшигин махтагъан джабар.
- Айтылгъан сёз ызына къайтмаз.
- Болджал ишни бёрю ашар.
- Аманны тукъумуна къарама, игини тукъумун сорма.
- Къуллукъчума, деб махтанма, къуллукъ – хаух джамчыды!
- Адамны адамлыгъы къыйынлыкъда айгъакъланады.
- Къар – келтирди, суу – элтди.
- Аманнга алтын чыдамаз.
- Агъач халкъгъа алтынды, иссиликге салкъынды.
- Ач – эснер, ат – кишнер.
- Сибиртки да сыйлы болду, кюрек да кюнлю болду.
- Аш кетер да бет къалыр.
- Намыс сатылыб алынмайды.
- Тас болгъан бычакъны сабы – алтын.
- Атлыны кёрсе, джаяуну буту талыр.
- Джетген къыз джерли эшекни танымаз.
- Джырчы джырчыгъа – къарнаш.
- Къобан да къуру да къобханлай турмайды, адам да къуру да патчахлай турмайды.
- Терслик кетер, тюзлюк джетер.
- Ачлыкъда тары гырджын халыуадан татлы.
- Эски джаугъа ышанма.
- Кёб къычыргъандан – къоркъма, тынч олтургъандан – къоркъ.
- Нарт сёз къарт болмаз.
- Къарт айтханны этмеген, къартаймаз.
- Джаш къарыу бла кючлю, къарт акъыл бла кючлю.
- Тёрде – темир таякълы, къаяда – чыпчыкъ аякълы.
- Джаным-тиним – окъуу, билим.
- Тил джюрекге джол ишлейди.
- Джангыз торгъай джырламаз.
- Джыгъылгъанны сырты джерден тоймаз.
- Ач отунчуну ачыуу – бурнунда.
- Къарнынг къанлынга кийирир.
- Мадар болса, къадар болур.
- Къатын байлыкъны сюер, эр саулукъну сюер.
- Джылар джаш, атасыны сакъалы бла ойнар.
- Ариу – кёзге, акъыл – джюрекге.
- Ётюрюкню башын керти кесер.
- Адамны сабийин сюйген джюреги, бычакъча, джитиди.
- Адам сёзге тынгыла, акъыл сёзню ангыла.
- Акъылсызны джууукъгъа алма, акъыллыны кенгнге салма.
- Керти сёзге тёре джокъ.
- Киштикге къанат битсе, чыпчыкъ къалмаз эди.
Профиль
|
|
|
|||