- Акъыллы башны – тили къысха.
- Ашда – бёрю, ишде – ёлю.
- Тели турса – той бузар.
- Кийимни бичсенг, кенг бич, тар этген къыйын тюлдю.
- Чомартны къолу берекет.
- Акъдан къара болмаз.
- Уллу сёзде уят джокъ.
- Окъугъан озар, окъумагъан тозар.
- Ёлюк кебинсиз къалмаз.
- Тойгъанлыкъ къойгъа джарашады.
- Ач отунчуну ачыуу – бурнунда.
- Къыз чыгъаргъан – къызыл къымжа.
- Ойнай билмеген, оюн бузар.
- Къарнынг къанлынга кийирир.
- Къарт бла баш аша, джаш бла аякъ аша.
- Джаш болсун, къыз болсун, акъылы, саны тюз болсун.
- Иги сёз – джаннга азыкъ, аман сёз башха – къазыкъ.
- Кёз – сюйген джерде, къол – ауругъан джерде.
- Тилчи тилден къаныкъмаз.
- Ишни ахырын ойламай, аллын башлама.
- Чакъырылмай келген къонакъ сыйланмай кетер.
- Къолу уллу – асыу, аягъы уллу – джарсыу.
- Хатерли къул болур.
- Ашын ашагъанынгы, башын да сыйла.
- Кимни – тили, тиши онглу, кимни – къолу, иши онглу.
- Байлыкъ болгъан джерде, тынчлыкъ джокъду.
- Билими азны – ауузунда кирит.
- Нёгер болсанг, тенг бол, тенг болмасанг, кенг бол.
- Къумурсхала джыйылсала, пилни да джыгъадыла.
- Ат басханны джер билед.
- Кюлме джашха – келир башха.
- Ёлюр джаннга, ёкюл джокъ.
- Тура эдим джата, къайдан чыкъды хата?
- Кёлсюзден сёзсюз тууар.
- Дууулдаса – бал чибин, къонса – къара чибин.
- Джюрекге ариу – кёзге да ариу.
- Кенгеш болса, уруш болмаз.
- Телини эшигин, махтау джабар.
- Ат да турмайды бир териде.
- Бёрю да ач къалмасын, эчки да ашалмасын.
- Джылар джаш, атасыны сакъалы бла ойнар.
- Садакъачыны джаны – къапчыгъында.
- Ариуну – ауруу кёб.
- Кёбню кёрген – кёб билир.
- Аман эсирсе, юйюн ояр.
- Джырына кёре эжиую.
- Чакъырылмагъан къонакъ тёрге атламаз.
- Сёз – кюмюш, джыр – алтын.
- Ашыкъгъанны этеги бутуна чырмалыр.
- Адеб базарда сатылмаз.
Профиль
|
Katik
 Эльбрусоид
Cообщений: 6672
Баллов: 5337
Регистрация: 14.12.2011
Последний визит: 17.11.2025 22:47:15
|
|
||||||
|
|
|
||||||