- Телиге от эт десенг, юйюнге от салыр.
- Таукел тауну аудурур.
- Шайтан алдады, тюзлюк къаргъады.
- Джетген къыз джерли эшекни танымаз.
- Байлыкъ келсе, акъыл кетер.
- Акъыл сабырлыкъ берир.
- Нёгер болсанг, тенг бол, тенг болмасанг, кенг бол.
- Алтыннга тот къонмаз.
- Акъдан къара болмаз.
- Айтхан – тынч, этген – къыйын.
- Уллу айтханны этмеген – уллаймаз.
- Кюн кёрмеген, кюн кёрсе, кюндюз чыракъ джандырыр.
- Биреуню къыйынлыгъы бла кесинге джол ишлеме.
- Чомартха хар кюн да байрамды.
- Ач къарынны, токъ билмез
- Кёлсюзден сёзсюз тууар.
- Ёлюк кебинсиз къалмаз.
- Мухарны эси – ашарыкъда.
- Махтаннган къыз, тойда джукълар.
- Джангыз торгъай джырламаз.
- Бичгенде ашыкъма, тикгенде ашыкъ.
- Миллетни бойну – базыкъ, аны бла кюрешген – джазыкъ.
- Адеб базарда сатылмаз.
- Тюзлюк шохлукъну бегитир.
- Джаным-тиним – окъуу, билим.
- Эллинг бла джау болсанг да, юйюнг бла джау болма.
- Туз, гырджын аша, тюзлюк бла джаша.
- Аш иеси бла татлыды.
- Айыбны суу бла джууалмазса.
- Таула не мийик болсала да, аууш табылыр.
- Хаухну атма, ёнгкючню сатма.
- Рысхы – насыбха къор.
- Юйюнгден чыкъдынг – кюнюнгден чыкъдынг.
- Билимсиз иш бармаз.
- Къатын къылыкъсыз, эр тынчлыкъсыз.
- Чомарт къолда мал къалмаз.
- Тил – миллетни джаны.
- Окъумагъан сокъурду, сокъур ташха абыныр!
- Накъырданы арты керти болур.
- Арба аугъандан сора, джол кёргюзтюучю кёб болур.
- Ёзденликни джайгъан – джокълукъ.
- Эркишини аманы тиширыуну джылатыр.
- Чыбыкълыкъда бюгюлмеген, къазыкълыкъда бюгюлмей эди.
- Сабийликде юретмесенг, уллу болса – тюзелмез.
- Аз айтсам, кёб ангылагъыз.
- Тенгни тенглиги джашай барсанг билинир.
- Берекет берсин деген джерде, берекет болур.
- Окъуу – билимни ачхычы, окъуу – дунияны бачхычы.
- Тойгъа алгъа да барма, тойда артха да къалма.
- Ишлерге уял да, ашаргъа табма.
Профиль
|
Katik
 Эльбрусоид
Cообщений: 6672
Баллов: 5337
Регистрация: 14.12.2011
Последний визит: 17.11.2025 22:47:15
|
|
||||||
|
|
|
||||||