Эльбрусоид :: Форум

Берекет берсин деген джерде, берекет болур.
Келинни – келгинчи, бёркню кийгинчи кёр.
Иги адамны бир сёзю эки болмаз.
Биреуню тёрюнден, кесинги эшик артынг игиди.
Аууздан келген, къолдан келсе, ким да патчах болур эди.
Сёз къанатсыз учар.
Джумушакъ терекни къурт ашар.
Алим болгъандан эсе, адам болгъан къыйынды.
Тилчиден кери бол.
Къыз келсе, джумуш эте келеди, къатын келсе, ушакъ эте келеди.
Келинин тута билмеген, къул этер, къызын тута билмеген, тул этер.
Намыс сатылыб алынмайды.
Къаллай салам берсенг, аллай джууаб алырса.
Таш ата билмеген, башына урур.
Тойгъандан сора, ашны сёкме.
Мухар, кеси тойса да, кёзю тоймаз.
Игини сыйлагъан адетди.
Хунаны тюбюн къазсанг, юсюнге ауар.
Къошда джокъгъа – юлюш джокъ.
Ачыкъ джюрекге джол – ачыкъ.
Юреннген ауруу къалмаз.
Айранны сюйген, ийнек тутар.
Кёзден кетген, кёлден да кетеди.
Ана къойну – балагъа джандет.
Ёнгкюч къууана барыр, джылай келир.
Эски джаугъа ышанма.
Джаш болсун, къыз болсун, акъылы, саны тюз болсун.
Тилчи тилден къаныкъмаз.
Джарлыны тону джаз битер.
Чакъырылмагъан джерге барма, чакъырылгъан джерден къалма.
Тешик этген тынчды, аны джамагъан къыйынды.
Накъырданы арты керти болур.
Джети тилни билген джети кишиди.
Зарда марда джокъ.
Эринчекни эр алмаз, эр алса да, кёл салмаз, кёл салса да, кёб бармаз!
Джогъун бар этген, барын бал этген.
Кийимни бичсенг, кенг бич, тар этген къыйын тюлдю.
Къатын къылыкъсыз, эр тынчлыкъсыз.
Сагъыш – къартлыкъгъа сюйюмчю.
Атадан ёксюз – бир ёксюз, анадан ёксюз – эки ёксюз.
Тойгъан антын унутур.
Бир онгсуз адам адет чыгъарды, деб эштирик тюлсе.
Адам боллукъ, атламындан белгили болур.
Кесине оноу эте билмеген, халкъына да эте билмез.
Тилчи бир сагъатха айлыкъ хата этер.
Джарашыу сюйген – джалынчакъ.
Кенгеш болса, уруш болмаз.
Ач, тоймам, дейди, тойгъан, ач болмам, дейди.
Айырылмаз джууугъунга, унутмаз сёзню айтма.
Иги адам абынса да, джангылмаз.

Логин:
Пароль:
	Запомнить меня на этом компьютере

Забыли свой пароль?
Регистрация