Эльбрусоид :: Форум

Кёб ант этген, кёб ётюрюк айтыр.
Эртде тургъан джылкъычыны эркек аты тай табар.
Сескекли кесин билдирир.
Эли джокъну – кёлю джокъ.
Билгенни къолу къарны джандырыр.
Терек ауса, отунчу – кёб.
Киштикге къанат битсе, чыпчыкъ къалмаз эди.
Юй кюйдю да, кюйюз чыкъды, ортасындан тюйюш чыкъды.
Къарыусузгъа кюлме, онгсузгъа тийме.
Чомарт къонакъ юй иесин сыйлар.
Игини сыйлагъан адетди.
Кёлю джокъну – джолу джокъ.
Къан бла кирген, джан бла чыгъар.
Сабыр джетер муратха, сабырсыз къалыр уятха.
Адам къыйынлыгъын кёлтюрюр, зауукълугъун кёлтюрмез.
Баш – акъыл ючюн, акъылман – халкъ ючюн.
Тешик этген тынчды, аны джамагъан къыйынды.
Тиширыусуз юй – отсуз от джагъа.
Акъдан къара болмаз.
Бозанг болмагъан джерге, къалагъынгы сукъма.
Акъыллы башны – тили къысха.
Эки къатын алгъан – эки ташны ортасына башын салгъан.
Эки итни арасына сюек атма, эки адамны арасында сёз чыгъарма.
Юреннген ауруу къалмаз.
Булут кёкге джарашыу, уят бетге джарашыу.
Джеринден айырылгъан – джети джылар, джуртундан айырылгъан – ёлгюнчю джылар.
Кимни – тили, тиши онглу, кимни – къолу, иши онглу.
Кёб джашагъан – кёб билир.
Сёз – кюмюш, джыр – алтын.
Аз сёлеш, кёб ишле.
Хар сёзню орну барды.
Иги адам абынса да, джангылмаз.
Накъырданы арты керти болур.
Берекет берсин деген джерде, берекет болур.
Аллахдан тилесенг, кёб тиле.
Байны къызы баймакъ болса да, юйде къалмаз!
Ёлюк кебинсиз къалмаз.
Таугъа чыгъаллыкъ эсенг, тюзде къалма.
Къарт бла баш аша, джаш бла аякъ аша.
Эки къатын алгъанны къулагъы тынгнгаймаз.
Къатыны харакетли болса, эри къымсыз болур.
Биреуню къыйынлыгъы бла кесинге джол ишлеме.
Татлы сёз – балдан татлы.
Адамны артындан къара сабан сюрме.
Нёгерсизни джолу узун.
Къозулугъунда тоймагъан, къойлугъунда тоймаз.
Ишге юренсин къоллары, халкъ бла болсун джоллары.
Тёзгеннге, джабылгъан эшик ачылыр.
Таш ата билмеген, башына урур.
Азыгъы аз, алгъа къабар, аты аман, алгъа чабар.

Логин:
Пароль:
	Запомнить меня на этом компьютере

Забыли свой пароль?
Регистрация