- Тин – байлыгъынг, терен саулугъунг.
- Хаухну атма, ёнгкючню сатма.
- Къазанда болса, чолпугъа чыгъар.
- Алгъанда – джууукъ, бергенде – джау.
- Аман адам элни бир-бирине джау этер.
- Кенгеш болса, уруш болмаз.
- Мадар болса, къадар болур.
- Къанны къан бла джуума, аманны аман бла къуума.
- Олтуруб кёрюнмей эди да, ёрге туруб кёрюне эди.
- Аш иеси бла татлыды.
- Эркишини аманы тиширыуну джылатыр.
- Эки къатын алгъанны къулагъы тынгнгаймаз.
- Юйюнг бла джау болгъандан эсе, элинг бла джау бол.
- Магъанасыз сёз – тауушсуз сыбызгъы.
- Ётюрюк хапар аякъ тюбю бла джюрюйдю.
- Айныгъанлы алты кюн, тогъайгъанлы тогъуз кюн.
- Баргъанынга кёре болур келгенинг.
- Джыгъылгъанны сырты джерден тоймаз.
- Ханнга да келеди хариблик.
- Тойгъан джерге джети къайт.
- Эки элинги тыйсанг, джети элде махталырса.
- Баш болса, бёрк табылыр.
- Биреу къой излей, биреу той излей.
- Адебни адебсизден юрен.
- Ёлюр джаннга, ёкюл джокъ.
- Джангыз торгъай джырламаз.
- Ашлыкъны арба юйге келтирир, чана базаргъа элтир.
- Ишге юренсин къоллары, халкъ бла болсун джоллары.
- Элге къуллукъ этмеген, элге ие болмаз.
- Ата Джуртун танымагъан, атасын да танымаз.
- Тойгъанлыкъ къойгъа джарашады.
- Эринчекни аурууу – кёб.
- Ёгюзню мюйюзлери ауурлукъ этмейдиле.
- Ач да бол, токъ да бол – намысынга бек бол.
- Эл тойса, тоймагъан, эл къойса, къоймагъан.
- Аллахха ийнаннган кишини, Аллах онгдурур ишин.
- Билимден уллу байлыкъ джокъду.
- Ойнай билмеген, оюн бузар.
- Кёз – сюйген джерде, къол – ауругъан джерде.
- Кёзден кетген, кёлден да кетеди.
- Аш берме да, къаш бер.
- Насыб бютеу халкъны юлюшюдю.
- Адамны бетине къарама, адетине къара.
- Бет бетге къараса, бет да джерге къарар.
- Къаллай салам берсенг, аллай джууаб алырса.
- Тулпарлыкъ, билекден тюл – джюрекден.
- Джюрекден джюрекге джол барды.
- Къралынгы – душмандан, башынгы от бла суудан сакъла.
- Накъырда – кертини келечиси.
- Джолунга кёре – джюрюшюнг, джагъанга кёре – юлюшюнг.
Профиль
|
|
|
|||