Эльбрусоид :: Форум

Иги сеники эсе да, сюйген кесимикин этеме.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Сормай – алма, чакъырылмай – барма.
Келинин тута билмеген, къул этер, къызын тута билмеген, тул этер.
Айтханы чапыракъдан ётмеген.
Чакъырылгъанны аты, чакъырылмагъанны багъасы болур.
Адамны бетине къарама, адетине къара.
Таукел адам тау тешер.
Ётюрюкчюню шагъаты – къатында.
Ашха уста, юйюнде болсун
Джетген къыз джерли эшекни танымаз.
Аманны къуугъан, аманлыкъ табар.
Дуния аламаты сен эсенг да, игиме деб айтма.
Акъыл аздырмаз, билим тоздурмаз.
Кенгеш болса, уруш болмаз.
Джуртун къоругъан озар.
Aдам боллукъ, сыфатындан белгили.
Ишге юренсин къоллары, халкъ бла болсун джоллары.
Къонакъ аз олтурур, кёб сынар.
Окъуусуз билим – джокъ, билимсиз кюнюнг – джокъ.
Эски джаугъа ышанма.
Бермеген къол, алмайды.
Къонагъынгы артмагъын алма да, алгъышын ал.
Къонакъ аман болса, къонакъбай джунчур
Алтыннга тот къонмаз.
Джаш къарыу бла кючлю, къарт акъыл бла кючлю.
Сакъалы текени да бар, мыйыгъы киштикни да бар.
Тилчи тилден къаныкъмаз.
Къан бла кирген, джан бла чыгъар.
Ишлегенде эринме, ишде чолакъ кёрюнме.
Аякъларынгы джууургъанынга кёре узат.
Аманнга алтын чыдамаз.
Тойну къарнашы – харс, джырны къарнашы – эжиу.
Мухардан ач ычхынмаз.
Байлыкъ болгъан джерде, тынчлыкъ джокъду.
Ачлыкъ отха секиртир.
Ачлыкъда тары гырджын халыуадан татлы.
Ашлыкъ – бюртюкден, джюн – тюкден.
Ана кёлю – балада, бала кёлю – талада.
Сагъыш – къартлыкъгъа сюйюмчю.
Мухар, кеси тойса да, кёзю тоймаз.
Ашхылыкъ джерде джатмайды, аманлыкъ суугъа батмайды.
Адамны аты башхача, акъылы да башхады.
Келгинчи, къонакъ уялыр, келгенден сора, къонакъбай уялыр.
Акъдан къара болмаз.
Мухарны эси – ашарыкъда.
Юре билмеген ит, къонакъ келтирир.
Юйюнгден чыкъдынг – кюнюнгден чыкъдынг.
Хантына кёре тузу, юйюне кёре къызы.
Мураты болгъанны джюрек тебюую башхады.

Логин:
Пароль:
	Запомнить меня на этом компьютере

Забыли свой пароль?
Регистрация