Эльбрусоид :: Форум

Уллу сёлешме да, уллу къаб.
Ойнаб айтсанг да, эслеб айт.
Джылыгъа джылан илешир.
Чомарт джарлы болмаз.
Хар ишни да аллы къыйынды.
Шайтан алдады, тюзлюк къаргъады.
Бетинги сатма, малынгы сат.
Бермеген къол, алмайды.
Къыз чыгъаргъан – къызыл къымжа.
Кесине гебен этелмеген, биреуге черен эте эди.
Ариу – кёзге, акъыл – джюрекге.
Ашхылыкъ джерде джатмайды, аманлыкъ суугъа батмайды.
Атлыны кёрсе, джаяуну буту талыр.
Айтылгъан сёз ызына къайтмаз.
Келлик заман – къартлыкъ келтирир, кетген заман – джашлыкъ ёлтюрюр.
Ариу джол аджал келтирмез.
Джарлыны эшигин махтагъан джабар.
Хоншуну тауугъу къаз кёрюнюр, келини къыз кёрюнюр.
Сютден ауузу кюйген, суугъа юфгюре эди.
Къыйынлы джети элге оноу этер.
Къолунгдан къуймакъ ашатсанг да, атаны борчундан къутулмазса.
Къонакъ кёб келюучю юйню, къазаны отдан тюшмез.
Окъумагъан сокъурду, сокъур ташха абыныр!
Чакъырылгъанны аты, чакъырылмагъанны багъасы болур.
Кютгени беш эчки, сызгъыргъаны уа, джерни джарады.
Аманнга да, игиге да оноусуз къатышма.
Юй ишлеген балта эшикде къалыр.
Нарт сёз – тилни бети.
Накъырда – кертини келечиси.
Эринчекни аурууу – кёб.
Аманны тукъумуна къарама, игини тукъумун сорма.
Элни кючю – эмеген.
Эл ауузу – элия.
Келгинчи, къонакъ уялыр, келгенден сора, къонакъбай уялыр.
Арпа, будай – ащды, алтын, кюмюш а – ташды.
Байлыкъ тауусулур, билим тауусулмаз.
Байлыкъ келсе, акъыл кетер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джангызны оту джарыкъ джанмаз!
Ариуну – ауруу кёб.
Джырчы джырчыгъа – къарнаш.
Къаллай салам берсенг, аллай джууаб алырса.
Зар адамны насыбы болмаз.
Чабакъгъа акъыл, табагъа тюшсе келеди.
Джауумдан сора, кюн кюйдюрюр, ётюрюкден сора, айыб кюйдюрюр.
Ишленмеклик адамлыкъды.
Ауузу бла къуш тута айланады.
Тулпарлыкъ, билекден тюл – джюрекден.
Чакъырылмагъан къонакъ – орунсуз.
Байлыкъ болгъан джерде, тынчлыкъ джокъду.

Логин:
Пароль:
	Запомнить меня на этом компьютере

Забыли свой пароль?
Регистрация