Эльбрусоид :: Форум

Мал кёб болса, джууукъ кёб болур.
Кёб джашагъан – кёб билир.
Эринчекни аурууу – кёб.
Джылкъыдан – ат чыгъар, тукъумдан – джаш чыгъар.
Бёрю да ач къалмасын, эчки да ашалмасын.
Чакъырылмагъан джерге барма, чакъырылгъан джерден къалма.
Акъыллы башны – тили къысха.
Дуния малгъа сатылма, кесингден телиге къатылма.
Мухар, кеси тойса да, кёзю тоймаз.
Тёзген – тёш ашар!
Аманнга да, игиге да оноусуз къатышма.
Бети – къучакълар, джюреги – бычакълар.
Соргъан айыб тюлдю, билмеген айыбды.
Иги адам абынса да, джангылмаз.
Кийиминг бла танылма, адамлыкъ бла таныл.
Сыфатында болмагъаны, суратында болмаз.
Байдан умут эте, джарлыдан ёгюз багъасы къорады.
Билим насыб берир, билим джолну керир.
Джахил болса анасы, не билликди баласы?
Кимни – тили, тиши онглу, кимни – къолу, иши онглу.
Ёлген аслан – сау чычхан.
Башы джабылгъан челекге, кир тюшмез.
Азыгъы аз, алгъа къабар, аты аман, алгъа чабар.
Къызны минг тилер, бир алыр.
Кёзню ачылгъаны – иги, ауузну джабылгъаны – иги.
Ач да бол, токъ да бол – намысынга бек бол.
Тик ёргени, тик энгишгеси да болады.
Мал тутхан – май джалар.
Кёбге таш атма.
Ана кёлю – балада, бала кёлю – талада.
Джарлы эскисин джамаса, къууаныр.
Тенгинг джокъ эсе – изле, бар эсе – сакъла!
Окъ къызбайны джокълайды.
Чабакъ башындан чирийди.
Магъанасыз сёз – тауушсуз сыбызгъы.
Къыз тиширыу кеси юйюнде да къонакъды.
Гугук кесини атын айтыб къычыргъанча, мен, мен деб нек тураса?
Къызын тута билмеген, тул этер, джашын тута билмеген, къул этер.
Чомарт къонакъ юй иесин сыйлар.
Ата Джуртча джер болмаз, туугъан элча эл болмаз.
Сабий болмагъан джерде, мёлек болмаз.
Къая джолда джортма, ачыкъ сёзден къоркъма.
Аджаллыгъа окъсуз шкок атылыр.
Эки итни арасына сюек атма, эки адамны арасында сёз чыгъарма.
Акъыллы – эл иеси, тели – эл баласы.
Джангыз терек къынгыр ёсер.
Борчунг бар эсе, хурджунунга ойлаб узал.
Аллахдан тилесенг, кёб тиле.
Эркишини аманы тиширыуну джылатыр.
Огъурлуну сёзю – суу, огъурсузну сёзю – уу.

Логин:
Пароль:
	Запомнить меня на этом компьютере

Забыли свой пароль?
Регистрация