Эльбрусоид :: Форум

Ётген ёмюр – акъгъан суу.
От этилмеген джерден тютюн чыкъмайды.
Акъыл неден да кючлюдю.
Чомартха Тейри да борчлуду.
Тенгни тенглиги джашай барсанг билинир.
Кёб ант этген, кёб ётюрюк айтыр.
Ашлыкъны арба юйге келтирир, чана базаргъа элтир.
Аз сёлешген, къайгъысыз турур.
Ашыкъгъанны этеги бутуна чырмалыр.
Кийиминг бла танылма, адамлыкъ бла таныл.
Уруну арты – къуру.
Арба аугъандан сора, джол кёргюзтюучю кёб болур.
Эл ауузу – элия.
Татлы сёз – балдан татлы.
Къанны къан бла джуума, аманны аман бла къуума.
Таукел адам тау тешер.
Садакъачыны джаны – къапчыгъында.
Башы джабылгъан челекге, кир тюшмез.
Акъыл сабырлыкъ берир.
Эки къатын алгъанны къулагъы тынгнгаймаз.
Айтхан сёзюне табылгъан.
Таугъа чыгъаллыкъ эсенг, тюзде къалма.
Таукел къуру къалмаз.
Насыблы элин сюер, насыбсыз кесин сюер.
Биреу къой излей, биреу той излей.
Аман адамны тепсинге олтуртсанг, къызынгы тилер.
Минг тенг да азды, бир джау да кёбдю.
Ауругъаннга – кийик саулукъ, джетген къызгъа – чилле джаулукъ.
Адебни адебсизден юрен.
Къазанчы аман болса, къазаны къайнамаз.
Иги джашны ышаны – аз сёлешиб, кёб тынгылар.
Хаухну атма, ёнгкючню сатма.
Рысхысына кёре, джаш ёсер, къышлыгъына кёре, мал ёсер.
Этек чакъмакълары баш джаргъан, сёлешген сёзлери таш джаргъан.
Тили узунну, намысы – къысха.
Азыгъы аз, алгъа къабар, аты аман, алгъа чабар.
Байдан умут эте, джарлыдан ёгюз багъасы къорады.
Къайтырыкъ эшигинги, къаты уруб чыкъма.
Ауурну тюбю бла, дженгилни башы бла джюрюген.
Артына баргъанны, къатына барма.
Мухардан ач ычхынмаз.
Джашны джигитлиги сорулур, къызны джигерлиги сорулур.
Къарын къуру болса, джюрек уру болур.
Ёгюзню мюйюзюнден тутадыла, адамны сёзюнден тутадыла.
Кёб джашагъан – кёб билир.
Билген билмегенни юретген адетди.
Сууда джау джокъ, кёб сёзде магъана джокъ.
Ашхы – джыяр, аман – джояр.
Аман эсирсе, юйюн ояр.
Къайгъыны сюйген, къайгъы табар.

Логин:
Пароль:
	Запомнить меня на этом компьютере

Забыли свой пароль?
Регистрация