- Чёбню кёлтюрсенг, тюбюнден сёз чыгъар.
- Юреннген ауруу къалмаз.
- Уллу сёлешме да, уллу къаб.
- Байлыкъ келсе, акъыл кетер.
- Ариу – кёзге, акъыл – джюрекге.
- Аджаллыгъа окъсуз шкок атылыр.
- Бек ашыкъгъан меннге джетсин, дегенди аракъы.
- Кёзю сокъурдан – къоркъма, кёлю сокъурдан – къоркъ.
- Ата Джуртуму башы болмасам да, босагъасында ташы болайым.
- Аз сёлешген, къайгъысыз турур.
- Ана къойну – балагъа джандет.
- Сормай – алма, чакъырылмай – барма.
- Билим ат болуб да чабар, къуш болуб да учар.
- Эллинг бла джау болсанг да, юйюнг бла джау болма.
- Аджалсыз ёлюм болмаз.
- Билмезни кёзю кёрмез, этмезни къулагъы эшитмез.
- Адамны сыфатына къарама, сёзюне къара.
- Бал ашаргъа сюе эсенг, чибин ургъаннга тёз.
- Джюз элде джюз ёгюзюм болгъандан эсе, джюз джууугъум болсун.
- Аманны къуугъан, аманлыкъ табар.
- Уллу къашыкъ эрин джыртар.
- Кёб джашагъан – кёб билир.
- Ана кёлю – балада, бала кёлю – талада.
- Кёзюнде тереги болгъан, чёбю болгъаннга кюле эди.
- Гугурук къычырмаса да, тангны атары къалмаз.
- Бет бетге къараса, бет да джерге къарар.
- Эрине къаргъыш этген къатын, эрнин къабар.
- Байлыкъ болгъан джерде, тынчлыкъ джокъду.
- Къая джолда джортма, ачыкъ сёзден къоркъма.
- Ишни аллы бла къууанма да, арты бла къууан.
- Эл тойса, тоймагъан, эл къойса, къоймагъан.
- Адамны аманы адамны бети бла ойнар.
- Киштикге къанат битсе, чыпчыкъ къалмаз эди.
- Берекет берсин деген джерде, берекет болур.
- Ойнаб айтсанг да, эслеб айт.
- Малны кют, джерни тюрт.
- Сютню башын джалагъан къутулур, тюбюн ичген тутулур.
- Ариу сёз аурууунгу алыр.
- Къобан да къуру да къобханлай турмайды, адам да къуру да патчахлай турмайды.
- Биреу къой излей, биреу той излей.
- Башы джабылгъан челекге, кир тюшмез.
- Атлыны кёрсе, джаяуну буту талыр.
- Хазыр ашха – терен къашыкъ.
- Адамны аты башхача, акъылы да башхады.
- Ач къарным, тынч къулагъым.
- Кёб джат да, бек чаб.
- Керти сёзге тёре джокъ.
- Уллу атлама – абынырса, уллу къабма – къарылырса.
- Ичимден чыкъды хата, къайры барайым сата?
- Кёз – сюйген джерде, къол – ауругъан джерде.
Профиль
|
|
|
|||