- Кютгени беш эчки, сызгъыргъаны уа, джерни джарады.
- Бастасын ашагъан, хантусун да ичер.
- Сабий болмагъан джерде, мёлек болмаз.
- Къралынгы – душмандан, башынгы от бла суудан сакъла.
- Сангырау къулакъ эл бузар.
- Ётюрюк хапар аякъ тюбю бла джюрюйдю.
- Кесине оноу эте билмеген, халкъына да эте билмез.
- Сагъыш – къартлыкъгъа сюйюмчю.
- Ариуну – ауруу кёб.
- Джан саулукъ бермей, сан саулукъ бермезсе.
- Уллу къазанда бишген эт, чий къалмаз.
- Абынмазлыкъ аякъ джокъ, джангылмазлыкъ джаякъ джокъ.
- Ата Джуртуму башы болмасам да, босагъасында ташы болайым.
- Ауузу бла къуш тута айланады.
- Олтуруб кёрюнмей эди да, ёрге туруб кёрюне эди.
- Сакъ юйюне сау барыр.
- Нафысынгы айтханын этме, намысынгы айтханын эт.
- Азыгъы аз, алгъа къабар, аты аман, алгъа чабар.
- Терслик кетер, тюзлюк джетер.
- Душманны тышы – акъ, ичи – къара.
- Кёбден умут этиб, аздан къуру къалма.
- Уллу атлама – абынырса, уллу къабма – къарылырса.
- Накъырданы арты керти болур.
- Керилген да, ургъан кибикди.
- Айтхан – тынч, этген – къыйын.
- Хар ишни да аллы къыйынды.
- Тюкюрюк баш джармаз, налат кёз чыгъармаз!
- Киштикге къанат битсе, чыпчыкъ къалмаз эди.
- Байма, деб да, къууанма, джарлыма, деб да, джылама.
- Тёгюлген тюгел джыйылмайды.
- Атынг аманнга чыкъгъандан эсе, джанынг тамагъынгдан чыкъсын.
- Тюзлюк шохлукъну бегитир.
- Халкъны юйю – туугъан джери.
- Суу кетер, таш къалыр.
- Орну джокъну – сыйы джокъ.
- Ётюрюкден тюбю джокъ, кёлтюрюрге джиби джокъ.
- Биреу къой излей, биреу той излей.
- Миллетни бойну – базыкъ, аны бла кюрешген – джазыкъ.
- Суугъа – таянма, джаугъа – ийнанма.
- Ач да бол, токъ да бол – намысынга бек бол.
- Сабийни джумушха джибер да, ызындан бар.
- Джумушакъ сёз къаты таякъны сындырыр.
- Кюн кёрмеген, кюн кёрсе, кюндюз чыракъ джандырыр.
- Суу ичген шауданынга тюкюрме.
- Юйюнгден чыкъдынг – кюнюнгден чыкъдынг.
- Керек ташны ауурлугъу джокъ.
- Ишлегенде эринме, ишде чолакъ кёрюнме.
- Акъыл бла адеб эгизледиле.
- Аз сёлеш, кёб ишле.
- Байлыкъ адамны сокъур этер.
Профиль
|
|
|
|||