- Нарт сёз къарт болмаз.
- Къартны сыйын кёрмеген, къартлыгъында сыйлы болмаз.
- Сёз – кюмюш, джыр – алтын.
- Игиге айтсанг – билир, аманнга айтсанг – кюлюр.
- Тил джюрекге джол ишлейди.
- Эл элде бирер малынг болгъандан эсе, бирер тенгинг болсун.
- Къыйынлы джети элге оноу этер.
- Чыбыкълыкъда бюгюлмеген, къазыкълыкъда бюгюлмей эди.
- Ач, тоймам, дейди, тойгъан, ач болмам, дейди.
- Юй кюйдю да, кюйюз чыкъды, ортасындан тюйюш чыкъды.
- Суугъа – таянма, джаугъа – ийнанма.
- Эшекге миннген – биринчи айыб, андан джыгъылгъан – экинчи айыб.
- Акъыл бла адеб эгизледиле.
- Джарлы джети элни сёзюн этер.
- Джаз бир кюнню джатсанг, къыш талай кюнню абынырса.
- Ашатыргъа иш – ашхы, ишлетирге аш – ашхы.
- Сёз къанатсыз учар.
- Айраннга суу къош, телиге джол бош.
- Кютгени беш эчки, сызгъыргъаны уа, джерни джарады.
- Тенги кёбню джау алмаз, акъылы кёбню дау алмаз.
- Акъдан къара болмаз.
- Ашда уялгъан – мухар, ишде уялгъан – хомух.
- Ишге юренсин къоллары, халкъ бла болсун джоллары.
- Тёзген – тёш ашар!
- Термилгенинги табмазса, кюлгенинге тюберсе.
- Терек ауса, отунчу – кёб.
- Джогъун бар этген, барын бал этген.
- Аман хансны – урлугъу кёб.
- Кёбню кёрген – кёб билир.
- Садакъачыны джаны – къапчыгъында.
- Джаш болсун, къыз болсун, акъылы, саны тюз болсун.
- Тас болгъан бычакъны сабы – алтын.
- Къонагъынгы артмагъын алма да, алгъышын ал.
- Булут кёкге джарашыу, уят бетге джарашыу.
- Тилсиз миллет джокъ болур.
- Адебсиз адам – джюгенсиз ат.
- Агъач – джерни чырайы, кийим – эрни чырайы.
- Атлыны ашхысы, ат тизгининден билинир
- Тюкюрюк баш джармаз, налат кёз чыгъармаз!
- Ач уят къоймаз.
- Тенгинг джокъ эсе – изле, бар эсе – сакъла!
- Аман эсирсе, юйюн ояр.
- Билим насыб берир, билим джолну керир.
- Ана къолу ачытмаз.
- Сибиртки да сыйлы болду, кюрек да кюнлю болду.
- Ёксюзню тилеги къабыл болур.
- Айран тёгюлсе, джугъусу къалыр.
- Ариу сёз – джаннга азыкъ, аман сёз – башха къазыкъ.
- Чакъырылгъанны аты, чакъырылмагъанны багъасы болур.
- Акъыл неден да кючлюдю.
Профиль
|
|
|
|||