- Бал чибинни ургъаны – ачы, балы – татлы.
- Итли къонакъ джарашмаз.
- Аш берме да, къаш бер.
- Байдан умут эте, джарлыдан ёгюз багъасы къорады.
- Кесине оноу эте билмеген, халкъына да эте билмез.
- Ишни аллы бла къууанма да, арты бла къууан.
- Кенгеш болса, уруш болмаз.
- Ким бла джюрюсенг, аны кёзю бла кёрюнюрсе.
- Къонакъ болсанг, ийнакъ бол.
- Аш кетер да бет къалыр.
- Джарлы эскисин джамаса, къууаныр.
- Онгсузну – джакъла, тенгликни – сакъла.
- Тилчи бир сагъатха айлыкъ хата этер.
- Ётюрюк хапар аякъ тюбю бла джюрюйдю.
- Тюзню ётмеги тюзде къалса да, тас болмаз.
- Минг тенг да азды, бир джау да кёбдю.
- Бети – къучакълар, джюреги – бычакълар.
- Ата джурт – алтын бешик.
- Бетинги сатма, малынгы сат.
- Керти сёзге тёре джокъ.
- Аман хансны – урлугъу кёб.
- Башы джабылгъан челекге, кир тюшмез.
- Эр абынмай, эл танымаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къонакъ аман болса, къонакъбай джунчур
- Нарт сёз къарт болмаз.
- Къатын байлыкъны сюер, эр саулукъну сюер.
- Адебни адебсизден юрен.
- Айранын берсенг, челегин да къызгъанма.
- Аман киши кеси юйюнде – къонакъ.
- Бёрю да ач къалмасын, эчки да ашалмасын.
- Тешигини къатында, чычхан да батыр болур.
- Джюз элде джюз ёгюзюм болгъандан эсе, джюз джууугъум болсун.
- Аякъларынгы джууургъанынга кёре узат.
- Алим болгъандан эсе, адам болгъан къыйынды.
- Ашхылыкъ джерде джатмайды, аманлыкъ суугъа батмайды.
- Кийимни бичсенг, кенг бич, тар этген къыйын тюлдю.
- Этни да ашады, бетни да ашады.
- Джангызны оту джарыкъ джанмаз!
- Туз, гырджын аша, тюзлюк бла джаша.
- Бек анасы джыламаз.
- Окъдан джара эртде-кеч болса да бителир, сёз джара, ёмюрге къалыр.
- Аууздан келген, къолдан келсе, ким да патчах болур эди.
- Аман адам этегингден тутса, кес да къач.
- Ханы къызы буюгъа-буюгъа киштик болду.
- Юре билмеген ит, къонакъ келтирир.
- Ариу сёз аурууунгу алыр.
- Кесинг сынамагъан затны, адамгъа буюрма.
- Аманнга алтын чыдамаз.
- Ётюрюкню къуйругъу – бир тутум.
Профиль
|
|
|
|||