- Ишни ахырын ойламай, аллын башлама.
- Тюзню ётмеги тюзде къалса да, тас болмаз.
- Адамны бетине къарама, адетине къара.
- Телиге акъыл салгъандан эсе, ёлгеннге джан салырса.
- Билеги кючлю, бирни джыгъар, билими кючлю, мингни джыгъар.
- Ёгюзню мюйюзюнден тутадыла, адамны сёзюнден тутадыла.
- Келинни – келгинчи, бёркню кийгинчи кёр.
- Таукелге нюр джауар.
- Азыгъы аз, алгъа къабар, аты аман, алгъа чабар.
- Ауругъанны сау билмез, ач къарынны токъ билмез.
- Юйлю уругъа ит чабмаз.
- Эркиши – от, тиширыу – суу.
- Чабакъгъа акъыл, табагъа тюшсе келеди.
- Ата – билек, ана – джюрек!
- Ачлыкъда тары гырджын халыуадан татлы.
- Эски джаугъа ышанма.
- Ач, тоймам, дейди, тойгъан, ач болмам, дейди.
- Адамны адамлыгъы къыйынлыкъда айгъакъланады.
- Термилгенинги табмазса, кюлгенинге тюберсе.
- Нарт сёз къарт болмаз.
- Чоюнну башы ачыкъ болса, итге уят керекди.
- Къыз келсе, джумуш эте келеди, къатын келсе, ушакъ эте келеди.
- Эркишиге тары кебек танг кёрюнюр.
- Къонакъны къачан кетерин сорма, къачан келлигин сор.
- Тешик этген тынчды, аны джамагъан къыйынды.
- Къызны минг тилер, бир алыр.
- Къулакъдан эсе, кёзге ышан.
- Адамны аты башхача, акъылы да башхады.
- Рысхы джалгъанды: келген да этер, кетген да этер.
- Ашаса, ашамаса да, бёрюню ауузу – къан.
- Кёбню кёрген – кёб билир.
- Къарыусузгъа кюлме, онгсузгъа тийме.
- Къарнынг тойгъунчу аша да, белинг талгъынчы ишле.
- Хантына кёре тузу, юйюне кёре къызы.
- Джиби бир къат джетмей эди да, эки къат тарта эди.
- Айтылгъан сёз ызына къайтмаз.
- Дуния аламаты сен эсенг да, игиме деб айтма.
- Адеби болмагъан къыз – тузсуз хант.
- Ушамагъан – джукъмаз.
- Чакъырылмагъан къонакъ тёрге атламаз.
- Окъумагъан сокъурду, сокъур ташха абыныр!
- Алма терегинден кери кетмез.
- Мухарны эси – ашарыкъда.
- Юре билмеген ит, къонакъ келтирир.
- Акъдан къара болмаз.
- Адамны артындан къара сабан сюрме.
- Дженгил джетерикме деб, узун джолну къоюб, къысхасын барма.
- Ёлюр джаннга, ёкюл джокъ.
- Ауузу аманнга «иги», деме.
- Ана – юйню кюн джарыгъы.
Профиль
|
|
|
|||