- Эртде тургъан джылкъычыны эркек аты тай табар.
- Адам сёзге тынгыла, акъыл сёзню ангыла.
- Итли къонакъ джарашмаз.
- Чабакъсыз кёлге къармакъ салгъанлыкъгъа, чабакъ тутмазса.
- Билим къая тешер.
- Махтаннган къыз, тойда джукълар.
- «Ма», - дегенни билмесенг, «бер», - дегенни билмезсе.
- Юй ишлеген балта эшикде къалыр.
- Айырылгъанланы айю ашар, бёлюннгенлени бёрю ашар.
- Нёгер болсанг, тенг бол, тенг болмасанг, кенг бол.
- Аджал соруб келмез, келсе, къайтыб кетмез.
- Джигер – джаннга къыйынлыкъ.
- Къазанда болса, чолпугъа чыгъар.
- Аджашханны ызындагъы кёреди, джангылгъанны джанындагъы биледи.
- Башсыз урчукъ тюзюне айланмаз.
- Кёзюнде тереги болгъан, чёбю болгъаннга кюле эди.
- Бюгюн дуния кибик, тамбла ахыратды.
- Этни да ашады, бетни да ашады.
- Болджал ишни бёрю ашар.
- Керилген да, ургъан кибикди.
- Ачлыкъда тары гырджын халыуадан татлы.
- Аууздан келген, къолдан келсе, ким да патчах болур эди.
- Сибиртки да сыйлы болду, кюрек да кюнлю болду.
- Ургъан суудан башынгы сакъла.
- Тюз сёз баргъан сууну тыяр.
- Джаз бир кюнню джатсанг, къыш талай кюнню абынырса.
- Джюрек кёзден алгъа кёрюр.
- Ёксюзню къалачы уллу кёрюнюр.
- Аш берме да, къаш бер.
- Кюл тюбюндеги от кёрюнмейди.
- Чакъырылмагъан къонакъ тёрге атламаз.
- Адамны адамлыгъы къыйынлыкъда айгъакъланады.
- Ариу сёзде ауруу джокъ.
- Агъач – джерни чырайы, кийим – эрни чырайы.
- Уясында не кёрсе, учханында аны этер.
- Атлыны кёрсе, джаяуну буту талыр.
- Кёб ант этген, кёб ётюрюк айтыр.
- Джогъун бар этген, барын бал этген.
- Эри аманны, къатыны – аман.
- Киштикге къанат битсе, чыпчыкъ къалмаз эди.
- Эл тойса, тоймагъан, эл къойса, къоймагъан.
- Арыгъан къош чамчы болур.
- Телини эшигин, махтау джабар.
- Джетген къыз джерли эшекни танымаз.
- Ишлегенде эринме, ишде чолакъ кёрюнме.
- Иши джокъну, сыйы джокъ.
- Ёгюзню мюйюзюнден тутадыла, адамны сёзюнден тутадыла.
- Адеби болмагъан къыз – тузсуз хант.
- Кёб къычыргъандан – къоркъма, тынч олтургъандан – къоркъ.
- Тюкюрюк баш джармаз, налат кёз чыгъармаз!
Профиль
|
|
|
|||