Эльбрусоид :: Форум

Кёбге таш атма.
Рысхы – сют юсюнде кёмюк кибикди.
Ашыкъгъанны этеги бутуна чырмалыр.
Кийимни бир кюнню аясанг, минг кюннге джарар.
Джарлыны тону джаз битер.
Сёз сёзню айтдырыр.
Чакъырылмагъан къонакъ къачан кетерин сормаз.
Джарлы эскисин джамаса, къууаныр.
Чабар ат – джетген къыз.
Окъуу – билимни ачхычы, окъуу – дунияны бачхычы.
Уллу къашыкъ эрин джыртар.
Ёнгкюч къууана барыр, джылай келир.
Айырылмаз джууугъунга, унутмаз сёзню айтма.
Ач уят къоймаз.
Кийиминг бла танылма, адамлыкъ бла таныл.
Терслик кетер, тюзлюк джетер.
Бек ашыкъгъан меннге джетсин, дегенди аракъы.
Тил – миллетни джаны.
Иесиз малны бёрю ашар.
Босагъа таш юйге кирмей эди, тыбыр таш эшикге чыкъмай эди.
Гырджын – тепсини тамадасы.
Адамгъа аман кюн соруб келмейди.
Киштикге къанат битсе, чыпчыкъ къалмаз эди.
Билим – акъылны чырагъы.
Ёксюзню къалачы уллу кёрюнюр.
Ашда уялгъан – мухар, ишде уялгъан – хомух.
Сормай – алма, чакъырылмай – барма.
Тёрдеги кюлсе, эшикдеги ышарыр.
Адамны артындан къара сабан сюрме.
Ишни аллы бла къууанма да, арты бла къууан.
Мени джылытмагъан кюн, меннге тиймесин!
Телиге от эт десенг, юйюнге от салыр.
Башланнган иш битер, къымылдагъан тиш тюшер.
Джиби бир къат джетмей эди да, эки къат тарта эди.
Ата – баланы уясы.
Аман къатын алгъан, арыр, иги къатын алгъан джарыр.
Ана – юйню кюн джарыгъы.
Огъурлуну сёзю – суу, огъурсузну сёзю – уу.
Этни бети бла шорпасы.
Иги сёз – джаннга азыкъ, аман сёз башха – къазыкъ.
Къыз тиширыу кеси юйюнде да къонакъды.
Тилде сюек болмаса да, сюек сындырыр.
Къызгъанчдан ычхыныр, мухардан ычхынмаз.
Тыш элде солтан болгъандан эсе, кесинги элде олтан болгъан игиди!
Джангызны оту джарыкъ джанмаз!
Илму – джашауну джолу.
Ёлюк кебинсиз къалмаз.
Экеулен сёлеше тура эселе, орталарына барыб кирме.
Къонакъ аз олтурур, кёб сынар.
Иги бла джюрюсенг, джетерсе муратынга, аман бла джюрюсенг, къалырса уятха.

Логин:
Пароль:
	Запомнить меня на этом компьютере

Забыли свой пароль?
Регистрация