Эльбрусоид :: Форум :: Гошаях бийче

Узун джолну барсанг, бюгюн келирсе, къысха джолну барсанг, тамбла келирсе.
Ёксюзню къалачы уллу кёрюнюр.
Ата – билек, ана – джюрек!
Гитче джилтин уллу элни джандырыр.
Чомарт бергенин айтмаз.
Кесине оноу эте билмеген, халкъына да эте билмез.
Тойгъа барсанг, тоюб бар, эски тонунгу къоюб бар.
Бетинги сатма, малынгы сат.
Аджаллыгъа окъсуз шкок атылыр.
Ичимден чыкъды хата, къайры барайым сата?
Къозулугъунда тоймагъан, къойлугъунда тоймаз.
Хата – гитчеден.
Эртде тургъан бла эртде юйленнген сокъуранмаз.
Джарлыны тону джаз битер.
Иги адам абынса да, джангылмаз.
Тамырсыз терекге таянма – джыгъылырса.
Чомартны къолун джокълукъ байлар.
Ёлюк кебинсиз къалмаз.
Баргъанынга кёре болур келгенинг.
Халкъгъа джарагъан, джарлы къалмаз.
Чомартха хар кюн да байрамды.
Ариу – кёзге, акъыл – джюрекге.
Таула не мийик болсала да, аууш табылыр.
Сууда джау джокъ, кёб сёзде магъана джокъ.
Джарлы джети элни сёзюн этер.
Юре билмеген ит, къонакъ келтирир.
Махтаннган къыз, тойда джукълар.
Эринчекни эр алмаз, эр алса да, кёл салмаз, кёл салса да, кёб бармаз!
Уллу айтханны этмеген – уллаймаз.
Айыбны суу бла джууалмазса.
Айныгъанлы алты кюн, тогъайгъанлы тогъуз кюн.
Джашлыкъ этмеген, башлыкъ этмез.
Намыс болмагъан джерде, насыб болмаз.
Ауругъанны сау билмез, ач къарынны токъ билмез.
Аз айтсам, кёб ангылагъыз.
Баш – акъыл ючюн, акъылман – халкъ ючюн.
Рысхы – насыбха къор.
Ишлегенден, къарагъан уста.
Сабийни джумушха джибер да, ызындан бар.
Кюл тюбюндеги от кёрюнмейди.
Ач келгенни – тойдур, кеч келгенни – къондур.
Хар зат кесини орнуна иги.
Ана къолу ачытмаз.
Аман къатын сабий табса, бий болур…
Адам боллукъ, атламындан белгили болур.
Ёзденликни кёбю ётюрюк.
Тюзлюк тас болмайды.
Адамны сыфатына къарама, сёзюне къара.
Джауумдан сора, кюн кюйдюрюр, ётюрюкден сора, айыб кюйдюрюр.
Аманны къуугъан, аманлыкъ табар.

Логин:
Пароль:
	Запомнить меня на этом компьютере

Забыли свой пароль?
Регистрация