Эльбрусоид :: Форум

Аманны эки битли тону болур, бирин сеннге кийдирир, бирин кеси киер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Юйюнгден чыкъдынг – кюнюнгден чыкъдынг.
Хоншуну тауугъу къаз кёрюнюр, келини къыз кёрюнюр.
Аш берме да, къаш бер.
Иги джашны ышаны – аз сёлешиб, кёб тынгылар.
Иги болса, тамадама – махтау, аман болса, меннге – айыб.
Кёзю сокъурдан – къоркъма, кёлю сокъурдан – къоркъ.
Джангызны оту джарыкъ джанмаз!
Азыгъы аз, алгъа къабар, аты аман, алгъа чабар.
Иги сёз – джаннга азыкъ, аман сёз башха – къазыкъ.
Эл ауузу – элия.
Чалманны аллы къалай башланса, арты да алай барады.
Таш ата билмеген, башына урур.
Аурууну келиую тынч, кетиую – къыйын.
Адеб базарда сатылмаз.
Къарнынг ауруса, ауузунгу тый
Эшекни не къадар тюйсенг да, ат болмаз.
Къыз чыгъаргъан – къызыл къымжа.
Кёкдеги болмаса, джердегин кёрмейди.
Ана къолу ачытмаз.
Арба аугъандан сора, джол кёргюзтюучю кёб болур.
Ат басханны джер билед.
Бойнуму джети джерден кессенг да, мен ол ишни этеллик тюлме.
Джигер – джаннга къыйынлыкъ.
Сибиртки да сыйлы болду, кюрек да кюнлю болду.
Къонакъ болсанг, ийнакъ бол.
Келинни – келгинчи, бёркню кийгинчи кёр.
Ана – юйню кюн джарыгъы.
Гыдай эчки суугъа къараб, мюйюзле кёрмесе, джашма алкъын, дегенди.
Чакъырылгъанны аты, чакъырылмагъанны багъасы болур.
Иги сеники эсе да, сюйген кесимикин этеме.
Тай асырагъан, атха минер.
Чабар ат – джетген къыз.
Тойгъан антын унутур.
Алим болгъандан эсе, адам болгъан къыйынды.
Ханы къызы буюгъа-буюгъа киштик болду.
Эр абынмай, эл танымаз.
Эркишини аманы тиширыуну джылатыр.
Тас болгъан бычакъны сабы – алтын.
Чыкълы кюнде чыкъмагъан, чыкъса къуру кирмеген.
Чабакъсыз кёлге къармакъ салгъанлыкъгъа, чабакъ тутмазса.
Чомартха Тейри да борчлуду.
Башы джабылгъан челекге, кир тюшмез.
Тилчи тилден къаныкъмаз.
Арбаз къынгырды да, ийнек сауалмайма.
Ашха уста, юйюнде болсун
Ашына кёре табагъы, балына кёре къалагъы.
Ач къарынны, токъ билмез
Аман къатын алгъан, арыр, иги къатын алгъан джарыр.

Логин:
Пароль:
	Запомнить меня на этом компьютере

Забыли свой пароль?
Регистрация