- Айныгъанлы алты кюн, тогъайгъанлы тогъуз кюн.
- Ишни ахырын ойламай, аллын башлама.
- Окъугъан озар, окъумагъан тозар.
- Къонакъ болсанг, ийнакъ бол.
- Дууулдаса – бал чибин, къонса – къара чибин.
- Юйлю уругъа ит чабмаз.
- Келгинчи, къонакъ уялыр, келгенден сора, къонакъбай уялыр.
- Эшекге миннген – биринчи айыб, андан джыгъылгъан – экинчи айыб.
- Къонакъ аман болса, къонакъбай джунчур
- Тилсиз миллет джокъ болур.
- Илму – джашауну джолу.
- Къарны аманнга къазан такъдырма, къолу аманнга от джакъдырма.
- Билген билмегенни юретген адетди.
- Аз сёлеш, кёб ишле.
- Адеб базарда сатылмаз.
- Къонакъ аз олтурур, кёб сынар.
- Ачлыкъда тары гырджын халыуадан татлы.
- Уллу къазанда бишген эт, чий къалмаз.
- Ачылгъан эт джабылыр, кёрген кёз унутмаз.
- Ушамагъан – джукъмаз.
- Экеу тутушса, биреу джыгъылыр.
- Эли джокъну – кёлю джокъ.
- Аманны эки битли тону болур, бирин сеннге кийдирир, бирин кеси киер.
- Эки элинги тыйсанг, джети элде махталырса.
- Насыблы элин сюер, насыбсыз кесин сюер.
- Билим – акъылны чырагъы.
- Кёзюнде тереги болгъан, чёбю болгъаннга кюле эди.
- Билмейме деген – бир сёз
- Байлыкъ тауусулур, билим тауусулмаз.
- Сёлеш деб шай берген, тохта деб, сом берген.
- Билимсиз иш бармаз.
- Аджалсыз ёлюм болмаз.
- Таш бла ургъанны, аш бла ур.
- Ата Джуртун танымагъан, атасын да танымаз.
- Адамны сыфатына къарама, сёзюне къара.
- Ариу – кёзге, акъыл – джюрекге.
- Джерни букъусу кёкге къонмаз.
- Таукел къуру къалмаз.
- Таукелге нюр джауар.
- Игилик игилик бла сингдирилиучю затды.
- Тюз сёз баргъан сууну тыяр.
- Къайгъыны сюйген, къайгъы табар.
- Аман адам элни бир-бирине джау этер.
- Болджал ишни бёрю ашар.
- Сагъышы джокъ – джукъучу, акъылы джокъ – къаугъачы.
- Аманны тукъумуна къарама, игини тукъумун сорма.
- Элиб деген, элге болушур.
- Эм уллу байлыкъ – джан саулукъ.
- Бек анасы джыламаз.
- Телини эшигин, махтау джабар.
Профиль
|
|
|
|||