- Тешик этген тынчды, аны джамагъан къыйынды.
- Айырылгъанланы айю ашар, бёлюннгенлени бёрю ашар.
- Юй ишлеген балта эшикде къалыр.
- Этим кетсе да, сюегим къалыр.
- Къонакъ кёб келюучю юйню, къазаны отдан тюшмез.
- Чабакъгъа акъыл, табагъа тюшсе келеди.
- Ёлген аслан – сау чычхан.
- Киштикге къанат битсе, чыпчыкъ къалмаз эди.
- Аман хансны – урлугъу кёб.
- Къартны сыйын кёрмеген, къартлыгъында сыйлы болмаз.
- Кесине гебен этелмеген, биреуге черен эте эди.
- Аман адамны тепсинге олтуртсанг, къызынгы тилер.
- Къолу уллу – асыу, аягъы уллу – джарсыу.
- Бал чибинни ургъаны – ачы, балы – татлы.
- Уруну арты – къуру.
- Айныгъанлы алты кюн, тогъайгъанлы тогъуз кюн.
- Къонакъ аман болса, къонакъбай джунчур
- Башланнган иш битер, къымылдагъан тиш тюшер.
- Терек ауса, отунчу – кёб.
- Тюкюрюк баш джармаз, налат кёз чыгъармаз!
- Аз айтсам, кёб ангылагъыз.
- Адам туугъан джеринде, ит тойгъан джеринде.
- Башы джабылгъан челекге, кир тюшмез.
- Аурууну келиую тынч, кетиую – къыйын.
- Адамны артындан къара сабан сюрме.
- Бети – къучакълар, джюреги – бычакълар.
- Сабий болмагъан джерде, мёлек болмаз.
- Баргъанынга кёре болур келгенинг.
- Билим ат болуб да чабар, къуш болуб да учар.
- Таукелге нюр джауар.
- Айранын берсенг, челегин да къызгъанма.
- Ёлген ийнек сютлю болур.
- Бал – татлы, балдан да бала – татлы.
- Билим къая тешер.
- Билим – акъылны чырагъы.
- Ашда уялгъан – мухар, ишде уялгъан – хомух.
- Аманнга да, игиге да оноусуз къатышма.
- Джарлы джети элни сёзюн этер.
- Ат да турмайды бир териде.
- Къарт бла баш аша, джаш бла аякъ аша.
- Акъдан къара болмаз.
- Ауругъанны сау билмез, ач къарынны токъ билмез.
- Биреуню эскиси биреуге джангы болмайды.
- Къыз чыгъаргъан – къызыл къымжа.
- Эл элде бирер малынг болгъандан эсе, бирер тенгинг болсун.
- Чомартны къолун джокълукъ байлар.
- Келлик заман – къартлыкъ келтирир, кетген заман – джашлыкъ ёлтюрюр.
- Ата Джуртча джер болмаз, туугъан элча эл болмаз.
- Чалманны аллы къалай башланса, арты да алай барады.
- Эртде тургъан бла эртде юйленнген сокъуранмаз.
Профиль
|
|
|
|||