- Аманны къуугъан, аманлыкъ табар.
- Биреуге аманлыкъны тилеме да, кесинге ашхылыкъны тиле.
- Чакъырылмагъан джерге барма, чакъырылгъан джерден къалма.
- Мал тутхан – май джалар.
- Кесине оноу эте билмеген, халкъына да эте билмез.
- Адебни адебсизден юрен.
- Къонакъ аз олтурур, кёб сынар.
- Окъ къызбайны джокълайды.
- Айтылгъан сёз ызына къайтмаз.
- Кесинге джетмегенни, кёб сёлешме.
- Ичимден чыкъды хата, къайры барайым сата?
- Ашыкъгъанны этеги бутуна чырмалыр.
- Хазыр ашха – терен къашыкъ.
- Кёб джат да, бек чаб.
- Махтаннган къыз, тойда джукълар.
- Алим болгъандан эсе, адам болгъан къыйынды.
- Атлыны ашхысы, ат тизгининден билинир
- Сабыр джетер муратха, сабырсыз къалыр уятха.
- Джангызны оту джарыкъ джанмаз!
- Сабийликде юретмесенг, уллу болса – тюзелмез.
- Къралынгы – душмандан, башынгы от бла суудан сакъла.
- Телиге от эт десенг, юйюнге от салыр.
- Акъыллы айтыр эди, акъылсыз къоймайды.
- Тёзгеннге, джабылгъан эшик ачылыр.
- Дууулдаса – бал чибин, къонса – къара чибин.
- Ариу – кёзге, акъыл – джюрекге.
- Чомартны къолун джокълукъ байлар.
- Дуния мал дунияда къалады.
- Баш болса, бёрк табылыр.
- Джашны джигитлиги сорулур, къызны джигерлиги сорулур.
- Таула не мийик болсала да, аууш табылыр.
- Джетген къыз джерли эшекни танымаз.
- Чыбыкълыкъда бюгюлмеген, къазыкълыкъда бюгюлмей эди.
- Чабар ат – джетген къыз.
- Эринчекни эр алмаз, эр алса да, кёл салмаз, кёл салса да, кёб бармаз!
- Арпа, будай – ащды, алтын, кюмюш а – ташды.
- Нафысынгы айтханын этме, намысынгы айтханын эт.
- Хар сёзню орну барды.
- Ач къалгъандан, кеч къалгъан къолай.
- Эшекге миннген – биринчи айыб, андан джыгъылгъан – экинчи айыб.
- Азыкълы ат арымаз, къатыны аман джарымаз.
- Тамчы таш тешер.
- Тёрдеги кюлсе, эшикдеги ышарыр.
- Къолунгдан къуймакъ ашатсанг да, атаны борчундан къутулмазса.
- Бир онгсуз адам адет чыгъарды, деб эштирик тюлсе.
- Халкъгъа джарагъан, джарлы къалмаз.
- Ачылгъан эт джабылыр, кёрген кёз унутмаз.
- Болджал ишни бёрю ашар.
- Билмейме деген – бир сёз
- Кёзю сокъурдан – къоркъма, кёлю сокъурдан – къоркъ.
Профиль
|
|
|
|||