- Рысхы – насыбха къор.
- Алгъанда – джууукъ, бергенде – джау.
- Элде адам къалмаса, ит тахтагъа минер.
- Тойгъа барсанг, тоюб бар, эски тонунгу къоюб бар.
- От этилмеген джерден тютюн чыкъмайды.
- Адамны сабийин сюйген джюреги, бычакъча, джитиди.
- Тил – кесген бычакъ, сёз – атылгъан окъ.
- Бойнуму джети джерден кессенг да, мен ол ишни этеллик тюлме.
- Хар зат кесини орнуна иги.
- Кийиминг бла танылма, адамлыкъ бла таныл.
- Адебсиз адам – джюгенсиз ат.
- Илму – джашауну джолу.
- Биреуню тёрюнден, кесинги эшик артынг игиди.
- Рысхы – сют юсюнде кёмюк кибикди.
- Мадар болса, къадар болур.
- Тау башында, тау болмаз, джангыз терек, бау болмаз.
- Хоншуну тауугъу къаз кёрюнюр, келини къыз кёрюнюр.
- Акъыл аздырмаз, билим тоздурмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Нарт сёз къарт болмаз.
- Тай асырагъан, атха минер.
- Джахил болса анасы, не билликди баласы?
- Кюн – узун, ёмюр – къысха.
- Айтылгъан сёз ызына къайтмаз.
- Эте билген, этген этеди, эте билмеген, юретген этеди!
- Къарт болгъан джерде, берекет болур, сабий болгъан джерде, оюн болур.
- Айтханы чапыракъдан ётмеген.
- Эл элде бирер малынг болгъандан эсе, бирер тенгинг болсун.
- Къазанда болса, чолпугъа чыгъар.
- Тик ёргени, тик энгишгеси да болады.
- Тойгъа алгъа да барма, тойда артха да къалма.
- Ётген ёмюр – акъгъан суу.
- Тойчу джашха къарама, къойчу джашха къара.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бозанг болмагъан джерге, къалагъынгы сукъма.
- Къайгъы тюбю – тенгиз.
- Аджаллыгъа окъсуз шкок атылыр.
- Эллинг бла джау болсанг да, юйюнг бла джау болма.
- Ашхы сёз таш тешер.
- Чомартха Тейри да борчлуду.
- Тешик этген тынчды, аны джамагъан къыйынды.
- Къарнынг бла ёч алма.
- Ашына кёре табагъы, балына кёре къалагъы.
- Адеб этмеген, адеб кёрмез.
- Къууут – джелге, берне – бошха.
- Чабакъсыз кёлге къармакъ салгъанлыкъгъа, чабакъ тутмазса.
- Бал чибинни ургъаны – ачы, балы – татлы.
- Аманны тукъумуна къарама, игини тукъумун сорма.
- Миллетни бойну – базыкъ, аны бла кюрешген – джазыкъ.
- Ашда – бёрю, ишде – ёлю.
Профиль
|
Жаннетчик
 Эльбрусоид
Cообщений: 144
Баллов: 115
Регистрация: 24.12.2011
Последний визит: 26.09.2024 08:57:31
|
|
||||||||
|
|
|
||||||||