Эльбрусоид :: Форум

Ата – билек, ана – джюрек!
Адамгъа аман кюн соруб келмейди.
Терек ауса, отунчу – кёб.
Бозаны арты дауур болур.
Къонагъынгы артмагъын алма да, алгъышын ал.
Телини эшигин, махтау джабар.
Тил – кесген бычакъ, сёз – атылгъан окъ.
Джаралыны джастыгъында сау ёлюр.
Кёпюр салгъан кеси ётер, уру къазгъан кеси кетер.
Къонагъы джокъну – шоху джокъ.
Къоркъакъны кёзю экили кёрюр.
Кютгени беш эчки, сызгъыргъаны уа, джерни джарады.
Аманны эки битли тону болур, бирин сеннге кийдирир, бирин кеси киер.
Адамны джюреги нени кёрюрге сюйсе, кёзю да аны кёрюрге ёч болады.
Биреуге аманлыкъны тилеме да, кесинге ашхылыкъны тиле.
Джарлы тюеге минсе да, ит къабар.
Ач отунчуну ачыуу – бурнунда.
Уллу сёлешме да, уллу къаб.
Адебни адебсизден юрен.
Сёз къанатсыз учар.
Билмейме деген – бир сёз
Тас болгъан бычакъны сабы – алтын.
Башы ишлегенни, ауузу да ишлер.
Ашда уялгъан – мухар, ишде уялгъан – хомух.
Адамны аманы адамны бети бла ойнар.
Тыш элде солтан болгъандан эсе, кесинги элде олтан болгъан игиди!
Айырылмаз джууугъунга, унутмаз сёзню айтма.
Джуртун къоругъан озар.
Ашхы атаны – джашы ашхы, ашхы ананы – къызы ашхы.
Атадан ёксюз – бир ёксюз, анадан ёксюз – эки ёксюз.
Эте билген, этген этеди, эте билмеген, юретген этеди!
Накъырда – кертини келечиси.
Айран ичген – къутулду, джугъусун джалагъан – тутулду.
Билим ат болуб да чабар, къуш болуб да учар.
Джарашыу сюйген – джалынчакъ.
Биреуге аманлыкъ этиб, кесинге игилик табмазса.
Къууут – джелге, берне – бошха.
Туз, гырджын аша, тюзлюк бла джаша.
Адеб базарда сатылмаз.
Зар адамны насыбы болмаз.
Джырчы джырчыгъа – къарнаш.
Ишни ахырын ойламай, аллын башлама.
Кёзю сокъурдан – къоркъма, кёлю сокъурдан – къоркъ.
Ачны эсинде – аш.
Аман адам этегингден тутса, кес да къач.
Таукелге нюр джауар.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Башланнган иш битер, къымылдагъан тиш тюшер.
Ариу сёз – къылычдан джити.
Кирсизни – саны таза, халалны – къаны таза.

Логин:
Пароль:
	Запомнить меня на этом компьютере

Забыли свой пароль?
Регистрация