- Уллу атлама – абынырса, уллу къабма – къарылырса.
- «Ма», - дегенни билмесенг, «бер», - дегенни билмезсе.
- Бозаны арты дауур болур.
- Акъыл аздырмаз, билим тоздурмаз.
- Джаханимни кёрмей, джандетге кёл салмазса.
- Ётюрюкню къуйругъу – бир тутум.
- Къарт айтханны этмеген, къартаймаз.
- Уясында не кёрсе, учханында аны этер.
- Сёз сёзню айтдырыр.
- Огъурлуну сёзю – суу, огъурсузну сёзю – уу.
- Иги бла джюрюсенг, джетерсе муратынга, аман бла джюрюсенг, къалырса уятха.
- Намыс болмагъан джерде, насыб болмаз.
- Нёгер болсанг, тенг бол, тенг болмасанг, кенг бол.
- Чакъырылмагъан къонакъ – орунсуз.
- Иши джокъну, сыйы джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Иги сеники эсе да, сюйген кесимикин этеме.
- Кюлме джашха – келир башха.
- Бюгюн дуния кибик, тамбла ахыратды.
- Кесинг сынамагъан затны, адамгъа буюрма.
- Зар адам ашынгы ашар, кесинги сатар.
- Къайгъыны сюйген, къайгъы табар.
- Билгенни къолу къарны джандырыр.
- Джогъун бар этген, барын бал этген.
- Оюмсуз атлагъан, аджалсыз ёлюр.
- Къартха ушагъан джаш – акъыллы, джашха ушагъан къарт – тели.
- Рысхысына кёре, джаш ёсер, къышлыгъына кёре, мал ёсер.
- Алгъанда – джууукъ, бергенде – джау.
- Сабий болмагъан джерде, мёлек болмаз.
- Хар сёзню орну барды.
- Элге къуллукъ этмеген, элге ие болмаз.
- Аз айтсам, кёб ангылагъыз.
- Джыгъылгъанны сырты джерден тоймаз.
- Садакъачыны джаны – къапчыгъында.
- Термилгенинги табмазса, кюлгенинге тюберсе.
- Тамбла алтындан бюгюн багъыр ашхы.
- Азыкъ аз болса, эртде орун сал.
- Ач бёрюге мекям джокъ.
- Киштикге къанат битсе, чыпчыкъ къалмаз эди.
- Тилчи тилден къаныкъмаз.
- Кёзю сокъурдан – къоркъма, кёлю сокъурдан – къоркъ.
- Сёз къанатсыз учар.
- Экеулен сёлеше тура эселе, орталарына барыб кирме.
- Танг атмайма десе да, кюн къоярыкъ тюйюлдю.
- Ёксюзню къалачы уллу кёрюнюр.
- Иги джашны ышаны – аз сёлешиб, кёб тынгылар.
- Чабакъгъа акъыл, табагъа тюшсе келеди.
- Булут кёкге джарашыу, уят бетге джарашыу.
- Арпа, будай – ащды, алтын, кюмюш а – ташды.
- Байлыкъ келсе, акъыл кетер.
Профиль
|
|
|
|||