- Аз сёлешген, къайгъысыз турур.
- Бал – татлы, балдан да бала – татлы.
- Киштикге къанат битсе, чыпчыкъ къалмаз эди.
- Ариу – кёзге, акъыл – джюрекге.
- Керилген да, ургъан кибикди.
- Къозулугъунда тоймагъан, къойлугъунда тоймаз.
- Айранын берсенг, челегин да къызгъанма.
- Игини сыйлагъан адетди.
- Уллу сёлешме да, уллу къаб.
- Ойнай-ойнай кёз чыгъар.
- Гырджын – тепсини тамадасы.
- Иги джашны ышаны – аз сёлешиб, кёб тынгылар.
- Джолда аягъынга сакъ бол, ушакъда тилинге сакъ бол.
- Сормай – алма, чакъырылмай – барма.
- Къарт бла баш аша, джаш бла аякъ аша.
- Аманны къуугъан, аманлыкъ табар.
- Джарлыны эшигин махтагъан джабар.
- Минг тенг да азды, бир джау да кёбдю.
- Душманны тышы – акъ, ичи – къара.
- Эл ауузу – элия.
- Ётюрюк хапар аякъ тюбю бла джюрюйдю.
- Нёгерсизни джолу узун.
- Ёгюзню мюйюзюнден тутадыла, адамны сёзюнден тутадыла.
- Аякъларынгы джууургъанынга кёре узат.
- Асхат ашлыкъ сата, юйдегиси ачдан къата.
- Тас болгъан бычакъны сабы – алтын.
- Джаханимни кёрмей, джандетге кёл салмазса.
- Адебсиз адам – джюгенсиз ат.
- Билген билмегенни юретген адетди.
- Адеби болмагъан къыз – тузсуз хант.
- Аллахха ийнаннган кишини, Аллах онгдурур ишин.
- Айранны сюйген, ийнек тутар.
- Айтылгъан сёз ызына къайтмаз.
- Къуру гыбыт бек дыгъырдар.
- Джыланны къуйругъундан басарынг келсе, аны башы болгъанын унутма.
- Гитче джилтин уллу элни джандырыр.
- Сёлеш деб шай берген, тохта деб, сом берген.
- Биреуню къыйынлыгъы бла кесинге джол ишлеме.
- Бек ашыкъгъан меннге джетсин, дегенди аракъы.
- Кюн кёрмеген, кюн кёрсе, кюндюз чыракъ джандырыр.
- Баргъанынга кёре болур келгенинг.
- Соргъан айыб тюлдю, билмеген айыбды.
- Насыб бютеу халкъны юлюшюдю.
- Башсыз урчукъ тюзюне айланмаз.
- Ёлген ийнек сютлю болур.
- Телиге от эт десенг, юйюнге от салыр.
- Ёксюзню къалачы уллу кёрюнюр.
- Сабий кёргенин унутмаз.
- Ашыкъгъан cуу, тенгизге джетмез.
- Юй ишлеген балта эшикде къалыр.
Профиль
|
Таукъан
 Эльбрусоид
Cообщений: 109
Баллов: 87
Регистрация: 26.12.2011
Последний визит: 26.05.2014 08:09:28
|
|
||||||
|
|
|
||||||