Эльбрусоид :: Форум

Эртде тургъан джылкъычыны эркек аты тай табар.
Кийим тукъум сордурур.
Бек анасы джыламаз.
Тулпарлыкъ, билекден тюл – джюрекден.
Джюз элде джюз ёгюзюм болгъандан эсе, джюз джууугъум болсун.
Хар адамгъа кеси миннген тау кибик.
Тешигини къатында, чычхан да батыр болур.
Кесинг сынамагъан затны, адамгъа буюрма.
Шапа кёб болса, аш татымсыз болур.
Кёл – къызбай, къол – батыр.
Агъач – джерни чырайы, кийим – эрни чырайы.
Ауругъан – джашаудан умутчу.
Ауузу аманнга «иги», деме.
Ариу сёз – къылычдан джити.
Адам сёзюнден белгили.
Башынга джетмегенни сорма.
Тюкюрюк баш джармаз, налат кёз чыгъармаз!
Бети – къучакълар, джюреги – бычакълар.
Чомартха Тейри да борчлуду.
Тин – байлыгъынг, терен саулугъунг.
Ачыкъ джюрекге джол – ачыкъ.
Сабийни джумушха джибер да, ызындан бар.
Джаным-тиним – окъуу, билим.
Башы ишлегенни, ауузу да ишлер.
Джылар джаш, атасыны сакъалы бла ойнар.
Сагъыш – къартлыкъгъа сюйюмчю.
Сакъалы текени да бар, мыйыгъы киштикни да бар.
Ачлыкъ отха секиртир.
Эки къатын алгъан – эки ташны ортасына башын салгъан.
Аманны эки битли тону болур, бирин сеннге кийдирир, бирин кеси киер.
Бозанг болмагъан джерге, къалагъынгы сукъма.
Игини сыйлагъан адетди.
Акъыл неден да кючлюдю.
Эшекни не къадар тюйсенг да, ат болмаз.
Тилчиден кери бол.
Башы джабылгъан челекге, кир тюшмез.
Атынг аманнга чыкъгъандан эсе, джанынг тамагъынгдан чыкъсын.
Ана къолу ачытмаз.
Кимни – тили, тиши онглу, кимни – къолу, иши онглу.
Ёзденликни джайгъан – джокълукъ.
Болджал ишни бёрю ашар.
Бети бедерден, намыс сакълама.
Хар зат кесини орнуна иги.
Чабакъ башындан чирийди.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Гугук кесини атын айтыб къычыргъанча, мен, мен деб нек тураса?
Ачны эсинде – аш.
Керилген да, ургъан кибикди.
Булут кёкге джарашыу, уят бетге джарашыу.
Билимден уллу байлыкъ джокъду.

Логин:
Пароль:
	Запомнить меня на этом компьютере

Забыли свой пароль?
Регистрация