Эльбрусоид :: Форум

Джарлы эскисин джамаса, къууаныр.
Ашарыкъда сайлагъаннга – чий гырджын.
Ашлыкъны арба юйге келтирир, чана базаргъа элтир.
Адебни адебсизден юрен.
Билимсиз иш бармаз.
Бёрю да ач къалмасын, эчки да ашалмасын.
Къонакъ болсанг, ийнакъ бол.
Сыфатында болмагъаны, суратында болмаз.
Башсыз урчукъ тюзюне айланмаз.
Ишлерге уял да, ашаргъа табма.
Нафысынгы айтханын этме, намысынгы айтханын эт.
Джырчы ёлсе, джыры къалыр.
Къобан да къуру да къобханлай турмайды, адам да къуру да патчахлай турмайды.
Уллу къашыкъ эрин джыртар.
Тойчу джашха къарама, къойчу джашха къара.
Ачлыкъда тары гырджын халыуадан татлы.
Аджашханны ызындагъы кёреди, джангылгъанны джанындагъы биледи.
Баргъанынга кёре болур келгенинг.
Иги сёз – джаннга азыкъ, аман сёз башха – къазыкъ.
Тюз сёз баргъан сууну тыяр.
Ётген ёмюр – акъгъан суу.
Зар адам ашынгы ашар, кесинги сатар.
Алма терегинден кери кетмез.
Чомарт бергенин айтмаз.
Эки итни арасына сюек атма, эки адамны арасында сёз чыгъарма.
Адеби болмагъан къыз – тузсуз хант.
Сабийни джумушха джибер да, ызындан бар.
Таукелге нюр джауар.
Тойгъандан сора, ашны сёкме.
Тёрени джагъы джокъ.
Ишге юренсин къоллары, халкъ бла болсун джоллары.
Игиге айтсанг – билир, аманнга айтсанг – кюлюр.
Ётюрюкден тюбю джокъ, кёлтюрюрге джиби джокъ.
Бир абыннган – минг сюрюнюр.
Билими азны – ауузунда кирит.
Суу ичген шауданынга тюкюрме.
Кесинге джетмегенни, кёб сёлешме.
Эринчекни аурууу – кёб.
Сагъышы джокъ – джукъучу, акъылы джокъ – къаугъачы.
Къатыны харакетли болса, эри къымсыз болур.
Элде адам къалмаса, ит тахтагъа минер.
Чабакъсыз кёлге къармакъ салгъанлыкъгъа, чабакъ тутмазса.
Окъуусуз билим – джокъ, билимсиз кюнюнг – джокъ.
Эрни эр этерик да, къара джер этерик да, тиширыуду.
Ёнгкюч къууана барыр, джылай келир.
Туз, гырджын аша, тюзлюк бла джаша.
Эки къатын алгъанны къулагъы тынгнгаймаз.
Сибиртки да сыйлы болду, кюрек да кюнлю болду.
Соргъан айыб тюлдю, билмеген айыбды.
Гитче джилтин уллу элни джандырыр.

Логин:
Пароль:
	Запомнить меня на этом компьютере

Забыли свой пароль?
Регистрация