Эльбрусоид :: Форум

Билим – акъылны чырагъы.
Башсыз урчукъ тюзюне айланмаз.
Къызгъанчдан ычхыныр, мухардан ычхынмаз.
Къонакъ хазыр болгъанлыкъгъа, къонакъбай хазыр тюлдю.
Ким бла джюрюсенг, аны кёзю бла кёрюнюрсе.
Акъыллы эркиши атын махтар, акъылсыз эркиши къатынын махтар.
Юй кюйдю да, кюйюз чыкъды, ортасындан тюйюш чыкъды.
Aдам боллукъ, сыфатындан белгили.
Ана – юйню кюн джарыгъы.
Къыйынлы джети элни къайгъысын этер.
Бастасын ашагъан, хантусун да ичер.
Аз айтсам, кёб ангылагъыз.
Ариу сёз – къылычдан джити.
Къартны сыйын кёрмеген, къартлыгъында сыйлы болмаз.
Сёз къанатсыз учар.
Башда акъыл болмаса, эки аякъгъа кюч джетер.
Термилгенинги табмазса, кюлгенинге тюберсе.
Адамны адамлыгъы къыйынлыкъда айгъакъланады.
Аджал соруб келмез, келсе, къайтыб кетмез.
Хата – гитчеден.
Кесинге джетмегенни, кёб сёлешме.
Ашын ашагъанынгы, башын да сыйла.
Чабар ат – джетген къыз.
Берекет берсин деген джерде, берекет болур.
Керек ташны ауурлугъу джокъ.
Артына баргъанны, къатына барма.
Ойнаб айтсанг да, эслеб айт.
Аякъларынгы джууургъанынга кёре узат.
Атлыны ашхысы, ат тизгининден билинир
Чомартха Тейри да борчлуду.
Суу да къайтады чыкъгъан джерине.
Эрни эр этерик да, къара джер этерик да, тиширыуду.
Джигер – джаннга къыйынлыкъ.
Бети къызарыучу адамны, джюреги харам болмаз.
Тойгъан джерге джети къайт.
Телиге акъыл салгъандан эсе, ёлгеннге джан салырса.
Хаухну атма, ёнгкючню сатма.
Къыз келсе, джумуш эте келеди, къатын келсе, ушакъ эте келеди.
Аман адамны тепсинге олтуртсанг, къызынгы тилер.
Къаллай салам берсенг, аллай джууаб алырса.
Биреуню тёрюнден, кесинги эшик артынг игиди.
Тешик этген тынчды, аны джамагъан къыйынды.
Окъугъан – асыу, окъумагъан – джарсыу.
Уллу суу бла уллу ауруудан башынгы сакъла.
Тюзлюк шохлукъну бегитир.
Ашда – бёрю, ишде – ёлю.
Кечеси – аяз, кюню – къыш, джарлы къаргъагъа бир аш тюш!
Аууздан келген, къолдан келсе, ким да патчах болур эди.
Тёрени джагъы джокъ.
Ашарыкъда сайлагъаннга – чий гырджын.

Логин:
Пароль:
	Запомнить меня на этом компьютере

Забыли свой пароль?
Регистрация