- Таукел тауну аудурур.
- Элни кючю – эмеген.
- Джарлы тюеге минсе да, ит къабар.
- Кийимни бичсенг, кенг бич, тар этген къыйын тюлдю.
- Рысхы – насыбха къор.
- Ана – юйню кюн джарыгъы.
- Ауурну тюбю бла, дженгилни башы бла джюрюген.
- Къан бла кирген, джан бла чыгъар.
- Келлик заман – къартлыкъ келтирир, кетген заман – джашлыкъ ёлтюрюр.
- Кютгени беш эчки, сызгъыргъаны уа, джерни джарады.
- Келинин тута билмеген, къул этер, къызын тута билмеген, тул этер.
- Акъыл неден да кючлюдю.
- Башы ишлегенни, ауузу да ишлер.
- Зар адамны насыбы болмаз.
- Тюзлюк тас болмайды.
- Джырчы джырчыгъа – къарнаш.
- Эр сокъур болсун, къатын тилсиз болсун.
- Ашарыкъда сайлагъаннга – чий гырджын.
- Джумушакъ терекни къурт ашар.
- Бастасын ашагъан, хантусун да ичер.
- Бал – татлы, балдан да бала – татлы.
- Байлыкъ келсе, акъыл кетер.
- Кёл ашады да, кеси ашады.
- Билимден уллу байлыкъ джокъду.
- Аш иеси бла татлыды.
- От этилмеген джерден тютюн чыкъмайды.
- Къызын тута билмеген, тул этер, джашын тута билмеген, къул этер.
- Нёгер болсанг, тенг бол, тенг болмасанг, кенг бол.
- Нарт сёз къарт болмаз.
- Эте билген, этген этеди, эте билмеген, юретген этеди!
- Ач къарынны, токъ билмез
- Биреуню къыйынлыгъы бла кесинге джол ишлеме.
- Ёгюзню мюйюзюнден тутадыла, адамны сёзюнден тутадыла.
- Аджаллыгъа окъсуз шкок атылыр.
- Азыгъы аз, алгъа къабар, аты аман, алгъа чабар.
- Сютню башын джалагъан къутулур, тюбюн ичген тутулур.
- Къумурсхала джыйылсала, пилни да джыгъадыла.
- Таш ата билмеген, башына урур.
- Таугъа чыгъаллыкъ эсенг, тюзде къалма.
- Джигер – джаннга къыйынлыкъ.
- Акъыллы эркиши атын махтар, акъылсыз эркиши къатынын махтар.
- Кёлю джокъну – джолу джокъ.
- Чыбыкълыкъда бюгюлмеген, къазыкълыкъда бюгюлмей эди.
- Асхат ашлыкъ сата, юйдегиси ачдан къата.
- Бир онгсуз адам адет чыгъарды, деб эштирик тюлсе.
- Аурууну келиую тынч, кетиую – къыйын.
- Бойнуму джети джерден кессенг да, мен ол ишни этеллик тюлме.
- Адеб этмеген, адеб кёрмез.
- Aдам боллукъ, сыфатындан белгили.
- Гитче джилтин уллу элни джандырыр.
Профиль
|
|
|
|||