- Кёзюнде тереги болгъан, чёбю болгъаннга кюле эди.
- Арба аугъандан сора, джол кёргюзтюучю кёб болур.
- Орну джокъну – сыйы джокъ.
- Къралынгы – душмандан, башынгы от бла суудан сакъла.
- Джашынгы кесинг юретмесенг, джашау юретир.
- Тамырсыз терекге таянма – джыгъылырса.
- Иги джашны ышаны – аз сёлешиб, кёб тынгылар.
- Къатыны харакетли болса, эри къымсыз болур.
- Бермеген къол, алмайды.
- Сыфатында болмагъаны, суратында болмаз.
- Тойгъанлыкъ къойгъа джарашады.
- Эл тойса, тоймагъан, эл къойса, къоймагъан.
- Акъыллы башны – тили къысха.
- Берекет берсин деген джерде, берекет болур.
- Билимли ёлмез, билимсиз кёрмез.
- Экеу тутушса, биреу джыгъылыр.
- Къуллукъчума, деб махтанма, къуллукъ – хаух джамчыды!
- Ёлюр джаннга, ёкюл джокъ.
- Биреу къой излей, биреу той излей.
- Эски джаугъа ышанма.
- Экеулен сёлеше тура эселе, орталарына барыб кирме.
- Ётюрюк хапар аякъ тюбю бла джюрюйдю.
- Билмезни кёзю кёрмез, этмезни къулагъы эшитмез.
- Дуния мал дунияда къалады.
- Ёлген эшек бёрюден къоркъмайды.
- Ишленмеклик адамлыкъды.
- От этилмеген джерден тютюн чыкъмайды.
- Ач отунчуну ачыуу – бурнунда.
- Алтыннга тот къонмаз.
- Тулпарлыкъ, билекден тюл – джюрекден.
- Аман киши кеси юйюнде – къонакъ.
- Къозулугъунда тоймагъан, къойлугъунда тоймаз.
- Накъырданы арты керти болур.
- Аз сёлеш, кёб ишле.
- Этни бети бла шорпасы.
- Хансыз джомакъ болмаз.
- Нёгер болсанг, тенг бол, тенг болмасанг, кенг бол.
- Чабакъсыз кёлге къармакъ салгъанлыкъгъа, чабакъ тутмазса.
- Алгъанда – джууукъ, бергенде – джау.
- Къарт айтханны этмеген, къартаймаз.
- Чомарт къолда мал къалмаз.
- Байма, деб да, къууанма, джарлыма, деб да, джылама.
- Бал – татлы, балдан да бала – татлы.
- Эркишиге тары кебек танг кёрюнюр.
- Чомартны къолу берекет.
- Адамны аманы адамны бети бла ойнар.
- Тиширыусуз юй – отсуз от джагъа.
- Ёлмесенг да, къарт дамы болмазса?
- Эки итни арасына сюек атма, эки адамны арасында сёз чыгъарма.
- Джангызны оту джарыкъ джанмаз!
Профиль
|
|
|
|||