Эльбрусоид :: Форум

Кёз – сюйген джерде, къол – ауругъан джерде.
Минг тенг да азды, бир джау да кёбдю.
Суугъа – таянма, джаугъа – ийнанма.
Ауругъанны сау билмез, ач къарынны токъ билмез.
Мухар, кеси тойса да, кёзю тоймаз.
Къанны къан бла джуума, аманны аман бла къуума.
Мал ёлсе, сюек къалыр, адам ёлсе, иши къалыр.
Эки элинги тыйсанг, джети элде махталырса.
Гугурук къычырмаса да, тангны атары къалмаз.
Атлыны кёрсе, джаяуну буту талыр.
Аджаллыгъа окъсуз шкок атылыр.
Адамны сыфатына къарама, сёзюне къара.
Таукел адам тау тешер.
Ариу сёз аурууунгу алыр.
Уллу сёлешме да, уллу къаб.
Джашда акъыл джокъ, къартда къарыу джокъ.
Тенги кёбню джау алмаз, акъылы кёбню дау алмаз.
Биреуге аманлыкъ этиб, кесинге игилик табмазса.
Айтылгъан сёз ызына къайтмаз.
Къазанда болса, чолпугъа чыгъар.
Тюзню ётмеги тюзде къалса да, тас болмаз.
Айранын берсенг, челегин да къызгъанма.
Ашлыкъны арба юйге келтирир, чана базаргъа элтир.
Чакъырылмай келген къонакъ сыйланмай кетер.
Окъ къызбайны джокълайды.
Адам бла мюлк юлешмеген эсенг, ол адамны билиб бошагъанма, деб кесинги алдама.
Къыйынлы джети элге оноу этер.
Мухарны эси – ашарыкъда.
Бюгюн дуния кибик, тамбла ахыратды.
Чомарт къолда мал къалмаз.
Ашхы сёз таш тешер.
Мал кёб болса, джууукъ кёб болур.
Бир абыннган – минг сюрюнюр.
Джаным-тиним – окъуу, билим.
Болджал ишни бёрю ашар.
Эшекни не къадар тюйсенг да, ат болмаз.
Баш – акъыл ючюн, акъылман – халкъ ючюн.
Чабакъгъа акъыл, табагъа тюшсе келеди.
Таула не мийик болсала да, аууш табылыр.
Босагъагъа джууукъ орун болса, ашыгъыб тёрге озма.
Аман адам элни бир-бирине джау этер.
Сютню башын джалагъан къутулур, тюбюн ичген тутулур.
Къартха ушагъан джаш – акъыллы, джашха ушагъан къарт – тели.
Ойнай билмеген, уруб къачар.
Ач да бол, токъ да бол – намысынга бек бол.
Эртде тургъан бла эртде юйленнген сокъуранмаз.
Хунаны тюбюн къазсанг, юсюнге ауар.
Адам къаллай бир ишленмесе, аллай бир кесин уллу кёреди.
Алтыда кюлмеген, алтмышда кюлмез.
Адебни адебсизден юрен.

Логин:
Пароль:
	Запомнить меня на этом компьютере

Забыли свой пароль?
Регистрация