Эльбрусоид :: Форум

Биреуню эскиси биреуге джангы болмайды.
Намысы болмагъанны, сыйы болмаз.
Акъыллы – эл иеси, тели – эл баласы.
Артына баргъанны, къатына барма.
Рысхы – сют юсюнде кёмюк кибикди.
Юй ишлеген балта эшикде къалыр.
Джаш къарыу бла кючлю, къарт акъыл бла кючлю.
Игилик игилик бла сингдирилиучю затды.
Баш – акъыл ючюн, акъылман – халкъ ючюн.
Гугурук къычырмаса да, тангны атары къалмаз.
Ётген ёмюр – акъгъан суу.
Итли къонакъ джарашмаз.
Билим къая тешер.
Ариу – кёзге, акъыл – джюрекге.
Чыкълы кюнде чыкъмагъан, чыкъса къуру кирмеген.
Сёз сёзню айтдырыр.
Сютню башын джалагъан къутулур, тюбюн ичген тутулур.
Къартха ушагъан джаш – акъыллы, джашха ушагъан къарт – тели.
Шайтан алдады, тюзлюк къаргъады.
Билгенни къолу къарны джандырыр.
Адамны аманы адамны бети бла ойнар.
Айырылгъанланы айю ашар, бёлюннгенлени бёрю ашар.
Минг тенг да азды, бир джау да кёбдю.
Кенгеш болса, уруш болмаз.
Кёбден умут этиб, аздан къуру къалма.
Билмейме деген – бир сёз
Тили узунну, намысы – къысха.
Татлы сёз – балдан татлы.
Джангыз торгъай джырламаз.
Эркиши – от, тиширыу – суу.
Къайгъыны сюйген, къайгъы табар.
Ашарыкъда сайлагъаннга – чий гырджын.
Тенгинг джокъ эсе – изле, бар эсе – сакъла!
Джюрекден джюрекге джол барды.
Акъылсызны джууукъгъа алма, акъыллыны кенгнге салма.
Чомартны къолун джокълукъ байлар.
Тенгни тенглиги джашай барсанг билинир.
Джашынгы кесинг юретмесенг, джашау юретир.
Бастасын ашагъан, хантусун да ичер.
Сыфатында болмагъаны, суратында болмаз.
Биреуге аманлыкъны тилеме да, кесинге ашхылыкъны тиле.
Джашда акъыл джокъ, къартда къарыу джокъ.
Иги бла джюрюсенг, джетерсе муратынга, аман бла джюрюсенг, къалырса уятха.
Къатын байлыкъны сюер, эр саулукъну сюер.
Айтылгъан сёз ызына къайтмаз.
Юре билмеген ит, къонакъ келтирир.
Бал чибинни ургъаны – ачы, балы – татлы.
Эки ойлашыб, бир сёлешген.
Ёлген аслан – сау чычхан.
Ашхы атаны – джашы ашхы, ашхы ананы – къызы ашхы.

Логин:
Пароль:
	Запомнить меня на этом компьютере

Забыли свой пароль?
Регистрация