Эльбрусоид :: Форум

Тойчу джашха къарама, къойчу джашха къара.
Аман хансны – урлугъу кёб.
Джюрек кёзден алгъа кёрюр.
Джигер – джаннга къыйынлыкъ.
Къобан да къуру да къобханлай турмайды, адам да къуру да патчахлай турмайды.
Акъылсызны джууукъгъа алма, акъыллыны кенгнге салма.
Кеси юйюмде мен да ханма.
Чакъырылмагъан къонакъ къачан кетерин сормаз.
Джолунга кёре – джюрюшюнг, джагъанга кёре – юлюшюнг.
Арба аугъандан сора, джол кёргюзтюучю кёб болур.
Аман къатын алгъан, арыр, иги къатын алгъан джарыр.
Гитче джилтин уллу элни джандырыр.
Хар ишни да аллы къыйынды.
Кёлю джокъну – джолу джокъ.
Тилде сюек болмаса да, сюек сындырыр.
Тил бла келеди джыр да.
Джауумдан сора, кюн кюйдюрюр, ётюрюкден сора, айыб кюйдюрюр.
Эки элинги тыйсанг, джети элде махталырса.
Эшекни не къадар тюйсенг да, ат болмаз.
Чалманны аллы къалай башланса, арты да алай барады.
Уллу айтханны этмеген – уллаймаз.
Аманнга игилик этсенг, юйюнге сау бармазса.
Байлыкъ болгъан джерде, тынчлыкъ джокъду.
Кесинг сынамагъан затны, адамгъа буюрма.
Къуру гыбыт бек дыгъырдар.
Хар адамгъа кеси миннген тау кибик.
Кёл – къызбай, къол – батыр.
Ашхылыкъ джерде джатмайды, аманлыкъ суугъа батмайды.
Къызбайны юйюне дери сюрсенг, батыр болур.
Тамчы таш тешер.
Кютгени беш эчки, сызгъыргъаны уа, джерни джарады.
Билмегенинги, билгеннге сор.
Игиге айтсанг – билир, аманнга айтсанг – кюлюр.
Тулпарлыкъ, билекден тюл – джюрекден.
Намысы болмагъанны, сыйы болмаз.
Иги адам абынса да, джангылмаз.
Къызгъанчдан ычхыныр, мухардан ычхынмаз.
Кюн кёрмеген, кюн кёрсе, кюндюз чыракъ джандырыр.
Уясында не кёрсе, учханында аны этер.
Сыфатында болмагъаны, суратында болмаз.
Чабакъсыз кёлге къармакъ салгъанлыкъгъа, чабакъ тутмазса.
Ёлген аслан – сау чычхан.
Азыкъ аз болса, эртде орун сал.
Юйлю уругъа ит чабмаз.
Акъыл бла адеб эгизледиле.
Аш кетер да бет къалыр.
Байлыкъ келсе, акъыл кетер.
Таш бла ургъанны, аш бла ур.
Окъ къызбайны джокълайды.
Сескекли кесин билдирир.

Логин:
Пароль:
	Запомнить меня на этом компьютере

Забыли свой пароль?
Регистрация