Эльбрусоид :: Форум :: Капитан Очевидность

Ишлемеген – тишлемез.
Халкъгъа джарагъан, джарлы къалмаз.
Чакъырылмагъан къонакъ – орунсуз.
Ёксюзню тилеги къабыл болур.
Джаралыны джастыгъында сау ёлюр.
Ушамагъан – джукъмаз.
Ач, тоймам, дейди, тойгъан, ач болмам, дейди.
Джюрекден джюрекге джол барды.
Азыкълы ат арымаз, къатыны аман джарымаз.
Ашхылыкъ джерде джатмайды, аманлыкъ суугъа батмайды.
Къар – келтирди, суу – элтди.
Джангыз торгъай джырламаз.
Джеринден айырылгъан – джети джылар, джуртундан айырылгъан – ёлгюнчю джылар.
Кюн кёрмеген, кюн кёрсе, кюндюз чыракъ джандырыр.
Сагъыш – къартлыкъгъа сюйюмчю.
Кесине оноу эте билмеген, халкъына да эте билмез.
Эринчекге кюн узун.
Адамны сабийин сюйген джюреги, бычакъча, джитиди.
Сакъалы текени да бар, мыйыгъы киштикни да бар.
Ётген ёмюр – акъгъан суу.
Къыз чыгъаргъан – къызыл къымжа.
Чомартха хар кюн да байрамды.
Ойнай-ойнай кёз чыгъар.
Хар адамгъа кеси миннген тау кибик.
Тойну къарнашы – харс, джырны къарнашы – эжиу.
Тин – байлыгъынг, терен саулугъунг.
Джауумдан сора, кюн кюйдюрюр, ётюрюкден сора, айыб кюйдюрюр.
Ауурну тюбю бла, дженгилни башы бла джюрюген.
Ханнга да келеди хариблик.
Ашлыкъ – бюртюкден, джюн – тюкден.
Ариу сёз – джаннга азыкъ, аман сёз – башха къазыкъ.
Адамгъа аман кюн соруб келмейди.
Джарлыны эшигин махтагъан джабар.
Къуллукъчума, деб махтанма, къуллукъ – хаух джамчыды!
Адебни адебсизден юрен.
Хоншуну тауугъу къаз кёрюнюр, келини къыз кёрюнюр.
Чабакъгъа акъыл, табагъа тюшсе келеди.
Тойгъан джерге джети къайт.
Ёлюк кебинсиз къалмаз.
Хар сёзню орну барды.
Тили узунну, намысы – къысха.
Къолунгдан къуймакъ ашатсанг да, атаны борчундан къутулмазса.
Къартха ушагъан джаш – акъыллы, джашха ушагъан къарт – тели.
Таш бла ургъанны, аш бла ур.
Айраннга суу къош, телиге джол бош.
Кёл – къызбай, къол – батыр.
Бек анасы джыламаз.
Биреуге аманлыкъны тилеме да, кесинге ашхылыкъны тиле.
Мен да «сен», дейме, сен да «кесим», дейсе.
Келгинчи, къонакъ уялыр, келгенден сора, къонакъбай уялыр.

Логин:
Пароль:
	Запомнить меня на этом компьютере

Забыли свой пароль?
Регистрация