Эльбрусоид :: Форум

Ариу сёз аурууунгу алыр.
Джол бла сёзню къыйыры джокъ.
Гугурук къычырмаса да, тангны атары къалмаз.
Байдан умут эте, джарлыдан ёгюз багъасы къорады.
Дуния аламаты сен эсенг да, игиме деб айтма.
Ушамагъан – джукъмаз.
Битмегеннге сакъал – танг.
Бет бетге къараса, бет да джерге къарар.
Уллу къазанда бишген эт, чий къалмаз.
Зар адам ашынгы ашар, кесинги сатар.
Бюгюн дуния кибик, тамбла ахыратды.
Харам къарнашдан, халал тенг ашхы.
Намыс болмагъан джерде, насыб болмаз.
Ёнгкюч къууана барыр, джылай келир.
Рысхы – насыбха къор.
Дженгил джетерикме деб, узун джолну къоюб, къысхасын барма.
Тенги кёбню джау алмаз, акъылы кёбню дау алмаз.
Кёпюр салгъан кеси ётер, уру къазгъан кеси кетер.
Сёз сёзню айтдырыр.
Юреннген ауруу къалмаз.
Тулпарлыкъ, билекден тюл – джюрекден.
Айраннга суу къош, телиге джол бош.
Суу да къайтады чыкъгъан джерине.
Адам бла мюлк юлешмеген эсенг, ол адамны билиб бошагъанма, деб кесинги алдама.
Босагъа таш юйге кирмей эди, тыбыр таш эшикге чыкъмай эди.
Акъылсызны джууукъгъа алма, акъыллыны кенгнге салма.
Ач да бол, токъ да бол – намысынга бек бол.
Аякъларынгы джууургъанынга кёре узат.
Акъыл сабырлыкъ берир.
Джуртун къоругъан озар.
Ханнга да келеди хариблик.
Къызны минг тилер, бир алыр.
Дууулдаса – бал чибин, къонса – къара чибин.
Ёмюрлюк шохлукъну джел элтмез.
Дуния мал дунияда къалады.
Кимни – тили, тиши онглу, кимни – къолу, иши онглу.
Айранны сюйген, ийнек тутар.
Ач къарным, тынч къулагъым.
Сагъышы джокъ – джукъучу, акъылы джокъ – къаугъачы.
Ауузу аманнга «иги», деме.
Кёб джат да, бек чаб.
Бети – къучакълар, джюреги – бычакълар.
Алтыда кюлмеген, алтмышда кюлмез.
Ёлюр джаннга, ёкюл джокъ.
Айыбны суу бла джууалмазса.
Аджашханны ызындагъы кёреди, джангылгъанны джанындагъы биледи.
Алма терегинден кери кетмез.
Къонакъ кёб келюучю юйню, къазаны отдан тюшмез.
Ач уят къоймаз.
Арбаз къынгырды да, ийнек сауалмайма.

Логин:
Пароль:
	Запомнить меня на этом компьютере

Забыли свой пароль?
Регистрация