Эльбрусоид :: Форум

Джюрекге ариу – кёзге да ариу.
Ачыу алгъа келсе, акъыл артха къалады.
Билими азны – ауузунда кирит.
Игиге айтсанг – билир, аманнга айтсанг – кюлюр.
Артына баргъанны, къатына барма.
Тыш элде солтан болгъандан эсе, кесинги элде олтан болгъан игиди!
Халкъны юйю – туугъан джери.
Аякъларынгы джууургъанынга кёре узат.
Тамырсыз терекге таянма – джыгъылырса.
Эрни эр этерик да, къара джер этерик да, тиширыуду.
Ашаса, ашамаса да, бёрюню ауузу – къан.
Мал тутхан – май джалар.
Джыгъылгъанны сырты джерден тоймаз.
Джумушакъ сёз къаты таякъны сындырыр.
Экиндини кеч къылсанг, чабыб джетер ашхам.
Ариу сёз – къылычдан джити.
Джашлыкъ этмеген, башлыкъ этмез.
Азыкълы ат арымаз, къатыны аман джарымаз.
Таугъа чыгъаллыкъ эсенг, тюзде къалма.
Адамны артындан къара сабан сюрме.
Ким бла джюрюсенг, аны кёзю бла кёрюнюрсе.
Тил – кесген бычакъ, сёз – атылгъан окъ.
Телиге акъыл салгъандан эсе, ёлгеннге джан салырса.
Бек анасы джыламаз.
Къонакъ болсанг, ийнакъ бол.
Ишленмеклик адамлыкъды.
Бичгенде ашыкъма, тикгенде ашыкъ.
Айныгъанлы алты кюн, тогъайгъанлы тогъуз кюн.
Къарыусузгъа кюлме, онгсузгъа тийме.
Чомарт джарлы болмаз.
Къыз тиширыу кеси юйюнде да къонакъды.
Адеб этмеген, адеб кёрмез.
Ашхы болсанг, атынг чыгъар, аман болсанг, джанынг чыгъар.
Ашхы адам – халкъ байлыгъы, ашхы джер – джашау байлыгъы.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Дуния мал дунияда къалады.
Чабакъсыз кёлге къармакъ салгъанлыкъгъа, чабакъ тутмазса.
Бир онгсуз адам адет чыгъарды, деб эштирик тюлсе.
Биреуге аманлыкъны тилеме да, кесинге ашхылыкъны тиле.
Къумурсхала джыйылсала, пилни да джыгъадыла.
Джерни букъусу кёкге къонмаз.
От кюйдюрген, сау болса да, тот кюйдюрген, сау болмаз.
Билимден уллу байлыкъ джокъду.
Айтылгъан сёз ызына къайтмаз.
Джиби бир къат джетмей эди да, эки къат тарта эди.
Джеринден айырылгъан – джети джылар, джуртундан айырылгъан – ёлгюнчю джылар.
Адам туугъан джеринде, ит тойгъан джеринде.
Тилчи тилден къаныкъмаз.
Хоншуну тауугъу къаз кёрюнюр, келини къыз кёрюнюр.
Акъыллы – эл иеси, тели – эл баласы.

Логин:
Пароль:
	Запомнить меня на этом компьютере

Забыли свой пароль?
Регистрация