- Уллу къашыкъ эрин джыртар.
- Ханы къызы буюгъа-буюгъа киштик болду.
- Чомарт джарлы болмаз.
- Джогъун бар этген, барын бал этген.
- Кёб джашагъан – кёб билир.
- Арыгъан къош чамчы болур.
- Биреуню къыйынлыгъы бла кесинге джол ишлеме.
- Адамны артындан къара сабан сюрме.
- Арба аугъандан сора, джол кёргюзтюучю кёб болур.
- Кийимни бир кюнню аясанг, минг кюннге джарар.
- Асхат ашлыкъ сата, юйдегиси ачдан къата.
- Элиб деген, элге болушур.
- Эринчекни аурууу – кёб.
- Aдам боллукъ, сыфатындан белгили.
- Сабий болмагъан джерде, мёлек болмаз.
- Ачлыкъда тары гырджын халыуадан татлы.
- Чомартны къолу берекет.
- Кёл – къызбай, къол – батыр.
- Ана къолу ачытмаз.
- Ата Джуртун танымагъан, атасын да танымаз.
- Мухардан ач ычхынмаз.
- Ауругъаннга – кийик саулукъ, джетген къызгъа – чилле джаулукъ.
- Эте билген, этген этеди, эте билмеген, юретген этеди!
- Джумушакъ терекни къурт ашар.
- Сёз садакъдан кючлюдю.
- Ёксюзню къалачы уллу кёрюнюр.
- Тау башында, тау болмаз, джангыз терек, бау болмаз.
- Тас болгъан бычакъны сабы – алтын.
- Къонакъ болсанг, ийнакъ бол.
- Дуния малгъа сатылма, кесингден телиге къатылма.
- Ашхы болсанг, атынг чыгъар, аман болсанг, джанынг чыгъар.
- Тили узунну, намысы – къысха.
- Бал – татлы, балдан да бала – татлы.
- Биреуге аманлыкъ этиб, кесинге игилик табмазса.
- Мал кёб болса, джууукъ кёб болур.
- Ач къалгъандан, кеч къалгъан къолай.
- Башынга джетмегенни сорма.
- Накъырда – кертини келечиси.
- Къарт бла баш аша, джаш бла аякъ аша.
- Ач отунчуну ачыуу – бурнунда.
- Таякъ этден ётер, тил сюекден ётер.
- Ат басханны джер билед.
- Уруну арты – къуру.
- Мен да «сен», дейме, сен да «кесим», дейсе.
- Кютгени беш эчки, сызгъыргъаны уа, джерни джарады.
- Сютню башын джалагъан къутулур, тюбюн ичген тутулур.
- Ашхы – джыяр, аман – джояр.
- Ойнай-ойнай кёз чыгъар.
- Адеб базарда сатылмаз.
- Адам сёзге тынгыла, акъыл сёзню ангыла.
Профиль
|
|
|
|||