Эльбрусоид :: Форум

Тил – миллетни джаны.
Айран ичген – къутулду, джугъусун джалагъан – тутулду.
Эринчекге кюн узун.
Джюрекге ариу – кёзге да ариу.
Хаухну атма, ёнгкючню сатма.
Ауругъанны сау билмез, ач къарынны токъ билмез.
Билимден уллу байлыкъ джокъду.
Мадар болса, къадар болур.
Хантына кёре тузу, юйюне кёре къызы.
Сагъыш – къартлыкъгъа сюйюмчю.
Ариу сёз джыланны орнундан чыгъарыр.
Термилгенинги табмазса, кюлгенинге тюберсе.
Байдан умут эте, джарлыдан ёгюз багъасы къорады.
Чалманны аллы къалай башланса, арты да алай барады.
Эшекни не къадар тюйсенг да, ат болмаз.
Кимни – тили, тиши онглу, кимни – къолу, иши онглу.
Тамбла алтындан бюгюн багъыр ашхы.
Билимли ёлмез, билимсиз кёрмез.
Къалгъан ишге къар джауар.
Чомартны къолун джокълукъ байлар.
Бет бетге къараса, бет да джерге къарар.
Къонакъны къачан кетерин сорма, къачан келлигин сор.
Джолда аягъынга сакъ бол, ушакъда тилинге сакъ бол.
Атлыны ашхысы, ат тизгининден билинир
Шайтан алдады, тюзлюк къаргъады.
Итли къонакъ джарашмаз.
Акъыл бла адеб эгизледиле.
Адам туугъан джеринде, ит тойгъан джеринде.
Арыгъан къош чамчы болур.
Ышармагъан – кюлмез, кюлмеген – къууанчны билмез.
Къан бла кирген, джан бла чыгъар.
Юйюнгден чыкъдынг – кюнюнгден чыкъдынг.
Аман адам этегингден тутса, кес да къач.
Тура эдим джата, къайдан чыкъды хата?
Тёрдеги кюлсе, эшикдеги ышарыр.
Рысхы джалгъанды: келген да этер, кетген да этер.
Накъырданы арты керти болур.
Къайгъыны сюйген, къайгъы табар.
Джаш болсун, къыз болсун, акъылы, саны тюз болсун.
Рысхы – насыбха къор.
Ёлген ийнек сютлю болур.
Акъылсызны джууукъгъа алма, акъыллыны кенгнге салма.
Иги – алгъыш этер, аман – къаргъыш этер.
Джарлыны эшигин махтагъан джабар.
Аууздан келген, къолдан келсе, ким да патчах болур эди.
Дженгил джетерикме деб, узун джолну къоюб, къысхасын барма.
Аман киши кеси юйюнде – къонакъ.
Аманнга да, игиге да оноусуз къатышма.
Ётюрюкню къуйругъу – бир тутум.
Иги адам абынса да, джангылмаз.

Логин:
Пароль:
	Запомнить меня на этом компьютере

Забыли свой пароль?
Регистрация